آیات محبوب کتاب مقدس از San Mateo 13

به اشتراک گذاشتن

Ja̧'wa̧nü̧ ja̧'a̧nä̧, rȩjȩ adiwomȩ ma̧ä̧chi̧nü̧ jä̧ji̧mä̧ wȩnȩkuä̧cha̧'a̧, Dio i̧wȩnȩ ttä̧ju̧kuo̧mȩnä̧ adiu wo̧jui̧'ä̧tü̧rü̧ ja̧'wa̧nü̧ ja̧'a̧ jo̧mȩnü̧ u̧wä̧ju̧ wȩjä̧u̧ru̧, yotütenä̧mä̧ ciȩnü̧ pünä̧, kkorotünä̧mä̧ sesenta-nü̧ pünä̧, kkorotünä̧tä̧ treinta-nü̧ pünä̧, yotüku pünä̧mä̧.

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

Mä̧nä̧nä̧ ma̧ä̧chi̧nü̧ u̧wä̧ju̧ jä̧ji̧mä̧, ru̧wa̧ Dio i̧wȩnȩ ttä̧ju̧kua̧'a̧nä̧, ttu̧wo̧jui̧pü̧juiyünä̧ wotürü wȩnȩkuä̧cha̧'a̧; tta̧mi̧so'kinä̧ kku̧nä̧wi̧'ä̧ji̧mä̧ su̧ro̧pa̧ ichi'ü 'choipä̧u̧ru̧.

Inä̧du 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ yotäkutä eseunu̧ ä̧ju̧ku̧ esetätürü wȩnȩkuä̧cha̧'a̧, kkada'ka 'chu̧ä̧ro̧mȩ juitta'a, 'kiyünä̧ kko̧ko̧tü̧rü̧; Dio i̧wȩnȩ jäwänä̧ surojü rȩbȩä̧kuä̧wo̧mȩnä̧, ma̧'ä̧chä̧tü̧rü̧.

Ja̧'wa̧ta̧nü̧ mo̧ro̧jä̧ ru̧wa̧ weümä̧, pättanä̧ rȩjȩ dajü rütäwä pärätä jä̧'i̧nü̧'a̧nü̧ ja̧'a̧. Jua̧u̧ pärätä po̧kui̧pi̧'ü̧'ka̧, pä'äjita'anü̧ juȩnȩtä̧ dajü rütipü; rü̧ȩnä̧ eseunu̧ i̧wi̧'ü̧ u̧ju̧nä̧rü̧mä̧ o'kajuiyünä̧ mikuänä̧ iyä'chü ikuipü, juȩnȩ rȩjȩmä̧ ȩma̧'a̧ jä̧'i̧nü̧'a̧nü̧ ja̧'a̧.

Ja̧'wa̧nü̧ ja̧'a̧nä̧ kkoro ppächämä̧, rȩjȩ adiwomȩ ma̧ä̧chi̧nü̧tä̧ ji̧na̧'a̧ u̧wä̧ju̧ adiu wȩji̧nü̧mä̧. Ji̧yȩtȩnä̧mä̧ ciȩnü̧ pünä̧, kkoronä̧mä̧ sesenta-nü̧ pünä̧, kkoronä̧tä̧ treinta-nü̧ pünä̧, jü̧nä̧.

Ja̧'a̧tä̧ topätukui yoräteunä̧ büó juoa'anä̧, u̧wä̧ju̧ jo̧mȩnü̧ päi'omȩbü päi'ünä̧; jua̧u̧ ttü̧ka̧ka̧tü̧ mo̧ro̧ päi'omȩnä̧, ka̧ka̧tä̧tü̧rü̧ wȩdä̧kua̧sä̧: Ä̧kuo̧mȩnä̧mä̧ surojü adiyä ka̧ka̧tü̧, obanä̧ juä'ü ttu̧ju̧na̧ pä'ü, kkuwü ikuäwäkuomȩtä̧ päi'ünä̧. Jua̧u̧nü̧ o'ka'a trigo-mä̧ ka̧ka̧kuo̧ka̧nä̧ ka̧ka̧tü̧ tu̧ju̧na̧ pä'ü.