Genesis 12
12
Godungku Abram kunjan.
12.1-9
1-3Jana bubungu Haran bundandan, Godungku Abramanda yalaman, “Yundu yunu bubu and jawun-karra bawa, yinduymbu bubungu dungay ngayu yunundu milbil. Yunu jawun-karra wubulmal. Yundu maja jirraymal. Ngayu bama wubulku wawurr-wawurr-bungal yununku, bamanka yunundumun kaday. Kaki bama yununku ngulkurrmal, ngayu jananka ngulkurrmal. Kaki jana yununku buyunmal, ngayu jananka buyunmal.”
4-9Wawu yinyamun Abram dungan townmun Haranmun yala Godungku nyungundu balkan. Nyulu bubungu Canaan dunganka. Nyulu bulanin wundin, manyarr Sara, mukay Lot. Yalarrku workingman wubulku, yamba-yamba jirray nyulu wundin. Juma jana bubungu Canaan kadan. Jana bububurr Canaandarr dungan, jukungu kadan, burri Moreh. Yinyaymba jana bundandan, God nguwimal milbijin Abramanda. Nyulu yalaman, “Abram, bama yunundumun wubulmal. Ngayu jananga yanyu bubu Canaan dajil.” Abramangka yinya kuku nyajin, nyulu kulji muru-ban, minya wuyar yijarrin, wayjun, Godundu dajinka, buyay-maninka. Yinyamun nyulu naka dungan dindarranga townbu Bethel and townbu Ai. Yinyaymba nyulu wuburrbu bundan, God buyay-manin.
انتخاب شده:
Genesis 12: gvnNTOTPO
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 1985, Wycliffe Bible Translators, Inc. All rights reserved.