Gyenesis 9
9
Onyankopɔn ne Noa yɛ Apam
1 #
Gye 1.28
Na Onyankopɔn hyiraa Noa ne ne mma, na ɔka kyerɛɛ wɔn sɛ: Monwo na monnɔɔso, na monhyɛ asase so ma. 2Na mo ho hu ne mo ho suro mmra asase so mmoadoma nyinaa ne ewiem nnomaa nyinaa, deɛ ɛwea fam nyinaa ne ɛpo mu mpataa nyinaa so; mo nsa na wɔde wɔn ahyɛ. 3#Kol 2.16; Gye 1.29 Deɛ ɛkeka ne ho a ɛwɔ nkwa nyinaa, ɛnyɛ mo aduane; mede ne nyinaa mama mo, sɛdeɛ mede nhahan mono memaa mo no.
4 #
Lew 3.17; Deut 12.23 Nam a ne mogya da so wɔ ne mu nko na monnnie. 5#Eks 21.28-29; Gye 4.11 Na onipa biara a ɔka onipa mogya guo no, ne nsam mu na mɛbisa, na aboa mpo ka onipa mogya gu a mɛbisa afiri ne nsam.
6 #
Eks 21.12; Lew 24.17; Mat 26.52; Adi 13.10; Gye 1.27 Deɛ ɔhwie onipa mogya guo no,
onipa so na wɔnam bɛhwie ne mogya aguo,
ɛfiri sɛ Nyankopɔn suban so
na ɔyɛɛ onipa.
7Na mo deɛ, monwo na monnɔ, na monnɔɔso wɔ asase so.
8Na Onyankopɔn ka kyerɛɛ Noa ne ne mma a wɔka ne ho no sɛ: 9#Gye 6.18 Hwɛ, afei merema m’apam atim hɔ ama mo ne mo asefoɔ a ɛbɛdi mo akyi, 10#Hos 2.18 ɛne akra a ɛtete aseɛ a ɛka mo ho nyinaa, nnomaa, ntɔteboa ne asase so mmoadoma a wɔne mo wɔ hɔ firi adaka no mu nyinaa. 11#Gye 8.21-22 Na mama me ne mo apam yi agyina hɔ, sɛ meremfa nsuyire mensɛe abɔdeɛ nyinaa bio, na nsuyire remma mmɛsɛe asase bio. 12Na Onyankopɔn kaa sɛ: Apam a merema ada me ne mo ne akra ateasefoɔ a ɛka mo ho nyinaa ntam akɔ nnasanten awoɔ ntoatoasoɔ soɔ no ho nsɛnkyerɛnneɛ nie:
13Me nyankontɔn na mede masi mununkum mu, na ayɛ me ne asase ntam apam no ho nsɛnkyerɛnneɛ. 14Na sɛ mede mununkum meba asase so a, wɔbɛhunu nyankontɔn no wɔ mununkum no mu; 15na makae m’apam a ɛwɔ me ne mo, ne abɔdeɛ nyinaa mu ateasefoɔ ntam no, na nsuo annane nsuyire ansɛe abɔdeɛ nyinaa bio. 16Na nyankontɔn no bɛba mununkum mu, na mahwɛ, na mede makae daa apam a ɛwɔ Onyankopɔn ne nnipa ne abɔdeɛ mu ateasefoɔ a ɛwɔ asase soɔ nyinaa no ntam. 17Na Onyankopɔn ka kyerɛɛ Noa sɛ: Yei ne apam a mama no agyina me ne honam a ɛwɔ asase nyinaa ntam no ho nsɛnkyerɛnneɛ.
Noa asefoɔ pete asase so
18 #
Gye 10.6
Na Noa mma a wɔfirii adaka no mu firii adie ne Sem, Ham ne Yafet; na Ham ne Kanaan n’agya. 19Yeinom ne Noa mma baasa no. Wɔn mu na nnipa firi petee asase nyinaa soɔ.
20Na Noa firii aseɛ yɛɛ kua, na ɔyɛɛ bobeturo. 21Na ɔnom nsa no bi, na ɔboroe, na ɔda ne ntomadan mu a ne ho da hɔ. 22#Mmb 30.17 Na Kanaan agya Ham kɔhunuu n’agya adagya mu, na ɔkɔka kyerɛɛ ne nuanom baanu no wɔ adihɔ. 23Na Sem ne Yafet faa ntoma de guu wɔn mmatiri so nam nkyirinkyire de kɔkataa wɔn agya adagya so, na wɔdanee wɔn ani kyerɛɛ akyire, na wɔanhunu wɔn agya adagya mu. 24Na Noa ani so tete firii ne nsaborɔ mu na ɔtee deɛ ne ba kumaa no ayɛ no no, 25ɔkaa sɛ:
Wɔadome Kanaan,
ɔbɛyɛ nkoa mu akoa ama ne nuanom.
26 #
Rom 9.16
Na ɔkaa nso sɛ:
Nhyira ne Sem Nyankopɔn, AWURADE,
na Kanaan nyɛ wɔn akoa.
27 #
Efe 3.6
Onyankopɔn mma Yafet ase ntrɛ,
na ɔntena Sem ntomadan mu,
na Kanaan nyɛ wɔn akoa.
28Na nsuyire akyiri no, Noa tenaa ase mfirinhyia ahasa aduonum. 29Na Noa nna a ɔdiiɛ nyinaa yɛ mfeɛ ahankron aduonum, na ɔwui.
اکنون انتخاب شده:
Gyenesis 9: ASW
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Bible Society of Ghana, 2012