آیات محبوب کتاب مقدس از Ɨfaʼ 1

به اشتراک گذاشتن

Lá a nkfu za Azhwi zə Fɛmnɨ a ghɨnɨ shíʼ atú bən, a ghɨ gha adaʼ a mbó bən, á nɨ be ɨbɛn ba bɨ númnə́ sóŋə́ anu azan a Yerosalɛm, a mu Yudiya tsum nɨ Samaria, ɨ ghɛn kuʼ a ndwitɨ atuəshe ə.”

Yeso a sóŋ a mbó bo ngə́, “A tsi Ta ɨghan ntsi nɨ mɨtən a ntsɔ́ʼə a mu ntəm zɨ nkfu za ɨnu tsiŋ mɨ be, a keʼ adiʼ azən be a njí nyom wa tsɨ ghɨnɨ bé ə.

A njwi tse za a tsínɨ́ bo bo ndzɨ́ə, a ghá ntɨgə zen a mbó bo ngə́: ‘‘A nɨ keʼ a Yerosalɛm fu, lá á nɨ ntsíŋə́ azúm zə ghanɨ za Ta ɨghan a káʼnɨ́ awən nɨ zɛrə, za ma ghámnɨ́ mbɨ́ʼ a zɛrə a mbó bən lá. Yoane a kə́ ngǎ nkyi lá nɨ nkyi ngəŋ ə, lá a ndzum njwi tsɨ tsɛrə a nɨsháŋnɨ́, Ŋwi a mɨ tsagɨ Azhwi zə Fɛmnɨ á ntíʼə nchyɛ̌ a mu ɨnye bɨŋ ə.’’

Mbáʼ Yeso a zɛ́nɨ́ ngɨ́ʼ, nkfo, mbə nzhwemnɨ a mbó nɨvwo lá, atú njwi 40 wɛrə a kə́ fúə a ɨshe a tɨtərɨ ntóm Yeso nkfu tsə ghaʼnɨ a nye mɨndóm ma mɨ díʼnɨ́ ngə́ tsɛʼ a nkənu wɛrə a tsí atú ntɨŋə. Bo zɛ́n ayi, a kɨ ngamnɨ bo bo mbɨ́ʼ anu a nɨfɔ nɨ Ŋwi ə.

A mɛtɨnə a sóŋ məzen, Ŋwi a lɔgɨ ayi a fɔməbvurə, ntóm Yeso tsa tɛm ndyiŋə ayi, mbaʼ ɨ nkubɨnɨ ayi, bo chi keʼ ayi bə nkwiʼ ndze.

Mbáʼ bo bvúrɨ́ ntɛ́m ɨwu, njigɨ ɨmɨgɨ ɨma a nɨkaŋ adzaŋ za Yeso a kɨ́nə́ kɔ́ʼə ngěn, ɨbɛn bə tse bi bɨbá ngwəgɨ awa a mu ɨtsɛʼ tsɨ fú shwə́gɨ́nɨ́ ntɛm a mbyɛn bo ɨ soŋ ngə́, “Ɨbɛn bɨ Galili, nɨ tɛm adiʼ wa ndyǐŋ atɨ́ lá mbɨ́ʼ ake le? Yeso wen wa Ŋwi a lɔgɨnɨ a mbó bən nkɔʼ ngɛn zɨ wɛrə a fɔməbvurə lá, a ghɨ bə yen a mbó bən tsɛʼ a nye ndóm wa nɨ zɛnɨ a kɔ́ʼə ngěn lá.”