MATTHEW 27
27
Pilate Hnenga Jesu Antaṭhōi
(Mk 15.1; Lk 23.1–2; Jn 18.28–32)
1Jîngkâr hmatak thempu kalen rakip leh upahei seng in Jesu thatna sik lungthim antlo jo. 2Anmani’n ama thirhrui vâng ankhit a ankeia Roman ram vaikarôn, Pilate kut a anvapek jo.
Judas Thina
(Ṭōn 1.18–19)
3 #
Ṭōn 1.18,19 Akapek sōt Judas khan, Jesu masetna antapek kha ahong manhret jo pha insir joa dangka 30 kha thempu kalenhei leh Sehmang-pachonghei hneng avapek male jo hei. 4“Ṭhena kaneimak inkhat thatna sik a mikut a kapek sōt hi ke’n kaṭhe jo!” ati.
Anmani’n anmasôn, “Khavakha keini’n heimo kantamanlo sik? Khavakha nabing ṭōn jo kae!”
5Judas in sêr kha bek-inn shunga khan avahlon mathlâk a adahlon jo; kasesōt a abinga va-inkhei hlon jo.
6Thempu Kalenhei khan sêr kha anloa, “Hivahi thisen sêr achang jâra bek-inn sêr manbukna shunga dasa sik hi Dân changmak,” anti. 7Anmani inbe heia khava sêr kha, khōhme kalôn hei inhrena thlân hmun sik a, Be-kakhengpa Hlei kha anrachôkna jo. 8Khava jâra khava hlei kha tuning katlung hin “Thisen Hlei” intia kae.
9 #
Zec 11.12,13 Khana khan sânkathem Jeremiah taleihri kha hui leikatlung jo: “Israel mihe’n ama pek sik a inhnōmna dangka 30 kha anmani’n anleilo, 10khana Rōngpu’n ṭong apek eng kapōa khava sêr vâng khan be-kakhengpa hlei rachôkna anhmang jo,” ati.
Pilate in Jesu ṭong ader
(Mk 15.2–5; Lk 23.3–5; Jn 18.33–38)
11Roman ram vaikarôn hma a Jesu kha kangira ṭong aleider, “Nang Jehudihei reng che mo?”
Jesu’n amasôn, “Khanga nang in nati jo.” 12Tâk thempu kalenhei leh Sehmang-Pachong he’n ama anmasetna chunga ama’n heite masôn mak hei.
13Khava jâra Pilate in ahnenga ati, “Nachunga masetna antanei rakip hei hi theimak che mo?”
14Tâk Jesu’n inkhatbek masôn sik leihnōm mak; khava jâra ram vaikarôn khan adet-hla hêr joa kae.
Jesu Thina sik Ṭong tanna
(Mk 15.6–15; Lk 23.13–25; Jn 18.39—19.16)
15Rakan Kût pha rakip a Roman ram vaikarôn khan mipui tamadu mi inkhat kurkhum a inphut masōpek sik kha angai leikae. 16Khava lai khan rahming inthang Jesu Barabbas inti kha kurkhum a le’nkhuma kae. 17Khava jâra mipui anhong intûp jo pha, Pilate in anhnenga, “Tu mo kamasōpek sik cheia nanta madu, Jesu Barabbas mo, a-emak leh Jesu Messiah inti kha mo?” ati. 18Jehudi hlamkakei he’n ahnenga Jesu anta heipek sōt hi achunga anthang set jâra kae ti hi amanhret joa kae.
19Pilate kha ṭong tanna den shunga a’n-onglai, anuhmei in, “Tuning karahmanga ama jâra khōdeng theina hingja kaleinei, khava jâra ṭhena kaneimak mi kha heite manlomak roh,” tia ṭong ahei manrôna kae.
20Thempu kalenhei leh Sehmang-pachonghei khan Pilate hneng Barabbas kha masōna sik khana Jesu kha thatna sik akader sik a mipuihei kha anmathok jo hei. 21Tâk Pilate in mipuihei kha ader hei, “Hihei 2 kâra tu kha mo nangni sik a kamasōpek sik chei?”
“Barabbas!” tia anmasôn.
