Matie Sɛbɛ 1
1
A NƖ-KPƐ̃Ɛ JEEJU-KIRISI SÃA-KƲNBƆ
(Lu 3.23-38)
1A *Jeeju-Kirisi sãa-kʋnbɔ nɩ a basɩmɛ ba na sɛb, wa nyɔw nɩ a Abʋraham wa ta nɩ a Davɩtɩ ɩ̃ cen na ta a Jeeju-Kirisi.
2A Abʋraham dɔw na a Ɩjakɩ, a Ɩjakɩ mɩ dɔw a Jakɔb, a Jakɔb mɩ ɩraa ɩ̃ dɔw a Juda nɩ a ʋ yɛɛr, 3a Juda mɩ lɛ dɔw a ɩ nɩ a Jara (a ba mã ɩ̃ dɩ a Tamaar), a Farɛsɩ mɩ dɔw a Ɛsɩrɔ̃, a Ɛsɩrɔ̃ mɩ ɩraa ɩ̃ dɔw a Aram, 4a Aram mɩ lɛ dɔw a Aminadab, a Aminadab mɩ dɔw a Naasõ, a Naasõ mɩ ɩraa ɩ̃ dɔw a Salmɔ̃, 5a Salmɔ̃ mɩ lɛ dɔw a Booji (a ʋ ma dɩ na a Arahab), a Booji mɩ dɔw a Obɛdɩ (a ʋ mã dɩ na a Uruti), a Obɛdɩ mɩ ɩraa ɩ̃ dɔw a Jɛsɩ, 6a Jɛsɩ mɩ lɛ dɔw a jamana Davɩtɩ.
A Davɩtɩ dɔw na a Salʋmɔ̃ (a ʋ mã ɩ̃ dãa ɩ̃ a Uri pɔw), 7a Salʋmɔ̃ mɩ dɔw a Orobom, a Orobom mɩ ɩraa ɩ̃ dɔw a Abiya, a Abiya mɩ lɛ dɔw a Asafi, 8a Asafi mɩ dɔw a Jojafati, a Jojafati mɩ ɩraa ɩ̃ dɔw a Joram, a Joram mɩ lɛ dɔw a Ojaasi, 9a Ojaasi mɩ dɔw a Jowatam, a Jowatam mɩ ɩraa ɩ̃ dɔw a Akaji, a Akaji mɩ lɛ dɔw a Ejekasi, 10a Ejekasi mɩ dɔw a Manase, a Manase mɩ ɩraa ɩ̃ dɔw a Amɔ̃, a Amɔ̃ mɩ lɛ dɔw a Jojiya, 11a Jojiya mɩ dɔw a Jekɔnya nɩ a ʋ yɛɛr a daar ʋlɔ ba na nyɔɔr a *Ɩsɩrayɛl nɩbɛ cenʼɩ̃ a *Babɩlɔ̃-tẽw.
12A mɩnɛ ba na nyɔɔr a Ɩsɩrayɛl nɩbɛ cenʼɩ̃ a Babɩlɔ̃-tẽw baar, a Jɛkɔnya dɔw na a Salatɩɛl a be, a Salatɩɛl mɩ dɔw a Jorobabɛl, 13a Jorobabɛl mɩ ɩraa ɩ̃ dɔw a Abudi, a Abudi mɩ lɛ dɔw a Elaakɩm, a Elaakɩm mɩ dɔw a Ajɔɔr, 14a Ajɔɔr mɩ ɩraa ɩ̃ dɔw a Sadɔkɩ, a Sadɔkɩ mɩ lɛ dɔw a Akɩm, a Akɩm mɩ dɔw a Eludi, 15a Eludi mɩ ɩraa ɩ̃ dɔw a Elajaar, a Elajaar mɩ lɛ dɔw a Matã, a Matã mɩ dɔw a Jakɔb, 16a Jakɔb mɩ ɩraa ɩ̃ dɔw a Jojɛfʋ na ɩ a Maarɩɩ sɩrɛ, a Maarɩɩ ʋlɔ na dɔw a *Jeeju ba na bʋɔlɔ a *Kirisi.
