METIU 4
4
Jisumc Ka:bomc:bo Moka:nam
(Mark 1.12-13; Lu:k 4.1-13)
1Odo Jisumc Yalokokki yumra:pc gvbokang uidokki ka:bomc:bomokangkvpc cmna. 2Odokkc Bv yi:pi: longckolang yumcko doma:tv:ma:pc du:to, odokkc lcdupc Bv kcnongkangku. 3Odokkc ka:bomc:bomoka:ncdc gva:la bvm luto, “No Ru:ncpvnckc Awomvlo, sc vlvngkvdv:scm pita:pc idopc lulvgkvka,”
4Odo Bv luto, scmpc adla lc:tag, “Tani:yc pitangongkokki turra du:ma:yc, cmpige:la Ru:ncpvnckolokkc lennc gomug appv:dokkipak turdag.”
5Odokkc uidc Bvm angunnc nogordo:pc gvbokang, odokkc Bvm Ru:ncmc kumko okumdok mv:dum taycngarto tedmoto, 6odokkc Bvm luto, “No Ru:ncpvnckc Awwomvlo, avc kcvgbo:pc opakletsukvka; kapila:nc scmpc cdcm adtag,
‘Bv Bvk taycng among lutad lunckvdv:dcm nok lcgangc mclvgyc,’ odokkc
‘Buluk alakki bulu nom bosa:yc,
Ckvma:mvlo nok alckvdv:dc vlvngkolo tubsuyc.’ ”
7Jisubv bvm luto, “Scmpcsin adtung, ‘Nok Ru:tum Ru:ncpvncmc anka:la ka:yoka.’ ”
8Lckoda uidc Bvm aipakpc oudnc adi:kolo:pc gvbokang, odokkc mo:pvsok migom dobonam among appv:dcm odokkc odokbuluk airu:pc kanamsv:namkvdv:dcm lcngkanto; 9odokkc bv Bvm luto, “Sc appv:scm nom ngo biyc, no tunga:la ngom kummvlo.” 10Odo Jisubv Bvm luto, “Gc:rkang, Uiya! Kapila:nc scmpc adtag,
‘Nok Ru:ncpvncmc kumnang odokkc
Bvk lcgangong mc:tomna agercm gerrang.’ ”
11Odo uidc Bvm mcpakto odokkc ka:toka taycng among lutad lunckvdv:dc gva:la Bvm ka:sv:mosv:to.
Jisubv Galildo Ager Gerrobnam
(Mark 1.14-15; Lu:k 4.14-15)
12Cdcmpc idodcm Jo:nmc ycnggabto cmna Bv tadto, Bv Galilpc gvpakto; 13odokkc Najaretdcm mcge:la Kapernaumpc gvto odokkc siycng ru:yido du:to Jubulun odokkc Naptali:, dunggo:-ycgo:do, 14jc Isaia: lungor luncbv okodcm luno:taganc cdcmpc idopc:
15Jubulunclang Naptali: amongc, Siycng aninkvdvngc,
Jordan kekonpc, Angu tani:
opvnkvdv:dok Galil–
16Oko tani:kvdv:dc kcmolo tedla dunganc bottaru:nc pvangko ka:begto,
Odokkc sc:kobulu sinckvdv:dok amo:lo odokkc siko ugyumlo
tedla dunganc, pvangc pvkang.
17Odo ayirdokkc Jisubv lutadcm luyirrobbomkang, scmpc lula, “Asinc mc:dvrra mcngkutsutokuka, kapila:nc taycngamong migom dokodc pvnga:dandubong.”
Jisubv Ongomanc Tani:appi:ko Gognam
(Mark 1.16-20; Lu:k 5.1-11)
18Galil siycng ru:yido Bv gvgo:la du:dom, Bv bvrokumsu anyiko ka:begto, Simonmc sc:kom Pitorcsin cmna gogdagaji odokkc Andriwumc bvk bvrodcm, csab aborko siycngdo crra du:dom; kapila:nc bulu csab crnai. 19Odokkc Bv bulum luto, “Ngok lcdulo gvmvntoka, ngo nolum tani: crgabnc csab crncpc imoyc.” 20Oddung bulu csabkvdv:dcm mcto odokkc Bvk lcdulo gvmvnkang.
21Odokkc gvtvla du:namc Bv bvrokumsu anyikoda ka:begto, Jebidi:kc awo Jakobmc odokkc bvk bvro Jo:nmc, buluk abu Jebidi:kc lcdulo ollungkolo, csab posv:la du:dopc, odokkc Bv bulum gogto. 22Oddung lomdanna bulu ollu:dcm odokkc buluk abudcm mcge:la Bvk lcdulo gvmvnkang.
Jisubv Poyir, Luyirclang Csa:monam
(Lu:k 6.17-19)
23Odokkc Bv Galil among appv:do gvgo:to, buluk kumko okumkvdv:do Ru:ncpvnckc taycngamong migom donamdok tadponc lutaddcm lugo:bito odokkc tani:kvdv:dok appvng Kinam ramnamcm odokkc appvng mosimola:ma:namcm aimotoku. 24Cdcmpila Bvk aminc Siria amo:do gvbungkang, odokkc bulu kinc-ramnc tani: appv:dcm bvkkolo:pc gvangamboto, sc:kobulu angu angu kinamc kadagaji odokkc dvgnamc, uipa:namc, simadc maddaganc, odokkc intungko sipaknckvdv:dcm, Bv csangammotoku. 25Odokkc bojcrungko yadkumsunc tani:yc Bvk lcdu lcdulo Galildokkc Dikapoli:dokkc Jerusalem dokkc Judiadokkc odokkc Jordan kekondokkcsin gvmvnkang.
اکنون انتخاب شده:
METIU 4: MISIBSI
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