22Pilate in anhnenga ader hei, “Khan chu, Messiah inti Jesu hi heimo kamanlo sik?”
Ankhengpet a anmasôn, “Thingrakea makhei roh!”
23Tâk Pilate in ader hei, “Ama’n akadik mak heimo atlo jo?”
Khan chu anmani’n kare inhnaktak a ông anphut a, “Thingrakea that roh!” anti.
24 #
Dân 21.6-9
Pilate in aṭong der hei kha ahnemna om mak jo, mipui inchok inhângna kasōkbei sik jo ti kha ahmu pha, tui ajing aloa mipui hmaikunga akut asôp a, “Hiva mipa thina chunga kei chu mô rônmak ning! Hivahi nanbinga nantatlo kae!” ati hei.
25Mipuihei khan anmasôn, “Athina mô hi keini chunga leh kansahei chunga tlung rasoh!”
26Khava pha Pilate in Barabbas amasō pek jo hei; khana Jesu khachu amanjem hei sōa thingrakea makhei hlon sik a apek sōt jo hei.
Sepei he’n Jesu Antamanuisō
(Mk 15.16–20; Jn 19.2–3)
27Pilate remi he’n Jesu kha ram vaikarônpa innpuiting anṭhōi manhlut a akahong seng kha intûp jo hei. 28Apōnsi kha anhlikpek a pōn sendup anmansi jo. 29Khana rahling lukhu ansyempek a anmankhua, khōnghre achangting anmanchoia, khana ahmai kunga inkun heia anmanuisō. “Jehudihei Rengpa nahringsei sôt rasoh!” anti. 30Khana anmani’n anmachi thlōn khana sung anloa alua anleivōk pek. 31Khanga manuisōna kha a’nchaia, apōn anhlikpek a, ama pōn kha anmansi male jo. Khana thingrakea that sik a anṭhōisōt jo.
Jesu Thingrakea Antamakhei hlon
(Mk 15.21–32; Lk 23.26–43; Jn 19.17–27)
32Anmani khanga anhei sōksōt lai Cyrenea pase inkhat arahming Simon inti anhmua, sepei he’n Jesu thingrake kha rumhrat a anmandoma kae. 33Anmani Golgotha inti hmun ti chu “Lurōk Hmun” a kahong jo hei. 34#Hl 69.21Khana khan anmani’n ju leh akakha anmanchôma Jesu anleipek, tâk ama’n amantem pha lei-in mak jo.
35 #
Hl 22.18
Thingrake chunga anmakheia, anmani’n apōn kha vâng-enna insem hei. 36Khava sōa anmani khana khan in-ong heia anlei ena kae. 37Alu chungdet a, “Ama hi Jehudihei Reng, Jesu,” tia amasetna malârna anmazet a antâra kae. 38Khava sōa inru 2, inkhat achangting, inkhat aveiting Jesu leh thingrakea anlei makheisa hei.
39 #
Hl 22.7; 109.25 Khava hnenga akapetan he’n anlu ankachuk a Jesu inzakna anleipek a kae: 40#Mt 26.61; Jn 2.19“Nang chu Bek-inn naṭhet a ni 3 shunga nasaksōt sik kae! Pathen Sapa nachang inchu nabinga inhuksōt roh! Thingrakea inphut jōng ṭum roh,” antia kae.
41Khava kapōtak a thempu kalenhei leh Dân ojahei leh upa he’num anmanuisōa anhri: 42“Ama’n milak chu ahuksōt, abinga chu inhuksōt tor mak! Ama hi Israelhei rengpa changmak mo? Thingrakea inphut ajōng ṭum inchu, khanba eini’n nitaksen sik! 43Ama’n Pathen ataksen khana Pathen sapa eng kae atia kae. Kaṭha jo, en jo rih, Pathen in ahuk hnōm sik mo!”
44Ama leh antamakhei sap inruhei kapha’num khang’khan inzak anleipek a kae.
