cēnisis 9
9
1 #
cēnisis 1:28
kisēmanito māka ki sawēyimēw noa mina okosisiyiwa, omisi māka ki itēw, wi miyo nihtāwikihitok, mina wi mihcētik, kita sākaskinatāyēk aski. 2ki ka kakospanēyimikowāwak mina ki ka kostikowāwak, kahkiyaw pisiskiwak askihk kā ayācik, mina kahkiyaw kā papāmiyācik, mina kahkiyaw kā waskawitācik ota askihk, mina kahkiyaw kinosēwak, kihcikamihk kā ayācik; kicihcihk pakitināwak kahkiyaw ēwakonik. 3kahkiyaw kēkway ē wāskawimakahk kā pimātahk ki ka omiciwinināwāw; wāwāc kā osāwaskwaskik ki ki miyitināwāw kahkiyaw kēkway. 4#lipitikas 7:26,27; 17:10-14; 19:26; tiyotaranami 12:16,23; 15:23māka wiyās ē pimātahk ēwako ē mihkowahk, namawiya ki ka micināwāw. 5kēhcinā māka ki ka natawēyitamātināwāw ki mihkowāw ki pimātisiwiniwāw; ocicihk ēhtasit pisiskiw ni ka natawēyitamawāw, mina ocicihk ayisiyiniw: ocicihk ēhtasit ayisiyiniw ociwāma ni ka natawēyitamawāw ayisiyiniw o pimātisiwin. 6#ēksatas 20:13; cēnisis 1:26awiya kē sikinamokwē ayisiyiniwi mihko ayisiyiniwa omihk kata sikinamiyiwa; cikēmā ot isinākosiwinihk kisēmanito ki osihēw ayisiyiniwa. 7#cēnisis 1:28māka kiyawāw wi miyo nihtāwikihitok, kita mihcētiyēk; wēyoci nihtawikihitok askihk, mina wi mihcētik ēkota.
8kisēmanito māka ki kitotēw noa, asici okosisiyiwa, ē itwēt, 9niya oma, wāpahta, niya kōyastwātināwāw ni kiskimiwēwin, asici ki nihtāwikihāwasoniwāwak kē ati askwākoyēkwāw: 10mina asici ē tahto pimātisit osihcikan kā wiciayāmikoyēk, ana piyēsis, ana awakān, mina ēhtasit pisiskiw askihk kā wiciayāmikoyēk; kahkiyaw kihci nāpihkwanihk kā ohci kapāt, kā ihtasit pisiskiw askihk kā ayāt. 11niya māka kōyastwātināwāw nit asotamākēwin; namawiya mina wikāc kahkiyaw kā o wiyāsik kita nisiwanācihāw ē iskipēk ohci; mina namawiya wikāc kita iskipēw kita nisiwanātahk aski. 12mina kisēmanito omisi itwēw, ēwako oma kē isi kiskinawātēyitākwahk nit asotamākēwin niya kā osihtamātakok kiyawāw, mina ē tahto pimātisit osihcikan kā wici ayāmikoyēk, tahki āniskāc kē pimātisihk. 13nit astān ni pisimwēyāpi waskohk, ēkosi ēwako kē kiskinawātēyitākwahk asotamākēwin niya kā osihtamātakok kiyawāw askihk. 14ēkosi kita ihkin ispi itotamāni wasko kita pimipayik ispimihk askihk, anima pisimwēyāpi kita nokwan waskohk. 15ēkosi ni ka kiskisitotēn nit asotamākēwin niya kā ki osihtamātakok kiyawāw, mina kahkiyaw kā pimātisit osihcikan kā o wiyāsit; ēkosi nipiya namawikāc mina kita iskipēwa kita nisiwanātisit kahkiyaw kā o wiyāsit. 16ēkosi pisimwēyāpi kita ayāw waskohk; mina ni ka kanawāpahtēn, kita kiskisitotamān asotamākēwin ēkā wikāc kē ponipayik kisēmanito kā miyāt kahkiyaw ē pimātisiyit osihcikana kā o wiyāsiyit waskitaskamik kā ayāyit. 17kisēmanito māka ki itēw noawa, ēwakoma kē isi kiskinawātēyitākwahk asotamākēwin niya kā ki oyātastamawak kahkiyaw kā o wiyāsit waskitaskamik kā ayāt.
18anihi māka okosisa noa kā ki kapāyit kihci nāpikwānihk ohci, ēwakonik, sēm, hām, mina cēpit; hām māka ēwakoni otāwiya kēnan. 19ēwakoni ohi ē nistiyit okosisa noa, ēwakonik māka ohci misiwē aski ki akwanaskinēw.
20noa māka ki māci kistikēwiyiniwiw ēkosi ki kistikātam somini kistikān. 21ēkota māka ki ohci minihkwēw somināpo, ē ki kiskwēpēt māka, ēkosi ki mosēskatēsin wikihk. 22hām māka otāwiya kēnan ki wāpahtam o mosēskatēwiniyiw otāwiya, ēkosi ki wihtamawēw ē isi nisiyit ociwāma wayawitimihk. 23ēkosi māka sēm mina cēpit ki otinamak akohowin, otihtimaniwāhk ē ki astācik, ē ki ati asētēcik, ē ki akwanahamwācik māka o mosēskatēwiniyiw otāwiwāwā; ki atimikāpawiwak māka ēkosi namawiya wāpahtamwak o mosēskatēwiniyiw otāwiwāwa. 24noa māka ki koskoskāw ē āstēpēt mina ki kiskēyitam anima kā osimimāwiyit okosisa kā ki totākot. 25ēkosi ki itwēw, kita macakimāw kēnan; atoskēyākanak ot atoskēyākaniwāwa kita itakimik ociwāma. 26mina ki itwēw, kita mamihcimāw kā tipēyihcikēt o kisēmanitoma sēm, mina kiyām kēnana kita ot atoskēyākaniw. 27kisēmanito kita tēnisawiēw cēpita, mina kita wikikēmohēw wikiyihk sēma; mina kiyām kēnana kita ot atoskēyākaniw.
28noa māka ki pimātisiw kā poni iskipēyik, nistwāw mitāhtomitanaw mina niyānanomitanaw tahto piponwa. 29kahkiyaw māka o kisikāma noa kēkāt kihci mitāhtomitanaw mina niyānanomitanaw ki tahto piponwēw; ēkosi ki nipiw.
اکنون انتخاب شده:
cēnisis 9: KKMR
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
This Bible text is a transliteration of a corrected edition of the 1908 Western Cree Bible; it is in the public domain.