Teg Num 7
7
Xatefanaus Has Txug Txheej Thaus
1Tug Povthawj Hlub nug Xatefanaus has tas, “Koj tau has le puab has tag los?” 2Xatefanaus teb has tas, “Mej cov ua kwv ua tij hab ua txiv, mej ca le noog kuv has! Thaus peb yawmkoob Anplahaas tseem nyob tim tebchaws Mexuputamias kws nwg tseem tsi tau tsiv moog nyob peg lub nroog Halaas, Vaajtswv tug tshwjchim kws ci ntsaa ab tau tshwm lug rua nwg pum #Chk 12.1 3hab has rua nwg tas, ‘Koj ca le tso koj tej kwvtij tseg hab tawm huv koj lub tebchaws nuav moog rua ib lub tebchaws kws kuv yuav qha rua koj.’ 4Anplahaas txawm tawm huv tebchaws Khade-as moog rua peg lub nroog Halaas. Thaus Anplahaas txiv tuag lawm, Vaajtswv has kuas Anplahaas tsiv lug nyob huv lub tebchaws kws nwgnuav mej nyob nuav.#Chk 11.31; Chk 12.4 5Thaus ntawd Vaajtswv tseem tsi tau pub ib thaaj aav luaj xibteg rua Anplahaas le, tabsis Vaajtswv coglug tseg has tas Vaajtswv yuav muab lub tebchaws ntawd rua nwg hab nwg cov xeebntxwv ua puab tug moog le. Thaus Vaajtswv coglug rua Anplahaas ntawd, Anplahaas tseem tsi tau muaj mivnyuas.#Chk 12.7; 13.15; 15.18; 17.8 6Vaajtswv has rua Anplahaas has tas, ‘Koj cov xeebntxwv yuav moog nrug lwm tsaav tuabneeg nyob huv luas lub tebchaws, puab yuav moog ua luas qhev hab luas yuav tsimtxom puab plaub puas xyoo.#Chk 15.13-14 7Tabsis kuv yuav rau txim rua cov tuabneeg kws tsimtxom koj cov xeebntxwv, tom qaab ntawd, puab yuav tawm huv lub tebchaws ntawd lug pehawm kuv ntawm nuav.’#Tsd 3.12 8Vaajtswv muab txuj kevcai txav rua Anplahaas ua lub cim qha has tas, Vaajtswv coglug tseg rua Vaajtswv tsaav tuabneeg. Thaus yug Ixaj tau yim nub lawm, Anplahaas txawm muab Ixaj ua kevcai txav tawv. Ixaj muab Yakhauj ua kevcai txav, hab Yakhauj muab nwg kaum ob tug tub kws yog peb tsaav tuabneeg cov yawmkoob kws muaj koob meej nyob nto moo lug ua kevcai txav.#Chk 17.10-14; Chk 21.2-4; Chk 25.26; Chk 29.31–35.18
9“Yakhauj cov tub ntawd muaj lub sab khib rua puab tug kwv Yauxej, puab txhaj muab Yauxej muag moog ua qhev rua nraag tebchaws Iziv. Tabsis Vaajtswv nrug nraim Yauxej #Chk 37.11; Chk 37.28; Chk 39.2,21 10hab Vaajtswv paab Yauxej dlim Yauxej tej kev txomnyem. Thaus Yauxej moog cuag Falaus kws yog cov Iziv tug vaajntxwv, Vaajtswv pub tswvyim rua Yauxej ua tau hum Falaus sab, Falaus txhaj tsaa Yauxej ua tug saib Falaus lub tebchaws hab saib txhua yaam huv Falaus lub loog.#Chk 41.39-41 11Tom qaab ntawd txawm muaj kev tshaib plaab thoob plawg tebchaws Iziv hab tebchaws Kana-aas, suavdlawg txomnyem kawg le. Peb cov yawmkoob nrhav tsi tau noj,#Chk 42.1-2 12Yakhauj nov has tas, nyob nraag tebchaws Iziv muaj mov, ces nwg txawm khaiv peb cov yawmkoob moog nraag tebchaws Iziv, zag ntawd yog thawj zag kws puab moog nraag. 13Thaus puab rov moog zag ob, Yauxej txhaj qha rua nwg cov tijlaug paub has tas, nwg yog puab tug kwv, hab qha nwg tsev tuabneeg rua Falaus paub.#Chk 45.1; Chk 45.16 14Yauxej khaiv tuabneeg moog tog Yakhauj kws yog nwg txiv, hab kuas Yakhauj coj taagnrho nwg tsev tuabneeg kws muaj xyaa caum tsib leeg lug nyob huv tebchaws Iziv.#Chk 45.9-10,17-18; Chk 46.27 (LXX) 15Yakhauj txawm moog nyob nraag tebchaws Iziv. Yakhauj hab nwg cov tub puavleej tuag taag rua nraag.#Chk 46.1-7; Chk 49.33 16Puab cov tubki txawm kwv puab rov lug log rua ntawm lub toj ntxaas kws nyob ntawm Sekhees. Lub toj ntxaas ntawd yog lub kws thaus u Anplahaas muab nyaj yuav ntawm cov tuabneeg Hamaus lug.#Chk 23.3-16; 33.19; 50.7-13; Yas 24.32
