آیات محبوب کتاب مقدس از Mark 13

به اشتراک گذاشتن

Meniń atım sebepli, sizlerdi hámme jek kóredi. Biraq aqırına deyin shıdaǵan qutqarıladı.

Abaylańlar hám sergek bolıńlar, óytkeni sol waqıttıń qashan keletuǵının bilmeysizler.

Sizlerdi uslap alıp, húkim etiwge aparatırǵanda, ne aytıwdı oylap, aldın ala tınıshsızlanbańlar. Sol waqıtta sizlerge ne berilse, sonı aytıńlar. Sebebi sizler emes, al Muxaddes Ruwx sóyleydi.

Aspan menen jer joyıladı, biraq Meniń sózlerim hesh qashan joyılmaydı.

– Sol kúndi yamasa sol saattı hesh kim de bilmeydi: aspandaǵı perishteler de, Uldıń Ózi de, tek ǵana Ákem biledi.

Sizler urıslardıń shawqımın hám urıslar haqqında mısh-mıshlardı esitkende qáweterlenbeńler. Bulardıń bolıwı shárt, biraq bul ele aqırı emes.

Solay etip, sergek bolıńlar! Sebebi úy iyesiniń keshte me, yarım aqshamda ma, qoraz shaqırǵanda ma, erte azanda ma, qashan keletuǵının bilmeysizler. Ol kútilmegende kelip, sizlerdiń uyıqlap atırǵanıńızdı kórmesin. Sizlerge aytatuǵınımdı hámmege aytaman: sergek bolıńlar!

Sebebi millet milletke qarsı, patshalıq patshalıqqa qarsı kóteriledi. Kóp jerlerde jer silkiniwler hám asharshılıqlar boladı. Bul waqıyalar tolǵaq azabınıń baslanıwına uqsaydı.

Biraq dáslep Xosh Xabar hámme xalıqlarǵa járiyalanıwı shárt.

Óytkeni kópler Meniń atım menen kelip: «Men – Masiyxpan» dep, kóp adamlardı aldaydı.

Ózlerińizge saq bolıńlar! Óytkeni sizlerdi qazıxanalarǵa tapsıradı hám májilisxanalarda tayaq jeysizler. Jáne de, Men sebepli hákimler hám patshalardıń aldına aparılıp, olarǵa gúwalıq beresizler.

Óytkeni jalǵan masiyxlar hám jalǵan payǵambarlar payda bolıp, eger múmkin bolsa, tańlap alınǵanlardı aldaw ushın, káramatlı belgiler hám tań qalarlıq islerdi kórsetedi.

– Biraq sol kúnleri, sol apattan keyin, «Quyash qarańǵılanadı, Ay óz jaqtısın túsirmeydi. Juldızlar aspannan túsip, Aspan kúshleri silkinedi».