آیات محبوب کتاب مقدس از Mateo 10

به اشتراک گذاشتن

»Chitape': Ri'in kixintaq b'i pacha' ix b'exex chikixo'l utiw. Lik chichajij k'u iwib' chi utz jela' pacha' ru'anik kuchajij rib' ri kumatz, yey chi'ana pacha' ri palomax na jinta k'o ku'an che junoq.

China ri kutij uq'ij lik kel chi utz ruk'aslem wara che ruwachulew, ri' e kujam ri k'aslemal chila' chikaj; no'j ri kuya ranima' ruk'aslem wuma ri'in, ri' e kuriq ri chomilaj uk'aslemal chwach ri Dios.

»Mixi'ij iwib' chikiwach ri k'o pakiq'ab' kixkikamisaj, ma wa' xew che ri cuerpo kaki'an wi, no'j na jinta pakiq'ab' kakisach uwach ruk'aslem junoq chwach ri Dios. E chixi'ij iwib' chwach ri Jun k'o puq'ab' keb'uk'aq b'i ri tikawex junam ruk' ri kicuerpos y ri kanima', chi xib'alb'a' re tijb'al k'ax.

»China ri na karaj taj kutij k'ax ruma e nutijo'n, ri' na taqal ta che katerej chwij.

»E junoq kuq'alajisaj chikiwach ri winaq, kub'i'ij: “In tijo'n re ri Jesús”; jek'uri'la' kan'an ri'in che rire, kamb'i'ij chwach ri Nuqaw k'o chila' chikaj: “Qatzij, wa jun e nutijo'n” kincha'. »No'j k'u ri kub'i'ij chikiwach ri winaq: “Ri'in na in ta tijo'n re ri Jesús.” Jek'uri'la' kan'an ri'in che rire, kamb'i'ij chwach ri Nuqaw k'o chila' chikaj: “Qatzij, wa jun na nutijo'n taj” kincha'.

»Cheb'ikunaj konoje ri yewa'ib' kuk' taq ri k'o ri yab'il lepra chike, cheb'ik'astajisaj ri ekaminaq y cheb'iwesaj b'i itzel uxlab'ixel. Wa chuq'ab' kik'ul ri'ix e rutzil nuk'u'x chiwe; jek'ula' mitz'onoj rajil ri chak ki'an ruk'.

E uwari'che, mixi'ij iwib'; ma ri'ix más k'o iwach chikiwach ri raltaq ko tz'ikin.

»Mich'ob'o we ri nuk'unik che ruwachulew kuk'am lo utzil chomal. Na e ta ri', ma e kuk'am lo ch'a'oj chikixo'l taq ri tikawex.