17“Thaus yuav txug lub sijhawm kws Vaajtswv ua lawv le Vaajtswv tau coglug tseg rua Anplahaas lawm, thaus ntawd peb tsaav tuabneeg kws nyob huv tebchaws Iziv fuamvaam coob heev.#Tsd 1.7-8 18Thaus kawg muaj dlua ib tug vaajntxwv lug kaav tebchaws Iziv. Tug vaajntxwv ntawd tsi paub Yauxej. 19Tug vaajntxwv ntawd ua phem rua peb tsaav tuabneeg, tsimtxom peb cov yawmkoob tsi pub puab tu puab tej mivnyuas, hab yuam kuas puab muab puab tej mivnyuas mog povtseg kuas tuag taag.#Tsd 1.10-11; Tsd 1.22 20Thaus ntawd yog lub sijhawm yug Mauxes, Mauxes yog ib tug mivtub zoo nraug heev. Nwg nam nwg txiv tu nwg huv tsev tau peb lub hlis, #Tsd 2.2 21hab thaus obtug coj Mauxes moog tso rua nraag ntug dlej, Falaus tug ntxhais txawm coj moog tu hab saws ua nwg tub.#Tsd 2.3-10 22Mauxes kawm paub cov tuabneeg Iziv tej kev txawj kev ntse huv tuabsi. Mauxes yog ib tug txawj ntse heev, nwg ua yaam twg los ua tau.
23“Thaus Mauxes noobnyoog muaj plaub caug xyoo, nwg moog ncig saib nwg cov kwvtij Yixalayees.#Tsd 2.11-15 24Nwg pum ib tug tuabneeg Iziv tsimtxom ib tug tuabneeg Yixalayees, nwg txawm moog muab tug tuabneeg Iziv tua povtseg, nwg ua le ntawd pauj qhov kws tug tuabneeg Iziv tsimtxom tug Yixalayees. 25(Mauxes ua le ntawd nwg xaav has tas, nyaj nwg tsaav tuabneeg yuav paub has tas, Vaajtswv xaiv nwg lug paab puab kuas puab dlim, tabsis puab tsi paub.) 26Nub tom qaab nwg pum ob tug tuabneeg Yixalayees taabtom sis ntaus, nwg txawm cheem obtug has tas, ‘Meb tub yog kwvtij; ua le caag meb tseem yuav sis ntaus ua dlaabtsi?’ 27Tabsis tug kws ua txhum txawm muab Mauxes thawb ntag rua ib caag, hab nwg has rua Mauxes has tas, ‘Leejtwg tsaa koj ua tug saib hab txav txim rua peb? 28Koj yuav muab kuv tua ib yaam le naag mo koj tua tug tuabneeg Iziv hab los?’ 29Thaus Mauxes nov le ntawd, nwg txawm tsiv tawm huv tebchaws Iziv moog nyob tim tebchaws Midias. Nwg nyob huv lub tebchaws ntawd, nwg tau ob tug tub.#Tsd 18.3-4
30“Tom qaab plaub caug xyoo lawm, muaj ib tug timtswv ceebtsheej lug tshwm rua nwg huv cov nplaim tawg ntawm ib tsob ntoo rua Mauxes pum tom taj suabpuam kws ze lub Roob Xinais.#Tsd 3.1-10 31Thaus Mauxes pum le ntawd, Mauxes xaav tsi thoob le, nwg yuav txaav moog saib ze ze, tabsis nwg nov tug Tswv lub suab has rua nwg has tas, 32‘Kuv yog koj cov yawmkoob tug Vaajtswv, kuv yog Anplahaas, Ixaj hab Yakhauj tug Vaajtswv.’ Mauxes nov le ntawd, Mauxes ntshai ua ib ce tshee nyo hab tsaa tsi taug qhovmuag saib le. 33Tabsis tug Tswv has rua Mauxes has tas, ‘Koj ca le hle koj nkawm khau, rua qhov qhov chaw kws koj sawv ntawm ko yog qhov chaw dlawbhuv. 34Kuv tub pum kuv tsaav tuabneeg raug kev tsimtxom nraag tebchaws Iziv, hab kuv tub nov puab lub suab quaj lawm, kuv txhaj lug paab kuas puab dlim tej kev tsimtxom ntawd. Koj ca le lug, kuv yuav khaiv koj moog nraag tebchaws Iziv.’
