آیات محبوب کتاب مقدس از Génesis 49

به اشتراک گذاشتن

Tsenmin naa mu bain Judánu bale ruku jutyungue tirenuu dejutyuve, tsa jutyu'ba, juntsa balen rukula' tyutyan cha'li tanamu jaindyuya, ya' tyaapanu bale keengayanu tyutyan cha'li tanashu juntsa muba machi'ken dejutyuve, tsenmala naaju chachilla bain yanu meedinu detsuve.

Joséya pi kelunu chi chumu jun tsaave, puka pure' iimu, tsai' naa ya' pala jumula bain veetanu tyaka' luimuve. Arku tya'kemulaya tyutya', yala' tsuta tyatyu tyatyudekive, tsangue' naa-uwanuba bulla kitindetsu

tsaanuren Joséya dera pejpe tave. Jacob' tsamantsa pude Dios kivetentsuñu, Israelnu deendanamu shupuka juuñuuchi, matyu Israelnu washkemu Dios kivetentsuñu, ya' arku denguijtyuna tanave. ¡Ñu' apa' Dios ñunu kivetenu tsuve, tiba kekaanuu jumu Dios ñunu mika ura' ikaanu tsuve! ¡Kai'sha selu jumuchi bain ñunu Dios ura' ikaanu tsuve! ¡Lamaa pi tainsha jumuchi bain ñunu Dios ura' ikaanu tsuve! ¡Dios ñunu pure' sera' jikaakenu tsuve!

Judá, ñu' naatalala ñunaa yuj urave tinu detsuve. Ñu' kundaalanu pulla', ti kendya'ba tsa tsanguenu tsuve, tsenmin ñu' naatalalaren ñu' ajuusha teedinu detsuve. ¡Ñu, in na Judáya! leun kaana juuñuuve, naa-uwanu alla ka' fi' bain, tsaa palu'kake', tunu tsu' lekamu leun tsaave. ¿Maa ñunu bulla kechunga leun ju' tsun tsanamunu?

Rubén, ñaa in avenju na juve, ñaa in dera, in ajke' keñu na juve, ñaa kayu balenguramu juve, ñaa kayu pude juve. Tsaaren naake' daatadin tsaa pi deenchuwa juuñu ju' mitya, tichiba ajke' jumu juu kuran jutyuve, matyu inchi kama miyandinu shinbuba tsaitu, ñu' apa' tsuinsha lu', inu balejtu kuraanuu keñu' mitya.