آیات محبوب کتاب مقدس از Ɨfaʼ 2

به اشتراک گذاشتن

Bita a chwɨ́gɨ́ a mbó bo ngə́, “Ŋwɔn nɨ bɨŋ tsum a tsi nɨ nyɛʼ mɨbvu ɨmyi, ɨ tiʼ kwarɨ nkyi nɨ ɨkum Yeso Kristo, taŋ á Ŋwi a tiʼ ndɨgɨnɨ mɨbvu ɨmyi; ɨ tiʼ kɨ gha Azhwi zə Fɛmnɨ a mbó bən, zɛrə za a lá azúm zə ghanɨ za wɛrə a káʼnɨ́ lá.

Bo tíʼ nde nkfu ɨza tsum a ngyɛ́ʼ a mbó ntóm Yeso, mbómnkə́ táʼ adiʼ, ndzɨ́ə mɨdzɨ ɨma táʼ adiʼ nkə́ ntsáʼtə́ a Ŋwi ə.

Bo tíʼ ndón nɨ Azhwi zə Fɛmnɨ, ntiʼ mbiʼnɨ ngǎm mɨgham mɨ ɨtóm tsɨ daŋ adzaŋ za Azhwi zə Fɛmnɨ za a ghɨ́nɨ́ ngə́ á bo ghamə.

Bo vwúkɨ́ ndzúʼ azɔrɨ zə tse za a lónɨ́ a fɔməbvurə ɨ fi a kɨfɛrɨ wu ntɨŋ ə. Azɔrɨ za a lwɨ́gɨ́ ndá za tsum za bo shíʼtɨ́nɨ́ ntsi wə mu lá. Bo zɛ́n azúm zə tse za a fínɨ́ ndwa ɨmugɨ ə. A yɛ́btɨ́ ayi ntɛmkɨ atú ŋwɔn tsum ɨ mɔ́ʼɔ́ mɔ́ʼɔ́ ghe. Bo tíʼ ndón nɨ Azhwi zə Fɛmnɨ, ntiʼ mbiʼnɨ ngǎm mɨgham mɨ ɨtóm tsɨ daŋ adzaŋ za Azhwi zə Fɛmnɨ za a ghɨ́nɨ́ ngə́ á bo ghamə.

Nɨ njwi nɨ njwi bo kə́ ngótə́ a mu Ndáŋwi zɨ Ngwi ə. Bo kə́ ndzɨ́ə táʼ adiʼ nɨ njwuʼ ɨtsa a mu nɨdorɨ abɔʼnɨ ɨshiʼtə nɨ ɨnye a ɨshe, mbóntə́ a Ŋwi, ŋwɔn tsum a tíʼə nkə́ nkɔ́ŋə́ awa ghe. Maʼmbyí a kə́ nkwiʼtɨ ɨbɛn ba bɨ kɨ́nə́ ndóŋə́ awa a nye ngǒtə ɨza nɨ njwi nɨ njwi ɛ.

‹Ŋwi a soŋ ngə́: nə nɨ anu za ma mɨ ghɨ a nye njwi tsɨ lwitɨnɨ tsa: Ma mɨ tsagɨ Azhwi azan a mbó ŋwɔn tsum ə. Ɨbɔ ɨbən bə mbáŋnɨ́ abɔʼnɨ bə bəngye ghɨ chwítɨ́ nkən ɨghə; ɨbɔ mbáŋnɨ́ ɨbɨŋ mɨ lye ndzɛm nəzhwɨgɨnɨ, á bɨtankaŋ bə mbáŋnɨ́ ɨbɨŋ lye ndzɛm ə.

Ɨbɛn bɨtsum ba bɨ nɨ́ŋnɨ́ mɨntəm ɨma a nye Ŋwi ghɛ́n nɨ mbyi mbómnkə́ táʼ adiʼ nkə́ ngyɛ́btɨ́ ɨdzúm tsa bo tsínɨ́ nɨ tsɛrə ŋwɔn nɨ ŋwɔn ghe. Bo kə́ fǐŋ ɨdiʼ ɨshe ɨtsa abɔʼnɨ ɨdzúm ɨtsum tsa bo tsínɨ́ nɨ tsɛrə, ngyɛ́btɨ́ nkáb za bo fénɨ́ ɨwu a tɨtərɨ bo bɨtsum ndzɔ̌ŋ anu za ŋwɔn tsum a kɨ́nə́ ndǒ ngɨə ghe.

Ɨ tiʼ zɔŋ, Maʼmbyí ghɨ loŋ a ŋwɔn tsum wa a lɔntɨnɨ akwatɨ a mbó zɨə.›

nɨnyom a ghɨ bəŋ ɨ tiʼə fɨŋənɨ ɨ fɨŋnɨ, ɨ bənkɨ a saŋ á ntiʼə mbáŋə́ tso alɛm, mbɔŋə njwi za Maʼmbyí a lo bə yen, ɨ yiŋə. Njwi məzen a nɨ njwi zɨ ngwi za ɨ tsanɨ njwi tsɨ wi ɨtsum ə.