Эвел 10
10
Халкьар арайиз гъюб
1Магьа Нюгьдин баяр – Сим, Хам ва Яфетдилантина бабкан гъахьи насларикан вуйи ихтилат. Дюнʼя шту ккапӀбалан кьяляхъ дурариз бицӀидар шулу.
Яфетдин наслар
2Яфетдин баяр: Гомер, Магог, Мадай, Яван, Тувал, Мешех ва Тирас. 3Гомерин баяр: Ашкеназ, Рифат ва Тогарма. 4Явандин баяр: Элиша, Таршиш, Киттим ва Доданим. 5Явандин баярин наслар гьюлерихъди хъайи жилариин артмиш гъахьнийи. Яфетдин насларикан чпин чӀалар, чпин тухмар, чпин мулкар ади, жа-жара халкьар арайиз гъафнийи.
Хамдин наслар
6Хамдин баяр: Куш, Мицраим, Пут ва Ханаан. 7Кушдин баяр: Сева, Хавила, Савта, Раама ва Савтеха. Раамдин баяр: Шева ва Дедан. 8Кушдиз Нимрод кӀуру бай айи. Думу дюньяйиин сарпи кьувватлу адми вуйи. 9РАББИЙИН улариъ думу кьувватлу хюрчабан вуйи. Гьаддиз кӀурира а: «Гъит РАББИЙИН улариъ уву кьувватлу хюрчабан Нимродсир ишри!» 10Сифте думу Вавилон, Эрех ва Аккад шагьрарин паччагь вуди гъахьну. Дурар вари Шинар уьлкейиъ айи. 11Гьаму жиларилан думу Ассирияйиз удучӀвну гъягъюру. Дугъу душваъ Ниневия, Реховот-ир ва Калах шагьрар дивнийи 12Ниневияйинна Калахдин арайиъ Ресен шагьур айи. Дурарикан Калах шагьур аьхюбсиб вуйи.
13Мицраимдикан лудияр, анамеяр, лехавеяр, нафтухеяр, 14патрусеяр, каслухеяр ва кафтурияр, хъа мурарикан – филистимар гъахьну. 15Ханаандикан сарпирди Сидон, хъасин Хетт гъахьну, 16Ханаандикан гьацира евусеяр, амореяр, гиргашеяр, 17хиввеяр, аркеяр, синеяр, 18арвадеяр, цемареяр, хаматеяр арайиз гъафну. Кьяляхъна ханаанеярин халкьар гъарагънийи. 19Дурарин ругар Сидондихъан Герарин терефназди – Газайихъна вуйи, хъа Содомдинна, Гоморрайинна, Адмайинна, Цевоимдин терефназди – тап Лашайихъна рукьурайи. 20Хамдин насларикан чпин чӀалар, чпин тухмар, чпин мулкар ади, жа-жара халкьар арайиз гъафнийи.
Симдин наслар
21Яфетдин аьхюну гъардаш Симдизра баяр айи. Симдикан Эверин тухум арайиз гъафну. 22Элам, Ашшур, Арфакшад, Луд ва Арам Симдин баяр ву. 23Уц, Хул, Гефер ва Маш Арамдин баяр ву. 24Арфакшаддикан Шелах, Шелахдикан Эвер шулу. 25Эверикан кьюр бай шулу, сарин ччвур Пелег («пай апӀуб») вуйи, гьаз гъапиш думу вахтна жил пай апӀурайи. Дугъан чвуччвун ччвур Иоктан вуйи. 26Алмодад, Шалеф, Хацармавеф, Ярах, 27Гадорам, Узал, Дикл, 28Овал, Авимаил, Шева, 29Офир, Хавила ва Иовав Иоктандин баяр вуйи. Вари гьаму баяр Иоктандиндар ву. 30Дурарин мулкар Мешайихъан ригъ гьудубчӀвру дагъларин Сефарайихъна вуйи. 31Симдин насларикан чпин чӀалар, чпин тухмар, чпин мулкар ади, жа-жара халкьар арайиз гъафнийи. 32Магьа гьамцдар ву Нюгьдин баярин тухмар ва дурарикан гъахьи халкьар. Гьамрарилантина, дюнья шту ккапӀбалан кьяляхъ, жилиин халкьар гъарагънийи.
اکنون انتخاب شده:
Эвел 10: ТабГК
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Институт перевода Библии, 2010, 2013, 2016, 2018, 2023