JOHAN 2
2
Kana khuoa inneina
1Chun, ni thum niah, Galili rama Kana khuoah inneina ruoiṭhe a um a, chutaka chun Isu nu a um a.
2Isu le a închûktirhai khawm inneinaa chun an fiel a.
3Chun, uoinin a dai ta naw a, Isu nu chun a kuomah, “Uoin an tlasam ta ie,” a ta.
4Isu chun a kuomah, “Nuhmei, nanga mi lo hrietpêk ding ieng am a um a? ka hun a la tlung nawh,” a ta.
5Chun, a nu chun rawngbâwltuhai kuomah, “In kuoma a hril taphawt chu thaw pei ro,” a ta.
6Chun, Judahai inthien dân angin lung tuibêl paruk, bûk sâwmli hmun hni amanih, hmun thum amanih keng seng chutaka chun an intung a.
7Chun, Isûn an kuomah, “Tuibêlahai tui suksip ro,” a ta. A rei inruolin an suksip seng a.
8Chun, an kuomah, “Tuhin thâl unla, ruoiṭhe hotu kuomah fepui ro,” a ta. Chun, an fepui ta a.
9Chun, ruoiṭhe hotu chun tui uoina hung inchang chu ân tem a, a suokna chin a hriet naw a, (tui thâl rawngbâwltuhai ruok chun an hriet a), nuhmei nei tupa chu a ko ta a,
10a kuomah, “Mi tinin a tirin uoin ṭha an sie suok hlak, chun, a tam deu an dâwn hnungin a ṭha naw deu chu an sie suok hlak, nang ruok chun tu chen hin uoin ṭha i la nei zing a,” a ta.
11Isûn hi a thilmak thaw phutna hi Galili ram Kana khuoa chun a thaw a nih, a ropuizie ân langtir a; chun, a inchûktirhai chun ama chu an ring ta a.
12 #
Mt 4.13
Chun, chu hnunga chun, Kapernaumah a zu fe a, ama le a nu leh, a unauhai le, a închûktirhai leh; chutaka chun ni sâwt nawtê an um a.
Biekin sukthieng
(Mt 21.12-13; Mk 11.15-18; Lk 19.45-46)
13 #
Ex 21.1-27
Chun, Judahai Fekân Ruoiṭhe a hnai ta a, Isu Jerusalemah a hang fe a.
14Chun, Pathien biekina sebâwnghai, berâmhai, vaṭhuhai zawrtuhai le tangka thlengtuhai ṭhung a hmu a.
15Chun, hruihruol invuokna a siem a, sebâwng le berâm an rêngin Pathien biekina inthawk chun a hnawt dawk a, tangka thlengtuhai tangka chu a bunthlâk a, an dawkânhai a nam thlûkpêk bawk a;
16chun, vaṭhu zawrtuhai kuoma chun, “Hieng thilhai hi hitaka inthawkin fepui ro, ka Pa in sumdâwngna inin siem naw ro,” a ta.
17 #
Sm 69.9
Chun, a inchûktirhai chun, “I ina ka ṭhahnemngainân mi fa zo a tih” ti ziek a nih ti an hriet nâwk ta a.
18Chun, Judahaiin a kuomah, “Hieng thil i thaw hi inchikna ieng am i mîn hmutir thei a?” tiin ama an in dawn a.
19 #
Mt 26.61; 27.40; Mk 14.58; 15.29 Isûn an kuomah, “Hi in hi sukse unla, ni thum sûngin inngîr nâwk ka tih,” a ta, a dawn a.
20Chun, Judahai chun, “Hi in hi kum sâwmli paruk sûng bâwl a nih, nangin ni thum sûngin inngîr i ti maw?” an ta.
21(Nisienlakhawm, a taksa in chu hril a lo ni lem si a.
22Chuleiin, mithi laia inthawka a thonâwkin, chu thu chu a hril tah ti a închûktirhai chun an hriet nâwk ta a; chun, Pathien Lekha Thu le Isu thu hril chu an ring ta a).
Isûn mi po po a hriet
23Chun, Fekân Ruoiṭhea Jerusalema a um lai chun, a thilmak thawhai an hmu a, mi tamtakin a hming an ring ta a.
24Nisienlakhawm, Isu chu anni lai a ngam nawh, mi po po a hriet a.
25Mihriem thu tukhawm ihril a ngai nawh, ama chun mihriem sûnga um taphawt chu a hriet si a.
اکنون انتخاب شده:
JOHAN 2: HMOVBSI
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