35“Tug Mauxes nuav tub yog tug kws cov Yixalayees tsi leeg yuav, hab puab has rua nwg tas, ‘Leejtwg tsaa koj ua tug saib hab txav txim rua peb?’ Vaajtswv kuas tug timtswv ceebtsheej lug tshwm huv tsob ntoo kws muaj nplaim tawg rua Mauxes pum, ua tug paab Mauxes, tug kws Vaajtswv khaiv moog ua tug saib hab paab puab kuas dlim.#Tsd 2.14 36Thaus Mauxes coj cov Yixalayees tawm huv tebchaws Iziv, nwg ua tej txujci tseemceeb kws xaav tsi thoob huv tebchaws Iziv, ntawm ntug dlej Havtxwv Lab hab plaub caug xyoo kws puab nyob tom taj suabpuam.#Tsd 7.3; Tsd 14.21; Tnp 14.33 37Mauxes yog tug kws has rua cov Yixalayees has tas, ‘Vaajtswv yuav khaiv ib tug huv mej cov ua tug kws cev Vaajtswv lug rua mej, ib yaam le nwg tau tsaa kuv#7.37 ib yaam le nwg tau tsaa kuv; lossis zoo le kuv. lawm.’ #2 Kev 18.15,18 38Mauxes yog tug kws nrug cov Yixalayees nyob tom taj suabpuam; Mauxes nrug peb cov yawmkoob ua ke, hab nrug tug timtswv ceebtsheej kws lug has rua Mauxes sau Roob Xinais nyob. Hab Mauxes yog tug kws cev Vaajtswv lug rua peb.#Tsd 19.1–20.17; 2 Kev 5.1-33
39“Tabsis peb cov yawmkoob tsi noog nwg lug; puab muab nwg thawb ntag rua ib caag, hab puab xaav rov qaab moog nyob nraag tebchaws Iziv. 40Puab txhaj has rua Aloos has tas, ‘Koj ca le nchuav ib cov mlom coj peb kev moog. Peb tsi paub has tas sov muaj xwm dlaabtsi rua Mauxes tug kws coj peb kev tawm huv tebchaws Iziv lug lawm.’ #Tsd 32.1 41Ces thaus ntawd puab txawm nchuav tau ib tug mlom zoo le ib tug nyuj, puab muab tsaj tua hlawv fij rua tug mlom ntawd, hab puab ua rooj noj rooj haus hawm tug mlom kws puab txhais teg puab.#Tsd 32.2-6 42#Ama 5.25-27 (LXX) Vim le ntawd, Vaajtswv txhaj tso puab tseg hab ca puab pe tej nubqub kws nyob sau nruab ntug, lawv le cov kws cev Vaajtswv lug sau tseg has tas:
‘Cov Yixalayees! Plaub caug xyoo
kws mej nyob
tom taj suabpuam, tej tsaj kws mej
muab tua fij ntawd,
tsi yog mej tua fij rua kuv.
43Mej kwv tug vaajtswv Maulej
lub tsevntaub,
hab coj tug mlom nubqub Lefas
kws yog mej tug vaajtswv;
tej ntawd yog tej kws mej txhais
teg puab rua mej pe.
Vim mej ua le ntawd, kuv yuav
ntab kuas mej tsiv
dlhau lub nroog Npanpiloos
moog.’
