Luka 7
7
PENE VII - 7
Te tavini o te rangatira anere: te tangata mate i Naina: nga karere a Ioane bapetizo: ta Iesu tuatua ia Ioane: to Iesu akamainu angaia e te vaine ara; te parabole o nga tangata #7:0 Tikaanga - kaiʼoukai ou.
1E KIA akaoti akera aia i tana tuatua tei akarongoia e te au tangata ra, #Mata 8:5tomo atura aia ki roto i Kaperenauma.
2Kua mate te tavini tumanava o tetai rangatira anere i te maki, kua vaitata i te mate. 3E kite akera aia i te rongo o Iesu, kua unga atura aia i te aronga pakari o te ngati Iuda, e tuatua meitaki atu kiaia ra, e aere mai aia e akaora i tona tavini. 4E tae atura ratou kia Iesu ra, kua pati akatenga atura ratou kiaia, na ko atura, E tangata tau teia kia akaperaia atu; 5E aroa oki aia i to tatou iti-tangata, e nana i akatu i to matou sunago. 6Kua aere mairā Iesu e ko ratou katoa. E avaitata iora aia ki taua are ra, kua tono atura taua rangatira anere ra i te au oa e karanga atu kiaia ra e, E te Atu, eiaa koe e pararerare; kare au e tau kia tomo mai koe ki roto i taku are; 7I kore ei i tika iaku kia manako e, e tau au kia aere atu ki mua i to aroaro na: e tuatua ua maira koe i te tuatua, ka ora ia toku tavini i reira. 8Ko au katoa nei oki, ko raro ake au ia etai ke, e vaeau ra to raro ake iaku, e kia tuatua au ki tetai, Ka aere, kua aere ïa; e ki tetai, Ka aere mai, kua aere mai ïa; e ki taku tavini, E na ko, kua na reira ïa aia. 9E kite akerā Iesu i taua tuatua ra, va ua iora aia kiaia; kua ariu atura, e kua karanga atura ki te tangata tini i aru mai iaia ra, Te karanga atu nei au kia kotou nei, Kare rai au i kite i teia akarongo i te maata i Iseraela nei. 10Kua oki maira taua aronga i tonokia ra ki te kainga, rokoia maira, kua ora taua tavini i maki ra.
11E ao akera, aere atura aia ki roto i tetai oire, Ko Naina te ingoa; e te aronga pipi katoa nana e manganui i te aere anga, e te tangata tini e manganui. 12E vaitata atura aia ki te ngutupa o taua oire ra, e i na, te apaiia maira te tangata mate ra ki vao, e tamaiti anau tai na tona metua vaine, e takaua oki aia; e manganui katoa to taua oire ra i reira. 13E kia akara atura te Atu i taua vaine ra, aroa atura iaia, e kua karanga atura, Auraka e aue. 14Kua akavaitata atura aia, rave atura i taua paata tupapaku ra; kua tu ua iora te aronga apai ra; kua karanga atura aia, E teianei tangata ou, #Luka 8:54; Ioa 11:43; Anga 9:40; Roma 4:17ka tu ki runga, te karanga atu nei au kia koe. 15Kua tu maira taua tangata mate ra ki runga, e tuatua maira oki te vaa. Kua tuku atura aia iaia ki tona metua vaine ra. 16#Luka 1:65Rokoia katoatoa iora ratou e te mataku, akakakā atura i te Atua, na ko akera, #Luka 24:19; Ioa 4:19; 6:14; 9:7; 1E peroveta maata tei tupu i roto ia tatou nei; kua #Luka 1:68kite aroa mai te Atua i tona tangata. 17E tutuki atura taua rongo nona ra e pini ua ake Iudea katoa, e te au motia ravarai i reirao.
18 #
Mata 11:2
Kua akakite atura te au pipi a Ioane kiaia i teianei tuatua katoa. 19Kua kapiki aturā Ioane i e toko rua puke pipi ana ra, kua akaunga atura kia Iesu ra, e ui kiaia e, ko koe aina te tae mai? E ko tetai ke aina ta tatou e tapapa atu? 20E tae atura aua nga tangata ra kiaia, kua karanga atura, Na Ioane bapetizo i tono mai ia maua, e ui kia koe e, ko Koe aina te tae mai? E ko tetai ke aina ta tatou e tapapa atu? 21Te akaora rā Iesu i te aronga maki e manganui i to ratou maki maata, e te mamae maata, e te au vaerua kino, i taua ora ra: e te oronga ra aia i te kite no te matapo e manganui. 22#Mata 11:4Kua karanga aturā Iesu kia raua, na ko atura, Ka aere korua e akakite kia Ioane I te au mea ta korua e akarongo nei, e ta korua e kite nei; #Isa 35:5e te kite nei te matapo, te aere nei te pirikoki, kua tamāia te lepera, kua akarongo te turi, kua akatuia tei mate, #Luka 4:18kua tuatuaia atu te evangelia ki te tangata rikiriki. 23E te kore e maitu iaku nei, e ao tona.
