Mataio O le ‘Upu Tomua
O le ‘Upu Tomua
O ai Mataio? O Mataio (gagana Eleni, Matthaios, gagana Eperu, Mattanyah) o se tasi o so‘o o Iesu na vala‘auina ‘ina ‘ia mulimuli atu ‘iā te ia. O ia o se tagata ao lafoga sa galue ma faigaluega i lalo o le mālō o Roma (Mata 9.9; 10.3). Sa tele ‘ina itagia lenei tagata e tagata lava o lona atunu‘u Iutaia ‘ona o lana galue tautua i le mālō o Roma. O le tagata fo‘i lenei e ‘auai i le li‘o o le ‘au ‘aposetolo a Iesu auā o lo‘o ta‘ua lona igoa i le lisi o igoa o le ‘au ‘aposetolo (Mata 10.3; Mare 3.18; Luka 6.15; Galu 1.13). O le isi igoa ‘ua lauiloa ai lenei tagata o Levi (Mare 2.13-17; Luka 5.27-32).
O le Tala Lelei a Mataio e fa‘atāuaina ai, o Iesu o le A‘oa‘o sili, e ‘iā te ia le pule aoao na te fa‘aliliuina ai le Tulafono a le Atua ma ia a‘oa‘o atu le mālō o le Atua. O nisi o a‘oa‘oga tāua a Iesu e i ai: (1) O le Lauga i luga o le Mauga (Matā‘upu 5-7); (2) O a‘oa‘oga ma fa‘atonuga o le ‘auina atu o so‘o e to‘asefulu ma le lua (Matā‘upu 10); (3) O Fa‘ata‘oto e fa‘atatau i le mālō o le lagi (Matā‘upu 13); (4) O A‘oa‘oga e uiga mo le ‘avea ma so‘o (Matā‘upu 18) ma le; (5) O A‘oa‘oga e fa‘atatau i le fa‘ai‘uga o le lalolagi ma le o‘o mai o le Mālō o le lagi (Matā‘upu 24-25). O nisi fo‘i o matā‘upu tāua: O Iesu o le Mesia moni sa folafolaina, lea ‘ua tupu tagata. Ma o ia o le tagata moni ma le Atua moni. E tele ni galuega ofoofogia po o vāvega na faia e Iesu o ni molimau o ia lava o le Atua, e pei o le tulia o temoni, fafaga tagata e to‘atele, fa‘amālōlōina tagata mama‘i, fa‘atūa‘e ē na oti, ‘ae maise lona toetū mai le oti ma lona toe afio atu i le lagi.
O le tāofi o le ‘au popoto i le ‘upu a le Atua o le Tusi lenei sa tusia i le vā o le 70-80 vaitausaga o le Ali‘i.
O le Fa‘asologa o Matā‘upu
O le gafa ma le fānau mai o Iesu 1.1-2.23
O galuega a Ioane Papatiso 3.1-12
O le papatisoga ma le fa‘aosoosoga o Iesu 3.13-4.11
O galuega tala‘i a Iesu i Kalilaia 4.12-18.35
Mai Kalilaia i Ierusalema 19.1-20.34
O puapuagā i Ierusalema 21.1-27.66
O le toetū a‘e o Iesu 28.1-20
اکنون انتخاب شده:
Mataio O le ‘Upu Tomua: SCNT
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Samoan Contemporary New Testament © Bible Society of the South Pacific, 2009.