LUKA 19
19
1NAKE agĩtonya Jeriko, akĩrika gũkũhungura. 2Na rĩrĩ, kũu kwarĩ mũndũ wetagwo Zakayo; nake aarĩ mũndũ mũnene wa etia mbia cia igoti, na aarĩ gĩtonga. 3Nake nĩendaga kuona Jesu, amenye ũrĩa we: no rĩrĩ, akĩremwo nĩ ũndũ wa kĩhatĩkano kĩa andũ, tondũ aarĩ mũndũ mũkuhĩ. 4Nake akĩhanyũka na mbere, akĩhaica mũkũyũ nĩ getha amuone: nĩ gũkorũo Jesu aatigairie hanini ahĩtũkĩre hau. 5Nake Jesu aakinya ho, agĩtiira maitho na igũrũ, akĩmwĩra atĩrĩ, Zakayo, harũrũka narua; nĩ gũkorũo no kinya njikare gwaku ũmũthĩ. 6Nake akĩharũrũka narua, akĩmũgwata ũgeni akenete. 7Nao andũ mona ũguo, makĩng’ong’ora othe, makĩĩranaga atĩrĩ, Kaĩ aathiĩ gũikara kwa mũndũ mwĩhia! 8Nake Zakayo akĩrũgama akĩĩra Mwathani atĩrĩ, Rĩu-rĩ, Mwathani, nuthu ya indo ciakwa nĩndahe athĩni: o na ingĩkorũo nĩndunyĩte mũndũ o wothe kĩndũ gĩake nĩ kũmũigĩrĩra ũndũ, nĩngũmũcokeria maita mana. 9Nake Jesu akĩmwĩra atĩrĩ. Ũmũthĩ ũhoro wa kũhonokio nĩũkinyĩte nyũmba ĩno, nĩ ũndũ o nake nĩ mũrũ wa Iburahimu. 10#Mat 18.11.Tondũ rĩrĩ, Mũrũ wa Mũndũ okire gũcaria na kũhonokia kĩrĩa kĩũrĩte.
11Na hĩndĩ ĩrĩa maaiguaga maũndũ macio, agĩcoka akĩheana ũhoro na ngerekano, nĩ ũndũ nĩaakuhĩhĩirie Jerusalemu, na ningĩ nĩmegeragĩria atĩ ũthamaki wa Ngai nĩũkiriĩ kuoneka. 12Nĩ ũndũ ũcio akiuga atĩrĩ, Mũndũ ũmwe mũnene nĩaathiire bũrũri wĩ kũraya mũno, nĩ getha agatuwo mũthamaki wakuo, na acoke. 13Nake agĩĩta ngombo ciake ikũmi, agĩcihe ratiri ikũmi cia betha,#19.13 Ratiri ikũmi cia betha: rora karatathi ka 1,417 (mũthia). agĩciĩra atĩrĩ, Onjorithanagiai nacio, mũira wa ngoka. 14Na rĩrĩ, andũ a bũrũri wake nĩmaamũthũire, magĩtũma andũ mamuume thutha, makoige atĩrĩ, Tũtikwenda mũndũ ũcio acoke atũthamakĩre. 15Gũgĩgĩkinya atĩrĩ, rĩrĩa aacokire arĩkĩtie gũtuwo mũthamaki, agĩathana atĩ ngombo icio aaneire mbia icio ciĩtwo ciũke harĩ we, nĩ getha amenye kĩrĩa ciumithĩtie nĩ ũndũ wa kuonjorithania. 16Nayo ngombo ĩrĩa ya mbere ĩgĩũka harĩ we ĩkiuga atĩrĩ, Mwathani, ratiri yaku nĩyumithĩtie ratiri ingĩ ikũmi. 17Nake akĩmĩĩra atĩrĩ, Nĩwĩkĩte wega, ngombo ĩno njega: tondũ nĩũkoretwo wĩ mwĩhokeku na indo nyinyi mũno, gĩa na wathani, wathage matũũra ikũmi. 18Nayo ngombo ĩrĩa ya kerĩ ĩgĩũka ĩkiuga atĩrĩ, Mwathani, ratiri yaku nĩyumithĩtie ratiri ingĩ ithano. 19O nayo akĩmĩĩra atĩrĩ, Nawe-rĩ, athaga matũũra matano. 20Nayo ngombo ĩngĩ ĩgĩũka ĩkiuga atĩrĩ, Mwathani, ĩno nĩyo ratiri yaku ndũire ndĩmĩigĩte tama-inĩ: 21nĩ gũkorũo nĩndagwĩtigagĩra, nĩ ũndũ wĩ mũndũ mwĩĩ: nĩwoyaga kĩrĩa ũtaigĩte, na ũkagetha kĩrĩa ũtahandĩte. 22Nake akĩmĩĩra atĩrĩ, Nĩngũgũtuĩra cira na ũhoro ũrĩa woima kanua gaku, wee ngombo ĩno njaganu. Githĩ nĩwoĩ atĩ ndĩ mũndũ mwĩĩ, na atĩ njoyaga kĩrĩa itaigĩte, na ngagetha kĩrĩa itahandĩte? 23Hakĩrĩ ũguo-rĩ, nĩ kĩ gĩakĩgiririe ũkaige mbia ciakwa mbengi-inĩ, na rĩu ndoka nĩingĩaciĩtia hamwe na uumithio wacio? 24Agĩcoka akĩĩra arĩa maarũgamĩte ho, Mũtunyei ratiri ĩo, na mũmĩhe ngombo ĩrĩa ĩĩ na ratiri iria ikũmi. 25Nao makĩmũcokeria atĩrĩ, Mwathani, githĩ ndakĩrĩ na ikũmi? 26#Mat 13.12; Mar 4.25; Luk 8.18.Ngũkĩmwĩra atĩrĩ, mũndũ o wothe wĩ na kĩndũ nĩwe ũkaheo; no ũrĩa ũtarĩ na kĩndũ nĩagatunyũo o na kĩrĩa arĩ nakĩo. 27#Mat 25.14-30.No rĩrĩ, andũ acio marĩ na ũthũ na niĩ, arĩa matendaga ndĩmathamakagĩre, marehei mũmoragĩre o haha ndĩ.