24 #
Mata 11:7
E kia riro nga karere a Ioane ra, kua karanga atura aia ki te tangata tini ra ia Ioane, I aere kotou ki te medebara ra, e akara i te aa? I te kakao takirikiriia e te matangi? 25I aere ra kotou e akara i te aa? I te tangata i te kakau anga i te kakau maru? I na oki te aronga e kakau i te kakau meitaki ra, e kai i te kai meitaki ra, tei te are ia o te ui ariki. 26I aere ra kotou e akara i te aa? I te peroveta? Koia ia, e karanga atu au kia kotou, e maata roa aia I te peroveta. 27Koia oki teia nona te tuatua i tataia ra e “#Mata 3:1I na, e akaunga au i taku karere na mua ia koe, nana e akameitaki i toou ara i mua ia koe.” 28Te karanga atu nei oki au kia kotou. Ko ta te vaine i anau nei, kare atu ia e peroveta maata atu ia Ioane bapetizo nei: ko te iti rava ra i te basileia o te Atua ra, e maata atu ia iaia. 29Kua akatika anake te tangata katoa, e te au telona katoa, i akarongo ra i te Atua, #Mata 3:5; Luka 3:12ko ratou i bapetizoia e Ioane. 30Kareka te au Pharisea e te au apii ture, kua kopae ratou i #Anga 20:37te ako a te Atua ia ratou uaorai, ko ratou kare i bapetizoia e ia. 31Kua tuatua iora te Atu, #Mata 11:16E teianei, e akaaite au i teianei uki tangata ki te aa? E tau ratou kiaai? 32E tau ratou ki te tamariki e noo i te ngai okoanga ra, i te kapiki anga ki to ratou uaorai, i te na ko anga e, i akatangi atu na matou i te koê, e kare kotou i ura mai; I tuporo atu ana matou i te peʼe tangi, e kare kotou i aue mai. 33#Mata 3:4; Mare 1:6; Luka 1:15I aere mai nei oki a Ioane bapetizo, ma te kai kore I te manga, e te inu kore I te wina, e te karanga nei kotou e, E demoni tona. 34I aere mai nei te Tamaiti a te tangata ma te kaikai e te inu; e te karanga nei kotou e, I na, e tangata kakai, e te inu wina, e tau no te au telona, e te tangata ara! 35#Mata 11:19E akatikaia ra te pakari e tana katoa ra au tamariki.
36 #
Mata 26:6; Mare 14:3; Ioa 11:2 Kua tuatua maira tetai o te au Pharisea ra kiaia, e kai aia I te kai ki ona. Aere atura aia ki roto I te are o taua Pharisea ra, noo ua atura i te kaingakai ra. 37E I na, tetai vaine ara i taua oire ra, kite akera e, te kaikai rā Iesu i te are o taua Pharisea ra, kua taoi maira i tetai pia alabata manongi ra; 38Tu ua iora i muri mai i tona poo vaevae, ma te aue, e mauu akera tona poo vaevae i te roi-mata, e orei iora i tona rauru, ongiongi akera, e akatainu iora i tona vaevae ki te manongi. 39Kite akera te Pharisea i tuatua kiaia i taua mea ra, kua na ko akera i roto iaia uaorai, #Luka 15:2Naringa teianei tangata e peroveta, e kite ia aia i teianei vaine e rave mai iaia nei, e tona tu: e rave ara oki aia. 40Kua karanga aturā Iesu kiaia, na ko atura. E Simona, e manga tuatua iti taku kia koe na. Kua tuatua maira aia, E tuatua ua mai koe e te Orometua. 41Toko rua a tetai tangata puke #7:41 Tikaanga - kaiʼoukai ou: e rima anere denari i ta tetai tangata, e rima ngauru i ta tetai. 42No te mea ra, kare rava o raua apinga e tutaki naʼi, akakore ua atura aia i to raua katoa ou. E tenana e akakite mai koe, ko teiea tei maata i te anoano iaia i taua nga tangata ra? 43Kua tuatua mairā Simona, na ko maira, Te manako nei au ko tei akakoreia e ia te ou maata ra. Kua karanga atura aia kiaia, E manako tika toou. 44Kua ariu atura aia ki taua vaine ra, kua karanga atura kia Simona, Te akara nei koe i teianei vaine? i tomo mai nei au ki roto i toou nei are, e kare koe i apai mai i te vai ei orei i toku vaevae; kua orei ra aia i toku vaevae ki te roi-mata, e kua tamarō ki tona uaorai rauru. 45Kare koe i ongi mai iaku: kareka teianei vaine, kare rava akenei i tivata i te ongiongi i toku vaevae mei toku tomo anga mairai. 46#Sala 23:5Kare koe i akatainu i toku mimiti ki te akari: kareka aia, kua akamainuinu i toku vaevae ki te manongi oko maata. 47#1 Timo 1:14 E teianei, e akakite atu au kia koe, i tana nei ara maata, kua akakoreia ia; i maataʼi tona anoano. Kareka te tangata e ara iti i akakoreia ra; e iti ia tona anoano. 48Kua tuatua akera aia ki taua vaine ra, #Mata 9:2; Mare 2:5Kua akakoreia taau ara. 49Kua tuatua akera taua aronga i te kaingakai ra i roto ia ratou uaorai, koai teia #Mata 9:3; Mare 2:7e akakore katoa i te ara nei? 50Kua karanga atura aia ki taua vaine ra, #Mata 9:22; Mare 5:34; 10:52; Luka 8:45; 18:42Kua ora koe i toou akarongo: kia ora koe i te aerenga.
انتخاب شده:
Luka 7: CIMB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Holy Bible in Cook Islands Maori, Reprinted from the edition of 1888 © United Bible Societies, 1972.