44“Thaus peb cov yawmkoob tseem nyob tom taj suabpuam, puab muaj lub Tsevntaub kws nrug Vaajtswv sis coglug. Lub Tsevntaub ntawd puab ua lawv le Vaajtswv has lossis ua lawv le tug qauv kws Vaajtswv muab qha rua Mauxes.#Tsd 25.9,40 45Tom qaab ntawd, peb cov yawmkoob kwv lub Tsevntaub kws peb cov yawmsuab muab rua puab nrug Yausuas moog txeeb tau lwm tsaav tuabneeg lub tebchaws. Puab moog txeeb tau, tub yog Vaajtswv ntab cov tuabneeg ntawd tawm, ca peb cov yawmkoob lug nyob. Lub Tsevntaub nyob huv lub tebchaws ntawd lug txug Daviv tam.#Yas 3.14-17 46Daviv ua hum Vaajtswv sab, Daviv txhaj thov Vaajtswv kuas ca Daviv ua ib lub Tuamtsev rua Yakhauj tug Vaajtswv#7.46 Yakhauj tug Vaajtswv; tej phoo qub has tas, cov tuabneeg Yixalayees. nyob.#2 Xam 7.1-16; 1 Xvn 17.1-14 47Tabsis thaus kawg Xalumoos yog tug kws ua lub Tuamtsev ntawd.#1 Vnt 6.1-38; 2 Xvn 3.1-17
48“Tabsis Vaajtswv tug kws muaj Fwjchim Luj kawg nkaus tsi nyob huv lub tsev kws tuabneeg txhais teg ua; lawv le tug cev Vaajtswv lug has tas,
49‘Tug Tswv has tas, ntuj ceebtsheej
yog kuv lub zwmtxwv;
hab nplajteb yog kuv lub chaw
tag taw.
Mej yuav ua lub tsev luaj
le caag rua kuv nyob?
hab yuav ua kuv lub chaw su
rua qhov twg? #Yay 66.1-2
50Tsi yog kuv txhais teg tsim
ib puas tsaav yaam
huv tuabsi los?’ ”
51Xatefanaus has ntxiv tas, “Cov tuabneeg tawv ncauj, ua le caag mej tsi nov Vaajtswv txujlug le! Mej naj zag tawmtsaam Vaaj Ntsujplig tug Dlawbhuv ib yaam le mej cov yawmkoob! #Yay 63.10 52Tsi muaj ib tug cev Vaajtswv lug kws mej cov yawmkoob tsi tau tsimtxom le. Puab tua cov cev Vaajtswv lug kws xub qha ua ntej lawm has tas, Vaajtswv tug Tubkhai kws ncaaj nceeg yuav lug. Nwg yog tug kws mej muab rua cov numtswv hab puab muab nwg tua povtseg ntaag. 53Txawm yog Vaajtswv tug timtswv muab Vaajtswv txuj kevcai rua mej los mej tsi ua lawv le tej kevcai ntawd!”
Muab Pobzeb Ntaus Xatefanaus
54Thaus cov Yudais tej numtswv nov Xatefanaus has le ntawd, puab npautawg hab chim heev, puab zawm nav quas zog rua Xatefanaus. 55Tabsis Xatefanaus puv npo Vaaj Ntsujplig tug Dlawbhuv, nwg tsaa qhovmuag saib sau ntuj, nwg pum Vaajtswv tug tshwjchim kws ci ntsaa ab hab pum Yexus sawv ntawm Vaajtswv saab xis. 56Xatefanaus has rua puab has tas, “Mej saib! Kuv pum ntuj ceebtsheej qheb hab pum Tuabneeg Leej Tub sawv ntawm Vaajtswv saab xis!”
57Thaus puab nov Xatefanaus has le ntawd, puab txawm qw nrov nrov hab muab teg pus qhovntsej hab dlha moog rua ntawm Xatefanaus, 58puab muab Xatefanaus thawb ntag rua saab nrau ntug nroog hab muab pobzeb ntaus nwg. Cov timkhawv kws nkaug Xatefanaus txawm hle puab tej tsho tso rua ntawm ib tug hluas kws hu ua Xaulus kutaw. 59Thaus puab taabtom muab pobzeb ntaus Xatefanaus. Xatefanaus thov Vaajtswv has tas, “Tswv Yexus, thov koj coj kuv tug ntsujplig moog nrug koj nyob!” 60Xatefanaus txhus caug ndlua hab has nrov nrov has tas, “Tug Tswv! Thov koj zaam txim rua puab.” Thaus nwg has le ntawd taag, ces nwg txawm tu sav nrho lawm.
انتخاب شده:
Teg Num 7: HNJ2000
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2000 United Bible Societies. All rights reserved.
