Dw 2
2
Kana atɔfolɛ ne abo
1Ye kenle nwiɔ ne anzi bɛliele atɔfolɛ bie wɔ Kana sua zo, wɔ Galeli maanzinli nu. Gyisɛse ɔ nli wɔ ɛkɛ ne bie, 2yɛɛ bɛdole ɛsalɛ bɛvɛlɛle Gyisɛse nee ye ɛdoavolɛma ne mɔ noko. 3Mɔɔ bɛnlonle nwanye ne na ɔwiele la, Gyisɛse ɔ nli zele ye kɛ, “Bɛ nwanye ɛwie.”
4Gyisɛse buale ye kɛ, “Ɔmɔ, mmaka mɔɔ ɔwɔ kɛ meyɛ la ɛkile me, me mekɛ ɛtɛdwule.”
5Gyisɛse ɔ nli zele sonvolɛma ne mɔ kɛ, “Mɔɔ ɔkɛha ɔkɛhile bɛ biala la, bɛyɛ.”
6Dwuuma lɛ ɛzonlenlɛ nu ngyehyɛlɛ bie mɔɔ fane ɛnluanlɛ nwo. Debie zɛhae ati bolɛ dwora nsia wɔ awuke ne anu, ko biala kola di nzule litili ɛya ko. 7Gyisɛse zele soanvolɛma ne mɔ kɛ, “Bɛsesa nzule bɛgua dwora ne mɔ anu bɛmaa bɛyi tetɛkɛɛ.” Na bɛyɛle ye zɔhane. 8Ɔhanle ɔhilele bɛ kɛ, “Akee bɛza nzule ne bie bɛhɔmaa mɔɔ ɛlɛnea atɔfolɛlielɛ ne azo la.” Bɛzale bie bɛhɔle, 9na ɔzɔle nzule ne mɔɔ ɛnee ɛhakyi nwanye la bie ɔnleanle la, ɛnee ɔngola ɔnnwu ɛleka mɔɔ nwanye ne vi a (sonvolɛma ne mɔ mɔɔ sesale nzule ne la bɛmɛ bɛze); yemɔti ɔvɛlɛle atɔfolɛ nrenya ne 10na ɔzele ye kɛ, “Awie biala die atɔfolɛ a, ɔdumua ɔye ye nwanye kpalɛ ne ɔfinde, na mɔɔ bɛkɛbo ekyii la akee yeava nwanye mɔɔ anwo ɛngyia la yeara. Na wɔ ɛdeɛ ne, yeanyɛ zɔhane. Wɔva kpalɛ ne wɔzie dedee yeradwu bekezɛ!”
11Gyisɛse yɛle nwanwane gyima ɛhye mɔɔ lumua la wɔ Kana mɔɔ wɔ Galeli la; ɛkɛ ne yɛɛ ɔyele ye anyunlunyia ne ɔhilele a, na ye ɛdoavolɛma ne mɔ liele ye lile.
12 #
Mat 4.13
Ɛhye anzi, Gyisɛse nee ɔ nli, ɔ mediema ne mɔ, yɛɛ ye ɛdoavolɛma ne mɔ hɔle Kapɛnayɛm hɔdɛnlanle ɛkɛ ne mekɛ ekyi.
Gyisɛse hɔle Ɛzonlenlɛ sua ne anu
(Mat 21.12-13; Mak 11.15-17; Luk 19.45-46)
13 #
Ade 12.1-27
Ɛnee Dwuuma Akpabɛnwo Ɛvoyia ne asɛɛ ɛdwu, yemɔti Gyisɛse hɔle Gyɛlusalɛm. 14Ɔhɔdole kɛ menli ɛlɛdi nlankɛ, mboane, yɛɛ mɔlɔnoma gua wɔ Ɛzonlenlɛ Sua ne anu, na eza menli dede ɛkponle nwo ɛlɛsenza ezukoa. 15Gyisɛse vale nyɛma yɛle empele na ɔvale ɔvoanle nane ne mɔ, mboane nee nlankɛ kɔsɔɔti, ɔvile Ɛzonlenlɛ Sua ne anu; akee ɔbutubutule ɛkponle ne mɔ mɔɔ bɛlɛfa bɛazenza ezukoa la ɔmanle ezukoa ne zandele sua ne anu, 16na ɔzele bɛdabɛ mɔɔ bɛtɔne mɔlɔnoma ne la kɛ, “Bɛva bɛ bɛvinde! Bɛmmafa Egya sua ne bɛyɛ gua nu!” 17#Edw 69.9 Ye ɛdoavolɛma ne hakyele kɛ Nyamenle Edwɛkɛ ne ɛha ɛdo ɛkɛ ne kɛ, “Nyamenle, wɔ sua ne anwo ɛhulolɛ sɔ kɛ senle la wɔ me nu.”
18Dwuu mgbanyima ne mɔ ziale rale na bɛrabizale ye kɛ, “Duzu nwanwane nyɛleɛ yɛɛ ɛkɛhola ɛkɛyɛ ɛkɛhile kɛ ɛlɛ adenle ɛyɛ ɛhye mɔ a?”
19 #
Mat 26.61; 27.40 Gyisɛse buale kɛ, “Bɛbubu Ɛzonlenlɛ Sua ɛhye bɛgua na mebava kenle nsa meazi ye bieko.”
20Bɛbizale ye kɛ, “Ɛzonlenlɛ Sua ɛhye mɔɔ yɛvale ɛvolɛ abulanla nee nsia a yɛzile la, wɔmɔ ɛfa kenle nsa wɔazi?”
21Na Ɛzonlenlɛ Sua ne mɔɔ ɛnee Gyisɛse ɛlɛka nwolɛ edwɛkɛ la a le ɔdaye mumua ne ye sonlabaka ne. 22Yemɔti mɔɔ bɛdwazole ye bɛvile ewule nu la, ye ɛdoavolɛma ne hakyele kɛ yeha ɛhye ɛlɛ, na bɛliele Nyamenle Edwɛkɛ ne nee mɔɔ Gyisɛse hanle la noko bɛlile.
Gyisɛse ze sonla deɛ holɛ
23Akpabɛnwo Ɛvoyia ne anu ɛnee Gyisɛse wɔ Gyɛlusalɛm, na bɛdabɛ dɔɔnwo mɔɔ bɛnwunle gyima mgbole mɔɔ ɔlile la liele ye lile. 24Na Gyisɛse anva ɔ nwo ando awie biala anwo zo, ɔboalekɛ ɔze bɛ kɔsɔɔti kpalɛ. 25Yeangyia kɛ awie kɛha sonla nwo edwɛkɛ kɛhile ye, ɔboalekɛ ɔdaye mumua ne ɔze mɔɔ wɔ sonla biala ahonle nu la.
اکنون انتخاب شده:
Dw 2: NB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bible in Nzema © Bible Society of Ghana, 1998.
