John 3

Jesu in Nicodemus Hilh

1Jew-te vaihawm pawlte lakah Nicodemus kici Pharisee-te khat a om hi. 2 Amah zanin Jesu kiangah va pai-a, "Rabbi aw, Pasian kiang pana hong pai siapa na hi cih ka thei uh hi. Ahang in, Pasian in a ompih kei leh kuamah in na bawl lim lamdangte a bawl thei kei ding hi," a ci hi.#Jn 7:50; Ns 2:22

3 Jesu in a dawnna in, "Thutak kong geninah, ‘Mi khatpeuh a suah kik c#3.3 Ahikeh tunglam pan a suak; tg.7 ah zong kei leh Pasian gam a mu thei kei hi," a ci hi.#Jn 1:13

4 Nicodemus in, "A khangham khinsa mi khat bangci in suak kik thei ding ahi hiam?" ci-in dong a, "A nih veina a suak dingin a nu sungah lut kik thei lo takpi mah ding hi!" a ci hi.

5 Jesu in, "Thutak kong geninah, tui le Kha-a suak kik lote peuhmah Pasian gamah a lut thei kei hi. 6 Ci-le-sa in ci-le-sa mah piangsaka, Kha d#3.6 Ahikeh ahi hangin kha in kha mah a piangsak hi. 7 Nang e#3.7 Greek ah a tam genna suahkiksak pelmawh ding na hi hi ‘kong cih lamdang sa kei in. 8 Huih, a utna peuhah a nung hi. Aging na za hi, ahi hangin koi pan hong nung a, koi lamah nung ding cih na thei kei hi. Kha pana piang mi peuhmah tua bang ahi hi," a ci hi.#Ns 22:16

9 Nicodemus in, "Hih thu bangci pian theih ding hiam?" ci-in a dong hi.

10 Jesu in, "Nang Israel-te siapa hi napi hih nate thei lo na hi hiam? 11 Thutak kong geninah, kote in ka theih uh ka gen uh a, ka muhsa uh teci ka pang uh hi, ahi hangin no mite in ka tecipanna uh na sang kei lai uh hi. 12 Note kiangah leitung nate thu ka gen hangin na um kei uh hi. Tua ahileh vantung nate thu ka gen hangin bangci up thei ding na hi uh hiam? 13 Vantung pana hong pai Mihing Tapa f#3.13 Khutgelh pawlkhatah vantunga om, Mi longal vantungah kuamah a pai ngei kei hi. 14 Moses in gamlakah gul a khai bang tektekin Mihing Tapa kikhai ding hi. 15 Amah a um mite khempeuh in, nuntak tawntungna a neih theih nading ahi hi. g#3.15 Ahikeh a umte in ama sungah nuntak tawntungna nei thei ding

16 Pasian in leitung it lua ahi manin, a Tapa a um khempeuh mangthang lo-a nuntak tawntungna a neih nadingin a Tapa khat neihsun h#3.16 Ahikeh ama neihsun a Tapa a pia hi. 17 Ahang in, leitung mawhpaihsak dingin Pasian in a Tapa leitungah a sawl kei hi. Ama tung tawnin leitung a honkhia dingin a sawl hizaw hi. 18 Amah a um khempeuh a kimawhpaih kei hi. Ahi hangin amah a um lo mi peuhmah Pasian Tapa i#3.18 Ahikeh Pasian in khat bek a neih a Tapa khat neihsun a min um lo ahi manin mawh paihsa ahi hi. 19 Thutanna hih ahi hi: Leitungah Khuavak hong tung zo hi, ahi hangin mihingte in a gamtatnate uh gilo ahi manin khuavak a it tangun khuamial a it uh hi. 20 Gitlohna a hih mi peuhmah in a gamtatnate a kipholak ding lau ahi manin khuavak mudah a, khuavak ah a lut kei ding hi. 21 Ahi hangin thutaka a nungta mi peuhmah, a gamtatna khempeuh Pasian tungtawna sem a hina teltaka a kilat nadingin khuavak ah a lut hi," j#3.21 A let pawlkhatte in tg.15 khit ciangin kam khaksak hi a ci hi.#Ro 5:8

Jesu Thu, Baptize-pa John Teci Panna

22 Hih teng khit ciangin Jesu le a nungzuite Judea gam sungah pai uh a, tua lai-ah amaute tawh tawlkhat sung taamin a baptise uh hi. 23 Tu-in John in zong Salim kiang Aenon munah a baptise hi. Bang hang hiam cih leh, tua munah tui tam ahi manin a kibaptise dingin mite va pai den uh hi. 24 (Hih pen thong sunga John a kikhum ma ahi hi). 25 John nungzuite le Jew a#3.25 Khutgelh pawlkhatah Jew-te tawm khat pawlkhat kikalah biakna ngeina zui-a kisilna tawh kisai-in kiselna a piang hi. 26 Amaute John kiangah pai uh a, "Rabbi aw, Jordan gala na ompihpa - ama thu na genpa in baptise-a mi khempeuh in amah zuan uh hi," a ci uh hi.

27 Hih thu ah John in, "Mihingte in vantung pana kipiate bek ngah thei hi. 28 ‘Kei, Christ b#3.28 Ahikeh Messiah ka hi kei hi. Ama mai-a hong kisawlpa ka hi hi,’ ci-a ka gen note mahmah in teci na pang thei uh hi. 29 Mo pen zineipa aa ahi hi. Zineipa lawmpa in zineipa kithuahpihin ngak-a, zineipa aw a ngai hi; zineipa aw a zak ciangin lungnopna tawh a kidim hi. Tua lung nopna kei aa hi-a tu-in kicing ta hi. 30 Amah lian semsem dinga, kei ka neu semsem ding hi.#Jn 1:20,23

31 "Tunglam pana hong paipa na khempeuh tungah a om hi. Leitung pana hong paipa leitung aa hi-a leitung mi bangin thu a gen hi. Van tung pana hong paipa ahileh mi khempeuh tungah a om hi. 32 Amah in a muhsa le a zaksa teci panga, ahi hangin a teci panna kuamah in a sang kei hi. 33 Ama teci panna a sang mi in Pasian thutak ahi hi, cih a thukimpih ahi hi. 34 Ahang in, Pasian sawlpa in Pasian thute a gen hi. Pasian c#3.34 Greek ah ama in ama tungah ciangtan loin Kha a pia hi. 35 Pa in Tapa it a; na khempeuh a khutah a koih hi. 36 Tapa a um mi peuhmah in nuntak tawntungna a nei hi; ahi hangin Tapa a nial peuhmah in nuntakna a mu kei ding hi; ahang in, Pasian thangpaihna ama tungah a om hi," d#3.36 A let pawlkhatte in tg.30 khit ciangin kam khaksak hi a ci hi.

اکنون انتخاب شده:

John 3: ZIV

های‌لایت

به اشتراک گذاشتن

کپی