Maafiù Ke jii gbài e nyaàiŋ dè wɔŋ fɛi wɛɛ̀ŋ
Ke jii gbài e nyaàiŋ dè wɔŋ fɛi wɛɛ̀ŋ
Wɔŋ Fɛ̀ì Ebò Siaàŋ nààŋ wo Maafiù naŋ sìngè lɛ naŋ wi wòò è ebò siaàŋ kɛ̀ wo Jisɛ̀ nàŋ yaà wo nyùnɔ̀ɔŋ wo Dayà naŋ tàeɗùù wèè wo nɔ̀ŋ wo Nyuùŋ Jòèyeɔ̀ wèè anyùùŋ nyaŋ e ɗuunyaàŋ. Ebò siaŋ lɛɛ̀ fè wa nɔŋ wèè àŋ Juùù nyaŋ, aŋ yè nyaŋ wò naŋ wa kùmìè tɛɛ nyàŋ, kɛɛ è yaà wa wèè anyùùŋ nyaŋ gbiŋ e ɗuunyaàŋ.
Wɔŋ fɛ̀ì Maafiùɔ yaà sìnga wuŋ maŋ keì wòo tii sùà. È naŋ wa tɔ̀ɔ̀tù ke ɗɔ̀ɔ̀ kòmàŋ Jisɛ̀ɛ diɛŋ, yèè e ɗewe kiiɛ̀ wò naŋ wa nɔ̀ŋ gùauŋ lɛ̀ yèè e wàaà wò naŋ wa kɔ̀ dìì lɛ, yèè e teengaà wò naŋ wa tɔ̀ɔ̀tù e tòmouŋ nɛ̀ wèè ke mìè Dayàa gbòa, yèè e ɗeweɛ̀ wò naŋ wa kàà anyùùŋ lɛ̀, yèè e ɗeweɛ̀ wò naŋ wa sùngò anyùùŋ wɔŋ fùɔ̀ŋ Galaliìɔ sùà lɛ. Eɓìèmàŋjɛ̀wɛ̀ tɛɛ̀, wɔŋ fɛ̀ì ebò siaàŋ naŋ sìngè e teengaà wo Jisɛ̀ naŋ wa yèwè wɔŋ fùɔ̀ŋ Galaliìɔ wèè wo ka ko Jùlusɛ̀làm, yèè maŋ nyɛ̀nɛ̀ŋ dìàmàŋ Jisɛ̀ maŋ ke wikì dìàmauŋ nɛɛ̀ŋ wɔŋ nyiiŋ geuŋ nɔɔ̀ŋ sùà, e hài koɓɛ̀ e teengaà àŋ nauŋ wa jìwìè wɔŋ vànèkpaaà diɛŋ yèè wò naŋ yèwè e fàaà dìì lɛ.
Wɔŋ Fɛ̀ì Ebò Sìàŋ Maafiùɔ naŋ woò kɛ̀ wo Jisɛ̀ nàŋ yaà wo Kààmɔɔŋ gbeeɔ̀, wo yèɔ kuwa e gààaŋ wèè wo fàsàì ke Sàwà Dayàa, yèè wo yèɔ kaà maŋ keì e nyaàiŋ dì e Kànà Dayàa. Maŋ keì kàauŋ màŋ zimgbe miŋ yaà gbònògbono miŋ e ɗì nɔɔnɔŋ sùà. (1) E kàauŋ nɛ̀ wɔŋ tolòɔ dìmɛ̀, e yèɛ nyaàiŋ naŋ dè kè kpèè, maŋ nyɛ̀nɛŋ kpààŋ kɔɔ, e kpùùmaŋ, yèè ke dòmaàŋ wèè anyùùŋ nyaŋ e Kànà àìjɛnɛ̀ŋ dìì (kàɓànè 5-7); (2) e tòmoɛ̀ wò naŋ wòò anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ wèè aŋ nyɛ̀nɛ̀ŋ lɛ (kàɓànè 10); (3) maŋ kàɓanè màŋ e nyaàiŋ dè e Kànà àìjɛnɛ̀ɛŋ (kàɓànè 13); (4) e fàsàì e kàaà e nyaàiŋ dè e tòmò anyùùŋ màŋjɛ̀wɛ̀ nyaŋ (kàɓànè 18); yèè (5) e kàaà e nyaàiŋ dè e teengaà e ɗuunyaŋ lɛɛ̀ do nàŋ jùò lɛ yèè e teengaà e Kànà Dayàa do nàŋ hnè lɛ (kàɓànè 24-25).
E ɗewe kiiɛ̀ àŋ naŋ gòònò maŋ keì wòo titi màŋ lɛ
Aŋ nèwàènèwè yèè ke ɗɔ̀ɔ̀ kòmàŋ Jisɛ̀ Kulaìɛ (1.1–2.23)
E tòmò Jɔ̀ɔŋ Gùà Nyùnɔ̀ɔŋ (3.1-12)
E gùà Jisɛ̀ɛ yèè e wàaà wò naŋ kɔ̀ dìì lɛ (3.13–4.11)
E tòmò Jisɛ̀ɛ ko ɓài wɔŋ fùɔ̀ŋ Galaliìɔ (4.12–18.35)
Yìwìà ko Galaliì e kà ko Jùlusɛ̀làm (19.1–20.34)
Ke wikì dìàmaàŋ ko yèè e gbɛ̀ɛ̀ ko Jùlusɛ̀làm (21.1–27.66)
E teengaà wo Kanaà Jisɛ̀ naŋ wa yèwè e fàaà dìì yèè wò naŋ fòlò anyùùŋ feìŋ lɛ (28.1-20)
اکنون انتخاب شده:
Maafiù Ke jii gbài e nyaàiŋ dè wɔŋ fɛi wɛɛ̀ŋ: WFESD
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Gola New Testament Translation and Literacy Project © Bible Society in Liberia, 2019.