Daa 6
6
Gbɛ̃nazĩnaɔ ɔ̃ɔkpaa
1Kɛ́ gbɛ̃nazĩnaɔ nà dasikũawa mɛ́ aalɛ ligua, aalɛ nɛnɔɛnaɔ i'i, 2ɔ̃ Lua nɛɔ#6.2 Sɛti buiɔ (Daa 4.26) ge malaikaɔ (Yob 1.6) è gbɛ̃nazĩn nɛnɔɛpiɔ kɛfɛũ, ɔ̃ aa ń sɛ́ ń pɔeãwa. 3Ɔ̃ Dii mɛ̀: Ma Nisĩna aɔ ku gbɛ̃nazĩnaɔ guu gɔɔpiio, asa aa sã̀sã ń dàa yãiɛ. Wɛ̃̀ basoolo mɛ́ gɔ̃̀nɛ́. 4Gbɛ̃́ gbã̀aɔ ku dũniau gɔɔ bee ń gɔɔ bee gbɛao lɔ, gɔɔ pɔ Lua nɛpiɔ gbɛ̃nazĩn nɛnɔɛɔ dɔ̃̀ nɔɛɔ ũ, mɛ́ aa nɛɔ ìńnɔ. An nɛpiɔ mɛ́ nɛgɔ̃na pɔ aa tɔbɔ̀ za káauɔ ũ.
5Kɛ́ Dii è gbɛ̃nazĩnaɔ yãvãikɛ̀ zɔ̃ɔ dũniau, gɔɔpii yãbɛ̃ɛ laasoo ɔ̃ aaìɔ kɛ ado,#Mat 24.37-39; 1 Piɛ 3.20 6ɔ̃ aà pɔ yà gbɛ̃nazĩna pɔ a kɛ̀ tɔɔlɛɔ yãmusu. Aà nɔ̀sɛ ɔ̃ɔkpà, 7ɔ̃ à mɛ̀: Má gbɛ̃nazĩna pɔ má kɛ̀ waa tɔɔlɛwaɛ, gbɛ̃nazĩnaɔ ń nɔbɔɔ ń pɔtaa'onkuawaɔ ń bãɔ, asa ma pɔ yà an kɛa yãmusuɛ. 8Ɔ̃ Dii Nɔee wɛgwà.
Nɔee yã
9Nɔee buiɔ yãn kɛ: Nɔeeá gbɛ̃maaɛ. Aà gɔɔ aapi mɛ́ tàae vĩo, a tɛ Luazi. 10Nɔee nɛgɔ̃ɛɔ ì gbɛ̃ɔn aaɔ̃, Sɛũ ń Haũo ń Yafɛtio. 11Gbɛ̃pii ɔ̃ɔkpaa Luaɛ, vãikɛa ń gbãao dũnia pà. 12Kɛ́ Lua dũnia gwà, a è a ɔ̃ɔkpà, asa gbɛ̃pii zɛ́ vãi sɛ̀ɛ.
13Ɔ̃ Lua ò Nɔeeɛ: Má è gbɛ̃pii kà kaalɛa, asa an yãi ɔ̃ vãikɛa ń gbãao lì dũniaa. Má ń kaalɛ sãnu ń dũniaoɛ. 14Go'ilɛna kɛ ń lipɛpɛɛo, ní kɛ ń a kpɛaɔ, ní kɔtaa lɛwà a guu ń a kpɛo. 15Lá ńyɔ̃ gópi kɛn kɛ: A gbã̀a àɔ gãsĩsuu ɔaa do ń basɔooɛ, a yaasa gãsĩsuu blakwi, a lɛsĩ sɔ̃ gãsĩsuu baakwi. 16Pɔ ku gópia, ní gupua to a zãnguo ń gópio gãsĩsuu do. Ní a lɛ́ bɔ a gbãtɛ̃ɛu, ní gópi kpaalɛ lɛɛ aaɔ̃ didiakɔ̃a.
17Mapi sɔ̃ má tó í da dũniaa, kɛ́ mà pɔ pɔ ĩan wɛ̃nide ku ń guuɔ kaalɛ piiɛ. Pɔ pɔ ku dũniauɔ gaga pii. 18Ń beeo ma bàa aɔ kunnɔ, ní gɛ̃ gópiu ń n nɛgɔ̃ɛɔ ń n nao ń n nɛɔ naɔ. 19Ní pɔ wɛ̃nide pii sɛ́ ǹ gɛ̃ńnɔ mɛn plapla, kɛ́ aa e aaɔ ku. 20Bã buiɔ ń nɔbɔ buiɔ ń pɔtaa'onkuawa buiɔ pii aa mɔ n kĩi mɛn plapla kɛ́ aa e aaɔ ku. 21Blɛ pɔ wì ble pii sɛlɛ ǹ kãaa apiɔ ń pɔpiɔ á kũsũa ũ. 22Ɔ̃ Nɔee kɛ̀ màa, à yã pɔ Lua òɛ kɛ̀ pii.#Hɛb 11.7
اکنون انتخاب شده:
Daa 6: Boo2024
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Boko Bible © SIM International, 2024.