St. Luka 12
12
1Lone na dut e koyc did aci gol ké kêk aci rot pik, Yesus aci gol bi lek koyc-ke: Tyetke rot etong ûr e Pharisaei ke kuet rot. 2Lone acin kede aci kum ye ci bi tîc, ko acin kede aci tyàn ye ci bi nyic.
3Yekan ci uêk luel a muod abi luel e gher; ko kan ci uêk mon ghut-ic abi uet e ghut-nom. 4Lone ghên e lek uêk mêd-kia: Dunke ryoc etong kak a nak guop alé acin kede leu bik loy. 5Lone ghên abi uêk nyod ye-nga uêk abi ryoc. Ryocke etong kan ye na aci nok a nong ryel bi tōc pan e mac. Yene, ghên a lek uêk, kan ryocke. 6Acíe amòr wdyec e ghâc e tyalyang rou? Ko tok etong kêk Dén-did aci bi nom-mar; 7lone ayá nim ue nom aci kuen. Ko yekan dunke ryoc; uêk auer e amór cuec. 8Lone ghên a lek uêk: tok eben ye abi ghên gam e koyʼ-nyin, ghên abi yen luel (gam) e ajâk e Dén-did-nyin. 9Lone ke moyn ghên e koyʼ-nyin, yen abi moyn ajak e Dén-did-nyin. 10Ko tok eben ye uet luel etong man e ran abi pal yen; lone ke ye lat uêy e Dén-did aci bî pal yen. 11Lone na koyc abi uêk bei ghut e nyic, ko ka ye lûk, ko ka leu-nyin, dunke ue nim rom kedí ko ngu bi uêk bêr ko ngu bi uêk luel; 12ke uêy e Den-did abi uêk nyic ghonké, ye-ngu bi uêk luel.
13Lone tok etong dut e koyc aci lek yen; Beyn e nyic, leke uanmad bi yen têk ke ghên ka ci nyang. 14Ko kan aci lek yen: Ran, ye-nga aci ghên tau ba lûk ko ba têk etong uêk? 15Ko aci lek kêk: Tyengke ko tyetke rot etong kòg eben; ké aci to cuec e uèu-ke-ic pir-de aci to wtin. 16Lone yen aci lek luop ko aci luel: Dom e ran ci kuet tok aci bei tau cuec; 17ko yen aci tak e ye rot ko aci luel: Ye-ngu aba loy, ké ghên acin tede ba kuet wtin tâu-kia? 18Ko aci luel: Ghên abi kan loy; ghên abi ngay guk-kia ko abi kêk bût auer did, ko tetuy ghên abi kuet kan eben ci cil etong ghên ko ka-cia, 19ko alé aba lek uèy-cia: Uêy-cia, yin a nong ka cuec ci tau eton run cuec; long, cam ko dek ko dueng. 20Lone Dén-did aci lek rané: Ran abel! uakóué abi uêy-ku wtyèc etong yin; ko kan ci yin juir abi a ka nga? 21Ke kan ye aci kuet etong ye rot ko yen akeyc kuet e Dén-did nyin.
22Ko (Yesus) aci lek koyc-ke: Ko yekan ghèn a lek uêk: dunke ue nim rom etong ue rot, ye-ngu bik cam, ko etong ue guop ye-ngu bik ruok.
23Uèy auer e mid, ko guop auer e ruok. 24Tyengke gak; kêk acíe pok, ko acíe tem rap; ko kêk acin adum ko acin guk, ko Dén-did myac-wtok kêk. Kedí auer uèk kêk! 25Lone ye-nga etong uêk a leu, bi rot yek e tang-de kon tok? 26Ko yekan, na uêk aci bi leu e ketintet, ye-ngu uèk a rom ue nim e kok? 27Tyengke gherke, kedí a cil; acíe loy ko acíe myi; lone ghên a lek uêk; acie Salomon e did-de eben akeyʼ ruok acit tok etong kêk. 28Lone na nōn, ye to wtin akolé dom-ic ko wnyak abi cuat ghûn e mac-ic, Dén-did a ruok kele, yekedí uêk auer, uêk gam-dun alik? 29Ko dunke wtyèc bák ngu cam ko dèk; ko dunke rot jot to ko tedeté. 30Ké koyc e piñ a wtyèc kan eben. Lone ur-dûn a nyic uêk a dak kan eben. 31Lone tuèng uêk abi kor pan e wnyal, ko lung-de, ko kan eben abi juak etong uêk. 32Dûne ryoc, bok kor, ké aci dûr ur-duen bi uèk yek pané. 33Ghacke ka to etong uêk ko yekke myâc. Loyke etong uèk kuet a ci bi têr, uèu ye ci bi dak wnyal-ic cuèr aci bi wtyok ten ko aruop aci bi yen ryoc. 34Ké tede to uèu-ku wtin puón-duen ayá a to wtin.