28Nake aarĩkia kuuga ũguo agĩthiĩ na mbere akĩambataga Jerusalemu.
29Na gũgĩkinya atĩrĩ, aakuhĩhĩria Bethifage na Bethania, o kũu kĩrĩma-inĩ kĩrĩa gĩĩtagwo kĩa Mĩtamaiyũ-rĩ, akĩrekia arutwo ake erĩ, 30akĩmera atĩrĩ, Thiĩi mũtonye mũciĩ ũrĩa mũringaine naguo; na mũgĩtonya kuo, nĩmũkuona njaũ ya ndigiri yohetwo ĩtarĩ yahaicwo nĩ mũndũ: mũmĩohore, mũrehe. 31Na mũngĩũrio nĩ mũndũ atĩrĩ, Nĩ kĩ gĩatũma mũmĩohore? ugai atĩrĩ, Mwathani nĩabatairio nĩyo. 32Nao acio maatũmirũo magĩthiĩ, magĩkora o ta ũrĩa aamerĩte. 33Na hĩndĩ ĩrĩa mohoraga njaũ ĩo, ene yo makĩmoria atĩrĩ, Mũkuohora njaũ nĩkĩ? 34Magĩkiuga atĩrĩ, Mwathani nĩabatairio nĩyo. 35Nao makĩmĩtwara kwĩ Jesu: magĩcoka makĩigĩrĩra nguo ciao igũrũ rĩa njaũ ĩo, makĩhaicia Jesu igũrũ rĩayo. 36Na agĩthiaga-rĩ, andũ makaaraga nguo ciao njĩra-inĩ. 37Na rĩrĩa aakuhĩhĩirie itũũra, agĩikũrũka kĩrĩma kĩa Mĩtamaiyũ-rĩ, arutwo ake othe gĩkundi makĩrika gũkena na gũkumia Ngai na mũgambo mũnene, nĩ ũndũ wa ciĩko iria ciothe cia hinya monete; 38#Thab 118.26.magĩkiuga atĩrĩ, Kũrathimwo rĩ, nĩ Mũthamaki ũrĩa ũgũũka na rĩĩtwa rĩa Mwathani: kũrogĩa thayũ o Igũrũ, na gũkumagio Ngai igũrũ o igũrũ! 39Na Afarisai amwe maarĩ kĩrĩndĩ-inĩ makĩmwĩra atĩrĩ, Mũrutani, kaania arutwo aku. 40Nake akĩmacokeria akĩmera atĩrĩ, Ngũmwĩra atĩrĩ, atĩ aya mangĩkira, mahiga maanĩrĩra.
41Nake aakinya hakuhĩ akĩona itũũra rĩu, akĩrĩrĩrĩra, 42akiuga atĩrĩ, Naarĩ korũo nĩũkũmenyete ũmũthĩ, o wee mwene, maũndũ marĩa marehanagĩre thayũ! No rĩu nĩmahithĩtwo maitho maku. 43Nĩ ũndũ matukũ nĩmagagũkora rĩrĩa thũ ciaku igakũrigicĩria na kĩhumbu gĩa tĩri, na igũthiũrũrũkĩrie, na ikũhingĩrĩrie mĩena yothe, 44na igũtungumanie na thĩ, o na ciana ciaku iria irĩ kũu thĩinĩ waku; nacio thũ ciaku itigatigaria thĩinĩ waku ihiga, o na rĩmwe, rĩikarĩte igũrũ rĩa rĩrĩa rĩngĩ; tondũ nĩwaagire kũmenya hĩndĩ ĩrĩa waceereirũo.
45Nake agĩtonya hekarũ, agĩitĩka kũrutũrũra arĩa mendanagĩria kuo, akĩmera atĩrĩ, 46#Isa 56.7; Jer 7.11.Ũhoro nĩwandĩkĩtwo atĩrĩ, Nayo nyũmba yakwa nĩĩgatuĩka nyũmba ya kũhoyagĩrũo; no inyuĩ nĩmũtũmĩte ĩtuĩke ngurunga ya atunyani.
47 #
Luk 21.37. Nake nĩaarutanaga o mũthenya hekarũ-inĩ. Nao athĩnjĩri-Ngai arĩa anene na aandĩki-marũa o na athuri arĩa atongoria a mũingĩ magacaragia ũndũ wa kũmũũragithia: 48na mationire ũndũ mangĩhota gwĩka; nĩ ũndũ andũ othe nĩmaamũtegeire matũ, makĩmũthikagĩrĩria mũno.
اکنون انتخاب شده:
LUKA 19: OGKBIBLE
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
©Bible Society of Kenya, 2019
