Luka 4
4
PENE IV - 4
To Iesu timata angaia: te aerenga ki Nazareta, e tona takinga-kino angaia i reira: te tangata demoni viivii, te metua ongoai vaine o Petero, e tetai aronga, i te akaora angaia.
1KUA oki mairā Iesu mei Ioridana mai, #Mata 4:1; Mare 1:2ma te ki i te Vaerua Tapu, #Luka 2:27; Luka 4:14e aratakiia aia e te Vaerua ki te medebara; 2E a ngauru akera rā i te timata angaia e te diabolo. #Exo 34:28; 1 Ari 19:8Kare rai aia i kai i te manga i taua au rā katoa ra: e ope akera, pongi iora aia. 3E kua tuatua maira te diabolo kiaia, E Tamaiti koe na te Atua ra, ka karanga atu koe ki teianei toka kia riro ei kai. 4Kua karanga aturā Iesu kiaia, na ko atura, #Deu 3:2Kua tataia oki, “Kare o te manga anake ra te mea e oraʼi te tangata nei, ko te au tuatua katoa a te Atua ra.” 5#4:5 Te Mataiti o te Mesia 26Kua arataki atura te diabolo iaia ki runga i tetai maunga teitei, e kua akakite maira kiaia i te au basileia katoa o te ao nei, i te kamoanga mata nei. 6Kua tuatua maira te diabolo kiaia, E oronga atu au i te au, e te inuinu i teianei pa enua, kia koe na; #Ioa 12:31; 14:30; Apo 12:2,7kua tukuia mai oki kiaku, e naku e oronga atu na taku tangata e inangaro. 7E teianei kia tika ia koe i te akamori mai iaku, noou anake ïa. 8Kua karanga aturā Iesu kiaia, na ko atura, E aere ke atu koe, e Satani; #Deu 6:12; 10:20kua tataia oki e, “Ko toou Atua ra ko Iehova taau e akamori, e koia anake rai taau e akarongo.” 9#Mata 4:5E kua arataki atura aia iaia ki Ierusalema, e kua tuku atura iaia ki rungao i te poretiko o te iero, e kua karanga atura kiaia, E Tamaiti koe na te Atua ra, akatopa atu koe ia koe uaorai ki raro i teianei ngai; 10#Sala 9:11Kua oti oki i te tataia e, “Ka ikuiku aia i tana au angela ia koe, ei tiaki ia koe;” 11“Ka mou oki ratou ia koe i to ratou rima, ko te tukia ua atu aea to vaevae ki te toka.” 12Kua karanga aturā Iesu kiaia, na ko atura, #Deu 6:16Kua tuatuaia mai e, “Auraka koe e akakoko atu i toou Atua ra ia Iehova.” 13E ope akera ta te diabolo timata anga, aere ke atura aia, akaruke maira iaia #Ioa 14:30; Ebe 4:15i tetai tuatau iti.
14 #
Mata 4:12; Ioa 4:43 # 4:14 Te Mataiti o te Mesia 30 Kua oki mairā Iesu, #Anga 10:37ki Galilea #Luka 4:1 ma te mana o te Vaerua: tutuki akera tona rongo e kako rava akera taua enua ra. 15Apii atura aia ki roto i to ratou au sunago ma te akakakā katoatoaia. 16#4:16 Te Mataiti o te Mesia 31E tae maira aia ki #Mata 2:23; 13:54; Mare 6:1Nazareta i te ngai i pakari ei aia ra; #Anga 13:14; 17:2kua tomo maira aia ki roto i te sunago i te rā sabati, tana ïa peu tikai, e kua tu akera ki runga e tatau i te tuatua. 17Kua tuku maira ratou i te buka a te peroveta ra a Isaia ki tona rima, e kia eeu akera aia i taua buka ra, kite iora aia i te ngai i tataia ra, 18#Isa 61:1“Tei rungao iaku te Vaerua o te Atu, koia i akatainu mai iaku ei tutu aere i te evangelia i te tangata rikiriki; kua tono mai iaku e akanā i te aronga ngakau aue, ei tutu aere i te ora no te aronga tuikaa, kia akara akaou te matapo, e e tuku oki i te aronga i tapekaia ra, 19Ei tutu aere i te mataiti inangaro a te Atu ra.” 20E kokapi akera aia i taua buka ra, kua tuku atura aia ki te tavini ra, kua noo iora ki raro. E kua akara tamou atura te mata o te tangata ravarai i roto i te sunago iaia. 21Kua akamata atura aia i te tuatua kia ratou, Teianei tuatua i tataia nei, ta kotou i akarongo nei, kua tupu ïa i teianei rā. 22Kua akatika anake atura ratou iaia, #Sala 45:2; Mata 13:54; Mare 6:2; Luka 2:47umere atura i te tuatua meitaki no roto mai i tona vaa. Kua karanga iora ratou, #Ioa 6:42Kare aina teia i te tamaiti na Iosepha ra? 23Kua karanga atura aia kia ratou, E riro kotou i te akaaite mai iaku i te manga tuatua ra e, E te taunga ra, ka akaora ia koe uaorai: ko te angaanga taau i rave #Mata 4:13; 11:28i Kaperenauma ra, ta matou i akarongo akenei, e rave katoa koe i ko nei #Mata 13:54; Mare 6:1i toou nei enua. 24Kua na ko atura aia, Koia tika taku e karanga atu, kia kotou na, #Mata 13:57; Mare 6:4; Ioa 4:44Kare ua te peroveta i kiteia mai i tona uaorai enua tikai. 