DEDI 13
13
Na pahewa-da i Àmbaràmu dàngu i Lòtu
1I Àmbaràmu na-dunjaku-nya la Mehiru hi nalaku hanggangu hu dia, da-hanggangu la mbara luruna na tana Kanaàngu dàngu na papaha-na hamanai mbuu ndàbada da pamangu-na, dàngu i Lòtu na-tundungu-mbu. 2I Àmbaràmu la mbana wuluya; ningu mbimbina, kamàmbi-na, hapina, dàngumbu àmahu marara mabara-na. 3Ka laku-nanyaka welingu la hau pa-ngiangu lupa la hau pa-ngiangu, ba na-hanggangu la Mbetilu. Natàka la ngaba manggawa Mbetilu dàngu Aï, la pangia mahàri, la ngia pawulu-na maü 4dàngu ba na-pahadangu ngia pawotu maraku àmangu. Lai nu nalumu-nya i MIRI.
5I Lòtu ningumai duna kuru umana dàngu atana, hamanai mbimbi, kamàmbi dàngu hapi. 6Jia-duyaka ba tuna nu na tana lai nu, hi nda da-kadangu maràda ningu rumbangu la pangia duangu nyuda, nadu da bandada ba lalu danguda. 7Ka pahànggangu-danyaka da tau pawangu lai Àmbaràmu dàngu da tau pawangu lai Lòtu. (La rehi nuna da tau Kanaàngu dàngu da tau Perihu ngiangu-mada-nyapa lai nu.)
8I Àmbaràmu napanii-nya i Lòtu, “Nyuta yia tau ma-paangu dedingu-ta, nda nahàmu-a jàka da-pahànggangu da taumu nyumu dàngu da taunggu nyungga. 9Jia-duya nahàmu-pa ka ta-pahewa. Pindiwa la tana yiana jàka nggi ngabaya na pambuha-mu. Jàka ulaku hanggangu lai nu nyumu, màta nyungga ka ku-hanggangu lai nàhu,” wànanya.
10I Lòtu na-tàngaru la winggiru-na dàngu ka ita-nanyaka ba nadangu waina la nggubulu Lolangu Yorundangu lupa la paraingu Huawàru, hama tuna na Woka ngia pambawa-na i MIRI,#na Woka ngia pambawa-na i MIRI; jiaya na Kaliungu la Endingu na palaana. jàka ndia hama tuna na tana Mehiru. (Tuna nu na hadana ba ndedi na-pamolu-nja paraïna i MIRI da paraingu Hondumu dàngu Nggomora.) 11La malamiri i Lòtu napindi niya na Lolangu Yorundangu nggubulu-na ka laku-nanyaka la pahunga lodu. Tuna nuduka ba da-pahewa nuda da tau madua. 12I Àmbaràmu pa-daingu-nanyaka la tana Kanaàngu, tàka i Lòtu wulu-nanyaka maüna la parai - paraingu la mondu lundu la lihina la Hondumu. 13Na parai Hondumu nangia-nya tau ma-kanjupu akatu dàngu njalada hanggangu lai MIRI.
I Àmbaràmu na-lelingu la Hemburungu
14Hàlaka nu ba nalaku-ka i Lòtu, i MIRI napanii-nya i Àmbaràmu, “Welingu lai nu la ngia pa-ndolaku-mu, tàngaru pahàmu-nya mbuu ndàbana la nggi mbara bia; 15napa Nyungga kuwua-nggaunya nyumu dàngu wàla wuamu-ka nggubulu-na na tana na pangita-mu kau mangunya lundu nu - nu. 16Napa Nyungga ku-wuanggau wàla wuamu ma-kanjupu danguda, hi nda ningu haàtu mamàka padiha-ha. Hama tuna na tau ba nda namàka padiha-ya na kumburu tana, tuna numbu na wàla wuamu ba nda pamàka padiha-ya. 17Nàhu, hàlatu-yawa nggubulu-na na tana yiana, nadu ba wuanggunggau-nyaka nyumu,” wànanya. 18Hàlaka nu paleli-nanyaka na ngia pa-pamaüngu-na i Àmbaràmu hi na-engangu la lihida da pingi ai hàri ngia pa-lumungu la Màmurei lihina la Hemburungu, tàka lai nu na-pandoi hau ngia pawotu maraku tungguna i MIRI.
اکنون انتخاب شده:
DEDI 13: KAM
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@LAI 1995 Indonesian Bible Society (Lembaga Alkitab Indonesia)