Matteu 19
19
Matrimoniu è divorziu
(Mc 10,1-12)
1Quandu Ghjesù ebbe compiu di parlà, lasciò a Galilea è pigliò i cunfini di a Ghjudea, da Ghjurdanu in dà. 2C'eranu e manse di a ghjente chì andavanu cun ellu, è culà, ellu guaria i malati.
3Unepochi di Farusei u vulianu mette à u provu; s'avvicinonu è li chersenu: «Serà lecitu chì un omu si spichi da a moglia per n'importa chì mutivu?» 4Ghjesù rispose è disse: «Ùn avete lettu chì u creatore à u principiu i fece maschju è femina#19,4 Gn 1,27; 5,2. 5è ch'ellu disse: Per via di què, l'omu lascerà babbu è mamma è s'uniscerà à a moglia, è tremindui faranu una persona sola#19,5 Gn 2,24.. 6Cusì i dui ùn sò più dui ma una persona sola. Allora chì l'omu si guardi di spiccà ciò ch'ellu hà adunitu Diu!» 7Li si dumandò: «È cumu hè chì Musè hà cumandatu di dà un certificatu di separazionequand'omu si spicca#19,7 Dt 24,1; Mt 5,31.?» 8Ghjesù rispose: «Ghjè perchè v'avete u core duru chì Musè v'hà permessu di spiccà vi da e vostre moglie; ma à u principiu, ùn era cusì. 9Da veru, a vi dicu: cacciatu ne u casu d'unioni for di lege, sì qualchì sia si spicca da a moglia è si ne piglia una antra, tandu face l'adulteriu.»
Matrimoniu è celibatu
10Allora i discepuli li dissenu: «S'ella hè què a cundizione di l'omu maritatu, hè megliu à ùn marità si.» 11Ghjesù li rispose: «Ùn lu capiscenu micca tutti st'insignamentu, ma solu quelli chì sò capaci. 12Per ch'elli ùn piglinu moglia certi omi ci sò parechji mutivi: ci sò chì nascenu incapaci di marità si; ci sò chì diventanu incapaci per via di l'omi chì i facenu incapaci; è po ci sò chì anu vulsutu cusì per serve megliu a causa di u regnu di i celi. À chì pò capì ch'ellu capischi.»
Ghjesù accoglie i zitelli
(Mc 10,13-16; Lc 18,15-17)
13Allora unepoche di ghjente li purtonu i so zitelli per ch'ellu li impunissi i mani è ch'ellu prichessi per elli. Ma i discepuli i liticonu. 14Ghjesù disse: «Lasceti sti zitelli, ùn l'impedite di vene ind'è mè, chì u regnu di i celi hè da i pari soi.» 15È dopu d'avè li impostu i mani in capu, si n'andò.
Ghjesù è u giuvanottu riccu
(Mc 10,17-31; Lc 18,18-30)
16Unu s'avvicinò da Ghjesù è li cherse: «Maestru, chì averaghju da fà di bonu per avè a vita eterna?» 17Ghjesù li disse: «Chì mi dumandi di u bonu? Bonu hè unu solu. Ma sì tù voli entre in a vita eterna, rispetta i cumandamenti.» 18«Qualessi?» disse quellu. Allora Ghjesù rispose:
Ùn tumberai micca;
ùn ferai micca adulteriu;
ùn arrubberai micca;
ùn ferai micca false testimunianze;
19 rispetterai à babbitu è à mammata;
u to prossimu, u tenerai caru quantè à tè stessu # 19,19
Es 20,12-16; Dt 5,16-20; Lv 19,18. .
20Quellu Giovanu li disse: «Tutti sti cumandamenti, l'aghju sempre rispettati. Chì mi manca dinò?»
21Ghjesù li rispose: «Par esse propiu parfettu#19,21 Paragunà cù 5,48., piglia è vendi tuttu u toiu, dà i soldi à i povari, è buscherai un tesoru in i celi. È po veni è seguita à mè!» 22Sentendu què, u giuvanottu si n'andò cuntristatu, perchè avia ricchezze assai.
23Tandu Ghjesù disse à i discepuli: «Da veru, a vi dicu, un riccu serà difficiule ch'ellu entri in u regnu di i celi. 24A vi dicu dinò, hà da entre più faciule un camellu pè una cruna d'acu chè un riccu in u Regnu di Diu.» 25I discepuli firmonu cummossi assai da e so parolle, è dicianu: «Ma allora quale si pudarà mai salvà?» 26Ghjesù i fighjulò è rispose: «Per l'omi, hè cosa impussibule, ma per Diu hè pussibule tuttu.» 27Allora Petru li disse: «È noi, chì avemu lasciatu tuttu per seguità ti, chì ci averà da accade?» 28Ghjesù disse: «A vi dicu da veru, quand'ella serà l'ora di u rinnovu d'ogni cosa#19,28 Paragunà cù Dn 7,14., quandu u Figliolu di l'Omu pusarà nantu à u tronu gluriosu, voi chì m'avete seguitatu puserete nantu à dodeci troni per ghjudicà e dodeci tribù d'Israele. 29È tutti quelli chì averanu lasciatu case è chjosi, fratelli, surelle, babbu è mamma, per via di u mo nome, anu da riceve centu volti di più è tuccheranu, da lascita, una vita eterna. 30Parechji chì sò i primi seranu l'ultimi è l'ultimi seranu i primi.»
اکنون انتخاب شده:
Matteu 19: 4EvCors
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Société biblique française, 1994