Jesu Athi
(Mk 15.33–41; Lk 23.44–49; Jn 19.28–30)
45Sûnṭimtak a inphut ram pumpui chunga pung 3 Kahlut a khō inthim jo. 46#Hl 22.1Khōhlei pung 3 radona rasa inhnaktak a Jesu ka-ônga, “Eli, Eli, lema sabakhthani?” ati; khava tina chu “Ka-Pathen, ka-Pathen, heisa mo nadahlon eng?”
47Khava hmun a akangir ṭhahrep he’n kha anthei pha, “Ama’n Elijah abek jo!” anti. 48#Hl 69.21Ankâra inkhat khava phatak a katlâna tuipompōn inkhat aloa ju kasep a amachea khōnghre inkhat a akathia man-inna sik a aleipek.
49Alakseng in, “Hngâk hi rih, Elijah akajōnga ahuksōt sik mo enrih!” anti.
50Jesu rasa inhnaktak a ka-ông nôk a achaina kaphuk amasō jo.
51 #
Sōk 26.31-33
Khava sōa Bek-inna pinden pōn kha achunga inphut thōi katlung bit a her hnia inhler jo. Lingnu innok a, hlungpuihei kakik-khōi, 52thlânhei inhlanga Pathen mi aleikathi hei katamtak kathōisōt heia kae. 53Thlânhei kha andahlon jo hei, khana Jesu’n thia inphut athōisōtsō pha, anmani Khōpui Inthenga kahlut hei, khana khan mi katamtak in anhmu heia kae.
54Rehlam kakeipa leh a-ompui sepei, Jesu kahngâk-hei khan lingnu innok leh omchen kasōk rakip kha anhmu pha kaṭihêr jo heia, “Kadiktak a hiva mipa hi Pathen Sapa kae!” anti.
55 #
Lk 8.2,3 Khana khan nupui katamtak leika-om hei, Galileea inphut ama aheikajui leh a’nthōpuihei, kahlajap a inphut anlei ena kae. 56Anmani kâra khan Mary Magdalene, James leh Joseph nu Mary, khana Zebedi nuhmei le’nvei hei.
Jesu Thlâna Antahre
(Mk 15.42–47; Lk 23.50–56; Jn 19.38–42)
57Khōhlei pha, Arimathea khōa mikahao inkhat heikatlung; arahming Joseph inti, Ama’m Jesu sonle inkhat kae. 58Ama’n Pilate hneng kasea Jesu kalōng kha avader. Pilate in Jesu kalōng kha Joseph hneng pek sōtna sik ṭong amasō jo. 59Joseph in akalōng kha aloa hruipōn innem neng inkhat vâng akatōm, 60ama’n hlung kâra ama sik a a’nkhōrbi thlân shunga ahre jo. Khana thlânkot a khan hlungpheng kalentak inkhat anmakhusia kase jo hei. 61Thlân hmai kahnget a, Mary Magdalene leh alak Mary khana khan le’n ong hei.
Thlân Antahngâk
62Abân kania, Châmhngat kani ning, thempu kalenhei leh Pharisee he’n Pilate anlei inhmupuia, 63#Mt 16.21; 17.23; 20.19; Mk 8.31; 9.31; 10.33,34; Lk 9.22; 18.31-33“Apu, mimalei kaseipa khan ahring lai hinga, ‘Ni 3 sōa akathōisōt sik eng kae,’ aleiti kha keini’n kanmandonsōt. 64Khava jâra ni 3 tlukmak kârseng thlân kha kaṭha anhngâkna sik ṭong pe hei roh, achangmak inchu asonle he’n kase sik heia kha akalōng kha anmarûk sik, khana mi hnenga ama thina inphut kathōi jo anti sik a kae. Hiva a’nchaina maleisei hin hma-inkei kanek a akaṭhamak chet sik kae,” anti.
65Pilate in anhnenga, “Nangni’n akahngâk sik mi inṭhōi ruh, se ruh thlân kha nantorchena hrungna sik tlo ruh,” ati hei.
66Khan chu anmani kase heia hlung antakamna chunga achîkna ankatat a thlân kha antôn makna sik ansyem jo khana akahngâk he’n anhrungna sik a andahlon jo hei.
انتخاب شده:
MATTHEW 27: KOMRBSI
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