17A nɔhɔ̃ a sãa-kʋnbɔ tu-taa dãa na ɩ a pie-nʼanuu for bir, wa nyɔw nɩ a Abʋraham daar cenʼɩ̃ na ta a Davɩtɩ. Wa mɩ nyɔw nɩ a Davɩtɩ daar cenʼɩ̃ wa ta nɩ a Ɩsɩrayɛl nɩbɛ Babɩlɔ̃-tẽw cenfʋ daar mɩ lɛ ɩ a tu-taa gbɛɛ pie-nʼanuu for bir. Wa mɩ nyɔw nɩ a ʋna daarʼãa wa ta nɩ a Kirisi dɔwfʋ daar lɛ ɩ na a tu-taa gbɛɛ pie-nʼanuu for bir go.
A JEEJU-KIRISI DƆWFƲ ƳƐRƖ̃
(Lu 2.1-7)
18Nyɛ a mɩnɛ a *Jeeju-Kirisi dɔwfʋ ƴɛrɩ̃ na be. A ʋ mã Maarɩɩ nɩ a Jojɛfʋ dãa na ŋma a ba. Ɩ̃-cɛ a lɛ ba na ma kul taa sɛr wa, ba nyɛ ʋ na ʋ tɛrɛ a pʋɔ na yi a Naaŋmɩn Sɩɛ jie. 19A ʋ baraa Jojɛfʋ ɩ na nɩ-dẽdẽ ɩ̃ ma bʋɔrɔ a ƴɛrɩ̃ ʋlɔ ʋ yi yɔ̃w a Maarɩɩ a vĩ wa, ala-ɩ̃-sɔ ʋ tɩɛrɛ a ʋ suur pʋɔ a mɩnɛ ba na ɩrɛ ɩ̃ ŋmara a ba ba ɩfʋ. 20Ɩ̃ a mɩnɛ ʋ na cãa tɛrɛ a ala, a Naaŋmɩn sɩ-tʋnaa nyɩr ʋ na a jãasʋlɩ̃ pʋɔ ɩ̃ yel ʋ:
“Davɩtɩ bie Jojɛfʋ! Taa jɔrɔ dãbɩ̃ɛ a Maarɩɩ kulfʋ ɩnɛ wa, a-na-ɩ a pʋɔ ʋ na tɛrɛ yi na a Naaŋmɩn Sɩɛ jie. 21Ʋ na dɔw na dabile ɩ̃ a fʋ pʋr ʋ a yuor *Jeeju, a-na-ɩ a ʋlɔ nɔɔ faa a ʋ nɩbɛ a ba maal-faar pʋɔ.”
22A ana yele a jaa ta na, a na ɩ a ala a Nɩ-kpɛ̃ɛ na dãa yel a ʋ ƴɛr-hiere nʋɔr pʋɔ. Ʋ dãa na yel:
23“Pɔsa-bile na tɛrɛ na a pʋɔ dɔw a dabile
a ba pʋr ʋ a yuor, Emanʋwɛl.”
A lɛ yelʼã, áa Naaŋmɩn be nɩ sɩ na.
24A mɩnɛ a Jojɛfʋ na jaw, ʋ sɔw na a ala a Nɩ-kpɛ̃ɛ sɩ-tʋnaa na yel ʋ, ɩ̃ taw a ʋ baraa kulʼɩ̃ a ʋ yir, 25ɩ̃-cɛ baa gã taa wa, wa ta nɩ a lɛ ʋ na dɔw a bie baar. Ɩ̃ a Jojɛfʋ pʋrʼã a bie yuor a Jeeju.
اکنون انتخاب شده:
Matie Sɛbɛ 1: BNT93
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Le Nouveau Testament en langue birifor © Alliance Biblique au Burkina Faso, 1993.
