ATITI AWM ANGCHEI NAI 5
5
Adam i kangpreangchi
(1 Neng 1.1–4)
1Hini ly Adam i kangpreangchi ne. (Tameuh my khumi ai sa nai khala y mymy ka-tawm khyp sa.#AA 1.27–28 2Mymy ly neampacho hawi neampachy ai sa i amtheaung hai iy, “Khumi,” nanai amyn pei bo.)#Mt 19.4; Mk 10.6 3Adam ly saneng 130 rei khala y mymy i mo-cha atawm khyp nai chapo nga bi i amyn ly Setha, nanai pathi. 4Huni bo y Adam ly saneng 800 rei heng i, mymy ly cho chanau nga asai rai. 5Naibaly Adam ly saneng 930 rei khala dei nai ne.
6Setha ly saneng 105 rei khala y chapo Enosh ai sa; 7mymy ly saneng 807 rei heng nai bo y cho chanau nga asai rai; 8mymy ly saneng 912 rei khala dei.
9Enosh ly saneng 90 rei khala y chapo Ka-inan ai sa; 10mymy ly saneng 815 rei heng nai bo y cho chanau nga asai rai: 11mymy ly saneng 905 rei khala dei.
12Ka-inan ly saneng 70 rei heng nai khala y chapo Mahalalel ai sa; 13mymy ly saneng 840 rei heng nai bo y cho chanau nga asai rai; 14mymy ly saneng 910 rei khala dei.
15Mahalalel ly saneng 65 rei khala y chapo Jared ai sa; 16mymy ly saneng 830 rei heng nai bo y cho chanau nga asai rai; 17mymy ly saneng 895 rei khala dei.
18Jared ly saneng 162 rei khala y chapo Enoka ai sa; 19mymy ly saneng 800 rei heng nai bo y cho chanau nga asai rai; 20mymy ly saneng 962 rei khala dei.
21Enoka ly saneng 65 rei khala y chapo Methusela ai sa. 22Huni bo y mymy ly Tameuh hawi amkawm jojo i, saneng 300 rei heng nai bo y chapo chanau nga asai rai: 23Mymy ly saneng 365 rei awm. 24Mymy ly Tameuh hawi amkawm jojo nai deaungkho y Tameuh my la vui i, mymy ai ly niu ali y leang bo.#Heb 11.5; Juda 1.14
25Methusela ly saneng 187 rei khala y chapo Lameka ai sa; 26mymy ly saneng 782 rei heng nai bo y cho chanau nga asai rai; 27Methusela ly saneng 969 rei khala dei.
28Lameka ly saneng 182 rei khala y chapo leaungrei sa. 29“Areng my amsawi lawi hai nai deaungkho y, achi ly patang parai naimy kalop sa naira i nai hini deaungdi ly alaw hai ai nai keung ne, nanai Lameka ly thui i, huni deaungdi ai Nova, #5.29 Nova: Hebrai leu y “alaw sau bo” napi. nanai amyn pathi nai ne. 30Lameka ly saneng 595 rei heng nai bo y cho chanau nga asai rai; 31mymy ly saneng 777 rei khala dei.
32Nova ly saneng 500 rei khala y Sema, Hama, Japheth napi nai chapo leaung thomreichi ai sa nai ne.
اکنون انتخاب شده:
ATITI AWM ANGCHEI NAI 5: KCL02
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Khumi Common Language Bible © Bible Society of Myanmar, 2005.