DEDI 15
15
Na pa-njanjingu-na i Ala dàngu i Àmbaràmu
1Hàlaka nu, i Àmbaràmu na-ngalangu harii mata dàngu narongu-ya i MIRI na mapanii dànya, “Àmbu mangàdatu Àmbaràmu napa kumangga-manggau welingu la hanggàmaru, dàngu napa kuwua-nggau wunda bokulu,” wànanya.
2-3Tàka nanapa-ya i Àmbaràmu, “MIRI Mahupu-jangga, MIRI ndau wua-mangga duku ananggu nyungga. Napa na tau na ma-kangeha-nja da bandanggu, jia-maki-ayaka i Eliyehiru, na atanggu welingu la Ndamàhiku.#Napa na tau ... Ndamàhiku; nda na-lohangu-a na hilu Imbarani-na. Jia ba tuna MIRI nggàra lingu-napa bau wuangga wundanggu?” wàna.
4Tunaka nu hili rongu-nanyaka i Àmbaràmu, i MIRI ba napanii dànya, “Nda na ata-amu na ma-kangeha-nja da pamangu-mu, tàka napa na anamu mini wikima,” wànanya. 5I MIRI na-karia-nya la hambeli i Àmbaràmu, hàla hi napanii dànya, “Tàngara-wa la awangu dàngu kau kamangu padiha-ha da kandunu; napa da wàla wuamu nyumu hama danguda nuda da kandunu,” wànanya.
6I Àmbaràmu nawai-maya i MIRI, dàngu jia-duyaka ba tuna nu, i MIRI hi na-kataku-ya nyuna ba tau mali hàmuya na etina.
7Tunaka nu i MIRI hi nahili panii dànya, “Nyungga MIRI-ka, na mambàda iru ngàndikau paluhu welingu la tana Uru la Mbambilunia, la pawua-nggaunya na tana yiana kau mangunya,” wànanya.
8Tàka i Àmbaràmu hi na-paàrangu, “Dou MIRI Mahupu-jangga, nggiki wànggu-aka ka kupinya na tana nuna ba mangu-nggunya?” wàna.
9Nahema i MIRI, “Piti-nggawa Nyungga heu hapi bai, heu kamàmbi bai dàngu heu kamàmbi bumbu, nimbihu-da tailu mbua ndauda da umuru-da, dàngumbu heu mbàra dàngu heu kulundiha,” wàna. 10Hàla piti-nanjaka i Àmbaràmu nuda da banda ndumana i Ala. Hapi, kamàmbi dàngu mbimbi, nimbihu-da nabika padua-ha, hapapa - hapapa na-wandalu papapa-nja, ba dua ndalaru-da. Tàka da ma-hawurungu nda nabika-aha. 11Nuda da tolungu na-rànjaku-nja ma-hawurungu da makàli ngangu meti banda, tàka i Àmbaràmu nawàngga-ha.
12Ba na-pakiringu-ka patama na matalodu, katuda minjalu-nanyaka i Àmbaràmu. Hi jia tàka bia-nanya mangàdatu hàlawàla. 13I MIRI napanii-nya nyuna, “Namu-maya, napa da wàla wuamu danjadi tau tàka la tana tau; nyuda napa daata lai nàhu dàngu ba na-parajaku-ha lundu patu ngahu mbua ndaungu. 14Na nyuna na banjaru na ma-paata-ha da wàla wuamu napa kuhuku-nya, tàka la rehi dunjaku-danya na tana nuna da wàla wuamu, napa dangàndi banda dangu. 15Nyumu wiki napa namalai na lurimu; napa nyumu mumeti mànjaku, hi taninggau. 16Ba patu ndalihu-naka na dedida, napa da ana umbuku-mu dabeli-ha lai yiahu, nadu ba ndedi kuwàngga-aha da tau Amori, jàka ndedi datoma-ya na pa-akatu wàda na malalu làmburu-na, hi lupa huku-manjaka bàdi,” wàna.
17Ba nalua-yaka pa-rudungu, hi jia ni bianya na tuluru na makawuu dàngu na hulu na maroka, nalaku li ningu la manggawa-da da kabika tolungu. 18Nu la rehina nuna-maka i MIRI ba natura-ya na pa-njanjingu-na dàngu i Àmbaràmu. Napanii i MIRI, “Ku-panjanjingu ba wua-nggunjaka da wàla wuamu napa na tana yiana nggubulu-na, piti welingu la padira tana Mehiru lundu toma la Luku Epuràtu, 19na-hanggaungu-mbu tana tau Keni, Kenàhu, Kàtumungu, 20Heti, Perihu, Repayimu, 21Amori, Kanaàngu, Nggiringgahi dàngu Yembuhu,” wàna.
اکنون انتخاب شده:
DEDI 15: KAM
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@LAI 1995 Indonesian Bible Society (Lembaga Alkitab Indonesia)