Mphattuwelo 15
15
Aparamu naakhuluvelihiya unnyara mwana
1Cinavinrene nnya citthu nnya, nuulumo na Mwanene Nluku nahowa waAparamu munttorani:
Uhoove, Aparamu! Mi
phi mi, mwaakihi aa.
Itthuvo aa inhala ukhala yuulupale.
2Nanso Aparamu ahokoha eeraka: Pwiya Nluku, unhala ukivahani, kamana nanlelo akirina mwana ni nohala uhalana cirinaka nnyo phi Eliyeseri o'Tamasiku? 3Ni ahoncerera tho eeraka: We khukivahile mena mwana! Karumeya aka phinhala ukhala mayohalana aka.
4Vano Mwanene Nluku ahomwaakhula eeraka: Uyo khanhala ukhala mayohalana aa, nanso mwana nohalaa unnyara phinhala ukhala mayohalana aa. 5Ankumiheraka vate, ahomwiirela: Uwehe wirimu ni waalikele itthoottwa, wooryaka waalikela. Ni ahopwaherera eeraka: Ucuulu aa unhala ukhala toko nnya itthoottwa nnya.#15.5 Aroma 4.18
6Aparamu ahonkupali Mwanene Nluku, phimaana ahovaheriya isariya.#15.6 Aroma 4.3
7Ahomwiirela nanlelo: Mi Mwanene Nluku kuukumihile wUri yo'Kasiti wiira kuvahe ila ilapo ela ukhala yawaa.
8Aparamu ahonkoha eeraka: Pwiya Nluku, kinhala ucuwela cani wiira khweli kimmopattha?
9Ule ahomwaakhula eeraka: Ukiwiihere mwamope, ipuri ni ikhontwaa, cothene cokhalana myakha miraru cookumi ni ciicammo nciiya nimoca ni ikhuntta imoca.
10Aparamu ahowiiha inama cothene nnye, ahottupula iriyariru ni aheesa khula mphantte uhoolo wa nkhwaya, nanso asaanuni ayo khattupulanihile. 11Vano inaka cahopacera ukhuruwela wanamani vale, nanso Aparamu anhakha. 12Waakelaya ncuwa, Aparamu cahonvola ikhove cuulupale ni yahommweela ipiphi yinci.
13Vano Apwiya yahomwiirela: Ucuwele wiira ucuulu aa unkokhala aletto ilapo ihiri yawaya, unkelaya upankiya ipottha ni uhuvihiya myakha iminya cese. 14Nanso mi kimmottarusa ilapo inhala wupankani ipottha ni wahoolo mummokhuma ni mihakhu cinci. 15Nanso we unaahala urwaa ni mpuha waanhakhalayi aa ni unhala uvithiya unooluvanle cinene.
16Nloko noneecese, unethi aa unaaturuwela va kontha utakhali wa annamori khunaya uphiya nlipa naya.
17Wahoolo ncuwa ninakenlene ni iwaaka ipiphi, nahoonnya niikho nootthuwa mwiisi ni nthuko woopharela wahovira nnamani coottupulanihaciya nnye. 18Nenne nihuku nne Mwanene Nluku aholeehana ni Aparamu eeraka: Unethi aa kihovaha ilapo ela ukhuma mooloko wo wIciipitu mpaka mooloko muulupale uneehaninya Ufarati, 19ilapo yo makenii, yo makenesii, yo maketimonii, 20yo ahete, yo maperesii, yo annarefayimi, 21ya annamori, yo annakanani, yo annakirkasi ni yo annayepusi.
اکنون انتخاب شده:
Mphattuwelo 15: NNI
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2021, Wycliffe Bible Translators, Inc. All rights reserved.