آیات محبوب کتاب مقدس از Matta 26

به اشتراک گذاشتن

Sergek bolıńlar! Azǵırılmawıńız ushın duwa etińler! Ruwx qáleydi, biraq dene hálsiz, – dedi.

Sonda Iysa olarǵa: – Janım ólerdey qıynalıp tur. Sizler usı jerde qalıp, Meniń menen birge sergek bolıp turıńlar, – dedi.

Sońınan Ol biraz shetirekke bardı da, betin jerge basıp, bılay dep duwa ete basladı: – Ákem Meniń! Eger de múmkin bolsa, bul azap kesesi Mennen ótsin. Biraq Meniń emes, Seniń qálewiń bolsın!

Sebebi bul – kóp adamnıń gúnalarınıń keshiriliwi ushın tógiletuǵın, jańa kelisimdi bekitetuǵın Meniń qanım.

Olar awqatlanıp otırǵanda Iysa nandı alıp, Qudayǵa shúkirlik etti hám onı sındırıp, shákirtlerine berdi de: – Alıńlar, jeńler, bul – Meniń denem, – dedi.

Sońınan Ol keseni alıp, Qudayǵa shúkirlik bildirdi hám olarǵa keseni berip bılay dedi: – Hámmeńiz bunnan ishińler!

Shákirtleriniń qasına qaytıp kelip, olardıń uyıqlap atırǵanın kórdi de, Petrge: – Solay etip, sizler Meniń menen birge uyıqlamay bir saat ta otıra almadıńlar ma?

Sizlerge aytatuǵınım: Ákemniń Patshalıǵında sizler menen jańasın ishetuǵın kúnime deyin, Men bunday júzim ishimliginen qaytıp ishpeymen.

Sonda Iysanıń: «Qoraz shaqıraman degenshe, sen Mennen úsh ret tanasań», – degen sózi Petrdiń esine tústi. Ol sırtqa shıǵıp ketip, ókirip jıladı.

Turıńlar, kettik. Qarańlar, Maǵan satqınlıq qılıwshı jaqınladı, – dedi.

Biraq Iysa oǵan: – Qılıshıńdı qınabına salıp qoy! Qılısh kóteriwshilerdiń hámmesi de qılıshtan qaza tabadı.