Ts'etta 10
10
Nühüne dixbışike g'abıynbı
1Nühüne dixbışin Samın, Hamın, Yafəsın nasılbı inbı vod. Q'ıfrımıle qiyğa manbışis dixbı vooxhe.#10:1 Avub Nühüke g'abıynbı opk'un vod. Manbışin dobı cole qiyğa g'abıyne milletbışilqayiy ölkabışilqa giyxhe.
Yafəsin dixbı
2Yafəsin dixbı:
Gomer, Magog, Maday, Yavan, Tuval, Meşek, Tiras.
3Gomerin dixbı:
Aşkenaz, Rifat, Togarma.
4Yavanın dixbı:
Elişa, Tarşiş, Kittim, Dodanim.
5Manbışiked adabışeeyiy deryahbışde mıgılybışee axvan milletbı qadı. Manbı cone cigabışeeqa ehevku, avayk'an. Manbışde gırgınbışiqa cona nasıl, cona miz vuxha.
Hamın dixbı
6Hamın dixbı:
Kuş, Misir, Put, Kana'an.
7Kuşun dixbı:
Seva, Xavila, Savta, Raama, Savteka.
Raamayn dixbı:
Şevayiy Dedan.
8Kuşus Nimrod donana sayır dix eyxhena. Mana ç'iyene aq'valyna ts'erriyna qıvaats'ına vuk'lek vukkekana ıxha. 9Nimrod Rəbbine ögiyl yugna k'onay ıxha, mançil-allad milletne yı'q'nee «Rəbbine ögiyl Nimrod xhineena yugna k'onayvaniy» eyhe. 10Nimrodne paççahiyvaleedın ts'ettiyn şaharbı inbıniy vod: Baabil, Erek, Akkad, Kalne. Mane şaharbışin gırgınbı Şinarne ölkeeniy vod. 11Mana ine cigabışeençe Aşşurne cigabışeeqa ark'ın, Nineva, Rexovot-İr, Kalax eyhen şaharbı ali'ı. 12Sayıb mang'vee Ninevayneyiy Kalaxne yı'q'neena Resen eyhena xəbna şahar alyav'u.
13Misirıke g'adıyn nasılbı inbı vod:
Ludbı, Anambı, Lehavbı, Naftuxbı, 14Patrusbı, Kasluxbı (manbışike g'abıynbı Filiştinbı vobunbı), Kaftorbı.
15Kana'anıke g'abıynbı inbı vob:
ts'erriyna dix Sidon, Q'et, 16həməxbıb Yevusbı, Emorbı, Girgaşbı, 17Q'ivbı, Arqbı, Sinbı, 18Ervadbı, Tsemarbı, Xamatbı.
Qiyğa Kana'anın nasılbı hiqiy-allane cigabışeeqa ehekka. 19Kana'anbışin cigabı Sidonule Gazzayne k'anene Gerarılqamee, Sodomılqamee, Homoralqamee, Admalqamee, Leşayne k'anene Tsevoyimılqameeniy vod.
20İn Hamıke g'abıynbı cone nasılbışilqa, mizyaaşilqa, cigabışilqa, milletbışilqa, bit'aleepxhaynbıniy vob.
Samın dixbı
21Yafəsne xərne çocus Samıs dixbı vooxhe. Sam Evernayiy Everıke g'abıynbışda baba-didey eyxhe.
22Samın dixbı:
Elam, Aşşur, Arpakşad, Lud, Aram.
23Aramın dixbı:
Uts, Xul, Geter, Maş.
24Arpakşadıke Şelax g'arayle,
Şelaxıker Ever g'arayle.
25Everıs q'öyre dix eyxhe:
ts'erriyng'un do Peleg (bit'alxhay) ıxha, mang'une gahıl ç'iyene aq'valin insanar bit'aleebaxhenbı. Mang'une çocun doyud Yoqtan eyxhe.
26Yoqtanıke
Almodad, Şelef, Xatsarmavet, Yarax, 27Hadoram, Uzal, Diqla, 28Oval, Avimael, Şeva, 29Ofir, Xavila, Yovav g'abayle. Man gırgınbı Yoqtanıke g'abıynbı vuxha.
30Manbı şargıl Meşale Sefarne suralqane suvabınane cigabışee aaxva vuxha.
31İn Samıke g'abıynbı cone nasılbışilqa, mizyaaşilqa, cigabışilqa, milletbışilqa, bit'aleepxhaynbıniy vob.
32Cone dekkaaşis, milletbışis sik'ı Nühüne dixbışin nasılbı inbı vod. Q'ıfrımıle qiyğa manbışde milletbışin insanar ç'iyene aq'valqa ehevku.
اکنون انتخاب شده:
Ts'etta 10: YIQSUM
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید