Zónà 4
4
Wɔ̃́ à Zónà wàaa wà Wálà à mia yéĩ̀ kṹã
1Ƃii Wálà a mía yéĩ́ kṹã mɔ́ɔ̀ wɔ̃̀ mɔ̀ɔ, wɔ̃́ e Zónà waa nyɔ́ɔ̀ɔ. 2Lɛ́ e sɛ̀nɛ ɓo áà gèe, “Yàwɛ, ḿm̀ kpé kã i lɛ̀ɛ, ḿ gɔ̃̀ wɔ̃́ lɛ́ ma gèe kɛɛ m tiã m pa sɛ̀lɛ̀ yía lɛ́ e ɓɛ? Pɛ́ e kɛ lɛ́ m wàà lɛ́ m lo Tásà sɛ̀lɛ̀ yía lɛ́ e ɓɛ, ɓii ḿm̀ yí dɔ kélɛ̀ ɓi lɛ́ i Wálà zò yìe-zɛ̀ lɛ́ e mia yéĩ́ kṹã ká, ɛ̃́ɛ̃́ wɔ̃́ lɛ̀ɛ́ i wàa tíè-tíèe, ɓii I zi lɔ̀kɛ̀à-mɔ̀ lɛ yí gbùò zɛ̀, ɛ̃́ɛ̃́ íì i ko gbɛ̃̀ wɔ̃́ yɔɔ kɛ̀ mia ká mɔ̀. 3Yé lɛ kília, Yàwɛ, dɛɛ kaa mɔ̀ɔ, i m zì kɛɓe sí. Ḿm̀ kpé kã i lɛ̀ɛ, ɓii lɛ kpã̀nazɛ̀ ḿ ga e dieá m kɛ̀ ɓéèe là.”
4Kɛɛ Yàwɛ a yi zũ wèa kélɛ̀, “Wɔ̃́ kpɛɛ lɛ́ e i waa ɓɛ?”
5Lɛ̀ e kɛ kília, Zónà e lo e yà nyɛ́nɛ́ wɛ̀lɛ̀ pìà zàa e gó pɛlɛa yí, lɛ́ e gbùlù dɔ e dìè lɛ̀ɛ yía. E yà a wi yí, é tóá kíli wɔ̃́ e lo kɛɛ pɛlɛa káa á gɛ̃̀. 6Yé e kɛ kília, Yàwɛ lɛ́ e Wálà káa e yílí pɛ̀kɛ lɛ́ e fàa, lɛ́ a bii e nu Zónà là, kɛɛ e à la là zò dà zízàá kɛ̀lɛ̀. À mɔ́ɔ̀ wɔ̃̀ mɔ̀ɔ, Zónà gé e li yílía mɔ́ɔ̀ wɔ̃̀ mɔ̀. 7Kɛɛ lɛ̀kpɛ̀ii gbɛɛ káa, Wálà e wɛ́nɛ́ vɔ, lɛ́ e yílía gáná ɓelè, lɛ́ yílía e gaa. 8Lɛ̀ nyɛ̀nɛ́ e wɛ̀lɛ̀a, Wálà e fã̀ã̀a tíeé mɛ́ gágà zɛ̀ vɔ e gó nyɛ̀nɛ́ wɛ̀lɛ̀ pìà, lɛ́ nyɛ̀nɛ̀ɛ e ɓí Zónà wĩ́ĩ́, lɛ́ e kɛ lɛ̀ e gó e die píéa, lɛ́ a naa e gaa, yelɛ́ a gèe, “Lɛ kpã̀nazɛ̀ ḿ ga e díea m kɛ ɓéèe là.”
9Kɛɛ Wálà a gèe Zónà lɛ̀ɛ, “Wɔ̃́ kpɛɛ̀ lɛ́ è i wàa yílía mɔ́ɔ̀ wɔ̃̀ wɛ̃́ĩ̀?”
Zónà e wéé a gèe, “Lɛ m̀ wánà wɔ̃̀ ká kɛɛ wɔ̃́ e m waa kpókpó ɓo, kɛ m ga.”
10Ye lɛ́ Yàwɛ a gèe à lɛ̀ɛ, “Íì yílí lɛ́ ìí gbaa yɛɓo kɛ à mɔ̀, lɛ́ e fàà bĩ́míà, ɛ̃́ɛ̃́ lɛ́ e ga bĩ́míà yéĩ́ kũ. 11Kɛ́a m̀ḿ ɓɛ̀i à mɔ̀ ḿ Nínívɛ̀ pɛ́lɛɛ gbùò lɛ́ mia wáa wũ doó là vũ̀ pèèlɛ (120,000) lɛ́ òó o kɔ gbie wa o kɔ yie dɔ, ɛ̃́ɛ̃́ lɛ́ tòlòpɛ̀ nì waa yía, yéĩ́ kũ?”
اکنون انتخاب شده:
Zónà 4: MHB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید