Yoana 2
2
Yesu ku buregesi bwa mu Kana
1Orusiku rwa kasatu, mbubao oburegesi mu Kana ya Galilaya, na nyiramwene Yesu ariga:riwo. 2Yesu akokerwe mu buregesi amwi na be:igisibwa bae. 3Amanji ge mijabibu gejire gawa, nyiramwene Yesu namubwira ati, Batana manji ga mijabibu. 4Yesu namubwira ati, Mugasi awe, ?Ndina ki, anye na:we? Omwanya gwani gucari kwiya. 5Nyiramwene nababwira abakosi ati, Cinu arababwira co:ne co:ne jemukore. 6Gariga gariwo mayombe ga mabui gata:nu na rimwi, gariga gariwo kubwa jintungwa jo kwiyosya kwa Bayaudi, go:ne gaso:kagamo uti misere ebiri amwi esatu eje bitu:mo. 7Yesu nababwira ati, Amayombe ganu nimuge:jusye amanji. Nibe:jusya na ku burenge. 8Nababwira ati, Wori mutae, musirire Omukuru wo buregesi. Nibamusirira. 9Mbe Omukuru wo buregesi wejire araba amanji ganu gaindukire okuba manji ge mijabibu, na atamenyere enu gaso:ka (nawe abafurubendi banu bataire amanji bariga bamenyere), Omukuru wo buregesi nabirikira omutwasi, 10Namubwira ati, Mu:nu wo:ne kamba okutao amanji ge mijabibu age kisi. Nawe wora ba:nu be:guta, niwo natao ganu gatari ga kisi muno. Ka awe wabika amanji ge mijabibu age kisi kukinga woryanu. 11Cinu nico ecibarikisyo Yesu cinu ambiyeko mu Kana ya Galilaya, ne:resya rikusyo ryae. Abe:igisibwa bae nibamwikirisya. 12Wejire eya natebera Kaperinaumu, omwene na nyiramwene na ba:na ba:bo na be:igisibwa bae. Nibamarayo siku no:to.
Okwesibwa kwo kwamba kwa iyekaru
(Mt. 21:12-13; 11:15-17; Lk. 19:45-46)
13Ipasaka ya Bayaudi yariga iri yei, Yesu narinya Yerusalemi. 14Nasanga mu yekaru abaka:ni ba jiŋa na jina:ma ne biguti, na banu abaingyaga jimpirya benyanjire. 15Nakora jingoe orukoba, nabairisyamo bo:ne mu yekaru, na jina:ma na jingʼa. Ne:ta jimpirya ja banu baingyaga jimpirya, nafumbika jimeja jebwe. 16Nababwira banu baka:naga ebiguti ati, Muso:syeo binu. Musige kukora inyumba ya Rata kuba nyumba ya kugusisyamo. 17Abeigisibwa bae nibe:cuka binu byandikirwe ati, Rifuwa rya inyumba yao ryandiye.
18Mbe Abayaudi nibaindura nibamubu:sya ati, ?Ouce:resya cibarikisyo ki cinu ecikukosya binu? 19Yesu naindura nababwira ati, Mufumye iyekaru inu, nanye ndii:namusya mu siku isatu. 20Mbe Abayaudi niba:ika ati, Iyekaru inu yombakirwe myaka makumi gana neta:nu na gumwi ka na:we uinamusye mu siku isatu era? 21Nawe omwene a:ikire ku yekaru yo mubiri gwae. 22Mbe wejire asu:ka mu bafu:ye, abe:igisibwa bae nibe:cuka eco a:ikire, nibe:kirisya cinu candikirwe, no musango gunu Yesu a:ikire.
23Mbe anu ariga:ri mu Yerusalemi ku Marya ga Ipasaka, ba:fu nibe:kirisya risi:na ryae, wejire barora ebibarikisyo byae binu akorere. 24Nawe Yesu atabe:ikanyisye okuba ariga amenyere bo:ne. 25Na ariga atakenere mu:nu wo:ne okumubwira ebya ba:nu okuba omwene amenyegesisye binu byariga mu mu:nu.
انتخاب شده:
Yoana 2: KIJ1960
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Kijita New Testament © The British and Foreign Bible Society and The Bible Society of Tanzania, 1960.
