آیات محبوب کتاب مقدس از San Mateo 12

به اشتراک گذاشتن

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ rüjí mo̧ro̧ päi'omȩnä̧mä̧ o'kajuiyünä̧tä̧ ja̧'a̧tä̧ ttukuokuä'ijümä̧ i̧jȩkuä̧kua̧'a̧. Isopäi'ünä̧ kua̧mü̧nä̧ kukuokunä̧tä̧ päwäkua'a, adiu kukuokuinü̧ttü̧'i̧nä̧ ro̧ȩkuä̧ttü̧ ku̧ji̧pä̧kua̧jä̧ ja̧'wa̧ta̧nü̧ surojünä̧ kukuokuinü̧ttü̧'i̧nä̧ usurä kuȩmä̧u̧nä̧ ro̧ȩkuä̧kua̧jä̧.

¡Ä̧ka̧tü̧ tti̧tti̧mü̧ wotüjä̧! ¿toku kukuokuätukua'ajä̧ttü̧ adiwäjueimä̧, suropätü isotü kuätukua'amä̧? isopäi'ünä̧ tta̧mi̧'iso'kinä̧ rü̧ȩnä̧ ȩkü̧tä̧ ttänä̧mä̧ räopa'a.

Adiwä i̧sa̧mä̧ adiwäjuei u̧ju̧nä̧rü̧tä̧ rä'epü ja̧'wa̧ta̧nü̧ surojünä̧ kkü̧mä̧ surojü u̧ju̧nä̧rü̧tä̧ rä'epü.

Ja̧'wa̧nü̧ ja̧'a̧ttü̧ ukuturu pä'üsä: O'kajuiyünä̧tä̧ suronä̧ jȩttü̧mä̧ ja̧'wa̧ta̧nü̧ ttü̧ja̧rü̧ suronä̧ pättümä̧, surojü jui'ätü jü̧nä̧ jȩpü̧ ikuäwäkuotü; ja̧'wa̧nü̧ ja̧'a̧nä̧ Epíritu Sa̧tu̧rü̧ suronä̧ ukuokurumä̧, surojümä̧ jȩpü̧ ikuäwokü jä̧kua̧.

Adiwäjuei isäi daumä̧, u̧wä̧ju̧ adiwäjuei wȩjäi; ja̧'wa̧ta̧nü̧ suräjuei isäi daumä̧, u̧wä̧ju̧ surojütä wȩjäi; ja̧'wa̧nü̧ ja̧'a̧ttü̧ daumä̧ u̧wä̧ju̧ttü̧ topü wo̧juä̧wä̧ ja̧'a̧.