Piancilna 23
23
Sarah Sihna
1Sarah kum za khat le sawm nih le sagih dong nungta hi. 2 Amah Canaan leitang Kiriah Arba (tua pen Hebron) ah si a, Sarah hangin Abraham thumin kap hi.
3 Tua ciangin a si a zi kiang pan ding khia a, Hit-te a#23.3 Ahikeh Heth’ tapate tg. 5,7,10, 16, 18 le 20 ah zong a va hopih hi. Amah in, 4 "Note lakah kei pemta khat ka hi hi. Ka misi ka vui theih nadingin a han ding mun khat hong zuak un," a ci hi.#Ph 105:12
5 Hit-te in Abraham kiangah, 6 "Pu aw, ka thu gen uh na ngai in. Kote lakah nang a thahat ukpa khat na hi hi. Ka hante uh na deihna penpen ah na misi vui in. Na misi na vui nading kuamah in a han nial lo ding hi," ci uh hi.
7 Tua ciangin Abraham dinga tua gam mi, Hit-te mai-ah a kunsuk hi. 8 Amah in amaute kiangah, "Ka misi vui ding phal na hi uh leh ka thu hong ngai un. 9 Zohar’ tapa Ephron tungah, ama neihsa a lonawla Machpelah suanghawm kei hong zuak nadingin hong thumsak un. Note laka han mun na kileina zah uh a cingtaka ka piak dingin kei tangin hong gensak un," ci hi.#Pc 25:9
10 Ama mipihte laka tu Hit mi Ephron in khuapi kongpi-a hong pai Hit-te khempeuh zakin Abraham dawnga, 11 "Hi lo hi, topa aw, ka thugen na ngai in; ka lo kong pia b#23.11 Ahikeh zuak-a, a sunga suanghawm zong kong pia c#23.11 Ahikeh zuak hi. Ka mite omin nang kong pia d#23.11 Ahikeh zuak hi, na misi vui in," a ci hi.#Ru 4:4
12 Tua gammite mai-ah Abraham kunsuk kika, 13 amaute zakin Ephron kiangah, "Na ut leh ka thugen na ngai in. Tua lo a man ding kong pia ding hi. Tua lai-ah ka misi ka vui theih nadingin hong sang hoh in," a ci hi.
14 Ephron in Abraham kiangah, 15 "Ka thu hong ngai in topa aw; leitang in ngun shekel e#23.15 Tua pen pound 10 bang (kilogram 4.5 bang) zali man hi, ahi hangin nang le kei kikalah tua pen bang hi lel hiam? Na misi vui lel in," ci-in dawng hi.
16 Abraham in Ephron a piak ding Hit-te zaka a minvawh khiat zah: sumbukte laka kizangtang tehna tawh kizui-in ngun shekel za li piak ding thukima, a tehkhia hi.#Jer 32:9
17 Tua ciangin Mamre kianga Machpelah a Ephron’ lo - a lo leh a suanghawm a nih, le a lo kigi huam sunga singkung khempeuh - 18 khuapi kongpi-a hong pai Hit-te khempeuh omin a ngeina om bangin Abraham neihsa in kibawl hi. 19 Tua khit ciangin Abraham in a zi Sarah, Canaan gam Mamre kianga Machpelah (Hebron a om pen) a lo sunga suanghawm ah vui hi. 20 Tua ciangin lo le a sunga suanghawm, Abraham han dingin a ngeina om bangin Hit-te in a bawl uh hi.
اکنون انتخاب شده:
Piancilna 23: ZIV
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Copyright 1994 Myanmar Center for World Mission