25E tuatua-mou ra teia taku e karanga atu kia kotou na, #1 Ari 17:1; 18:1; Iako 5:17E manganui te vaine takaua i Iseraela i te tuatau ia Elia, ka momaniaʼi te rangi ra, e toru akera mataiti e ono oki marama, ka pini takakoiaʼi taua enua ra e te onge maata; 26Kare rā Elia i tonokia atu kia ratou ra, mari ra ki tetai vaine takaua i Zarephata i Sidona. 27#2 Ari 5:14E manganui oki te lepera i Iseraela i te tuatau i te peroveta ra ia Elisaia, kare ra tetai o ratou i akaoraia, mari ra ko Naamana no Suria. 28Tei te akarongo anga ratou i taua tuatua nei, riri rava akera to te sunago katoa. 29Kua tu akera ratou ki runga, opara atura iaia ki vao i taua oire ra, arataki atura iaia ki te nia o taua maunga i akatuiaʼi to ratou oire ra, e titiri atu iaia ki raro. 30#Ioa 8:59; 10:39Aere ke atura ra aia, na rotopu ua atura ia ratou te aere.
31 #
Mata 4:13; Mare 1:21 E tae atura aia ki Kaperenauma, ki tetai oire i Galilea, e apii atura ia ratou i te rā sabati. 32Umere maira oki ratou i taua apii anga nana ra: #Mata 7:28,29; Tito 2:15te mana ra oki tana tuatua. 33#Mare 1:23Tei roto i taua sunago ra tetai tangata, e vaerua demoni viivii tona, kua kapiki ua maira aia ma te reo maata, 34Na ko maira, Aue, e Iesu o Nazareta e! eaa taau ia matou nei? I aere mai aina koe e ta ia matou? #Luka 4:41Kua kite au ia koe, #Sala 16:10; Dani 9:4; Luka 1:35ko te Mea Tapu o te Atua ra. 35Kua kauvae aturā Iesu iaia, na ko atura, Ka muteki, ka aere mai ki vao. Kua titiri iora taua demoni ra iaia ki raro i rotopu ia ratou, aere atura ki vao kare aia i paruparu. 36Umere iora ratou ravarai, e kua tuatua iora ratou ratou uaorai, na ko akera, Eaa ra tenana tuatua? te akaue ua nei oki aia i te vaerua viivii nei ma te ririnui e te mana, e te aere nei #4:36 Tikaanga - ratourotou ki vao! 37E tutuki atura tona rongo, e pini rava akera taua enua ra.
38 #
Mata 8:14; Mare 1:20 E riro atura aia ki vao i taua sunago ra, tomo atura aia ki roto i te are o Simona: kua mate te metua ongoai vaine o Simona i te vera maata; kua tuatua meitaki maira ratou kiaia, i taua vaine ra. 39Tu iorā Iesu i rungao iaia, kua kauvae atura i te vera, e peke ke atura: kua tu maira aia ki runga i reira, matuapuru maira ia ratou.
40 #
Mata 8:16; Mare 1:32 E topa atura te rā, e maki tei ko i o ratou ra, kua apai maira kiaia, e manganui te tu; kua akairi atura aia i tona rima ki rungao ia ratou ravarai, akaora atura. 41#Mare 1:34; 3:11E te demoni katoa e manganui aere maira ki vao, ma te kapiki ua, i te na ko anga e, Ko te Mesia koe, te Tamaiti a te Atua. #Mare 1:25,34; Luka 4:34,35Kua kauvae atura aia ia ratou, auraka ratou e tuatua mai; no te mea kua kite ratou e, ko te Mesia aia.
42 #
Mare 1:35
E ao akera, riro ke atura aia ki tetai ngai motutaa: e kua kimi maira taua aronga maata ra iaia, e kitea maira, kua pupuru maira iaia, auraka aia e akaruke ia ratou. 43Kua karanga atura aia kia ratou, E tutu aere rai au i te evangelia o te basileia o te Atua i te au oire ke atu e tikaʼi; i tonokia mai ei oki au. 44#Mare 1:39Kua ako atura oki aia i roto i te au sunago i Galilea.
انتخاب شده:
Luka 4: CIMB
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Holy Bible in Cook Islands Maori, Reprinted from the edition of 1888 © United Bible Societies, 1972.