35Lom-kun bi dêr, ko gher a deb ue cèn; 36ko acit koyc a tyet beyn-den na yen abi dûk etong ruay, bik dayc lyèb etong yen, na yen aci ben ko aci tāng. 37Myed e puou aloékké, na beyn-den a bo ko a yok kêk ayién. Itet ghên a lek uêk, yen abi rot dêr, ko abi kêk lek bik nyuc, ko abi lo ran e ran ko abi kêk loák. 38Ko na yen abi ben ghon dé ko ghon dyak uakóu, ko kele a yok kêk myed e puou aloékké. 39Lone kan nyecke, na un e bay a nyic ghonô cuèr a bo, yene abi yic ting ko aci bi puol ghon-de abi dyòm. 40Ko uêk abi rot juir; ké ghon ci bi uêk ngat man e ran abi ben.
41Lone Petrus aci lek yen: Beyn-did, yin a lek ghóg luopé kó koyc eben ayá? 42Lone beyn-did aci lek: Ye-nga (yin a ngat) yen ran e tyet lacit ko a ngeyn ye beyn-did tau e dyen-de-nom bi yen yek kêk ghoné e lób tem-den? 43Myed e puou aloangé, na beyn-de a bo, a yok yen a loy kele. 44Itet a lek uêk, yen abi kene tau nom e kake eben. 45Ko na aloangé abi luel e ye puou: beyn-did-dia a kuèk bey, ko yen a gal bi aloêk ko nyir-aloèn tàt, ko abi cam ko dèk ko abi auēd-mau; 46beyn-did aloangé abi ben akol ci bi yen ngat ko ghon ci bi yen nyic, ko abi yen puóc ko abi tem-de tau keke rac. 47Lone aloangé ye aci nyic puon e beyn-de ko akeyc juir ko akeyc luoy acit puón-de yen abi tât arèd; 48lone ke aci kûc ko aci loy ke joc tât, yen abi tât alik. Lone tok eben ci yek yen ka cuec, abi wtyèc ka cuec etong yen; keke ye ci gam ka cuec abi wtyèc auer cuec etong yen. 49Ghên aci ben ba bei mac e piñ-ic; ko ghèn a nong puou ngu e bi dèb? 50Lone ghên édi bi kâp lak, ko kedí ghên aci puón-dia rom ghêt abî tâb! 51Uêk a ngat ghên aci ben ba bei dor e piñ-ic? Ey, a lek uêk, lone puok: 52ké ghoné abi to tin ghut tok koyc wdyec abi puok; dyak etong rou, ko rou etong dyak. 53Un etong man, ko man etong un; mán etong nyan, ko nyan etong mán; mán-moyc etong tin e man, ko tin e man etong mán-moyc.
54Ko aci lek dut e koyc ayá: Na uêk aci ting luet a bo bey e piñ-nom, uêk a dayc luel: deng abi ben, ko kele abi a. 55Ko na yom cyèng, uêk a lek: tuc abi ben; ko abi a. 56Koyc a kuet rot! uêk a nyic bûk kuen piñ ko wnyal nyin; lone ne-ngu uêk aci kuen gnoné? 57lone ne-ngu uêk nyic etong ue rot ke lacit? 58lone yin, na yin abi lo ke mân yin ran e lûk nyin, kuèr-ic ting rot apuat ba rot koyn etong yen, dûn yin wtel ran e lûk nyin, ko ran e lûk abi yin tôn etong ran e duy, ko ran e duy abi yin tōc te-màc-ic. 59Ghên a lek yin, yin aci bi ben bey tin ghêt yin aci bi dûk wtyalyang cyèng.
اکنون انتخاب شده:
St. Luka 12: CIEC1905
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© British and Foreign Bible Society
