آیات محبوب کتاب مقدس از Juan 3

به اشتراک گذاشتن

’Yai Bada tänö yanowamö täbä nofimaö fa dodijionö, bä Ijilubö moli ya e lä cui yale shömölema. Wale a̦ bejedi lä bufii wejei bä bluca lä cui, bä nomaö mlai ja bä ba̦limi cuobä.

Yai Bada tänö bita jamö bä Ijilubö wale lä shömöleno wei ya lä cui, yanowamö ya täbä nö bleaamabä wale shömano malä mlai. Ya täbä yai jucäabä wale shömölema.

Abinaja Jesús e cuma. —Cafä nija ei ya wa̦ lä cui, bejedi lä ya wa̦. A tablamou co̦o lä mlai a lä cuinö, Yai Bada tänö cama ebä nia ca̦i lä cuo wei tä nia dablaimi —e cuma.

’Wale a̦ bejedi lä bufii wejei bä lä cui, Yai Bada tänö ö̦jö bä nö bleaamabä bämi —a cuma—. Wale a̦ bejedi bufii lä mlajei bä lä cui, ö̦jö bä nö bleaamabä cäbä. Yai Bada bei Ijilubö moli ya e lä cui, wale a̦ bejedi bufiimije yalo, bä nö bleaamabä bä li waiquiwä.

’Yanowamö täbä bufi wacacamabobä, bita jamö Yai Bada etä shi̦i ma waloole ma cui, etä shi̦i bufiimije. Mö didi tä shino yai bufiije, ¿ö̦jö tawä? Bä dobloimi waiquiwä cudeenö bä jo̦yao bufi doblao. Inaja bä cuaaö cudeenö bä nö nia bleaamaö.

Cama a nö Bada lä ö̦jöböamou wei, ö̦jö tä shino yai balafälöbä. Camiyä nija bä bufi cuo lä balöono wei, ö̦jö tä shino mlaaö majöofälöbä —a cuma.

Wa̦lidiwä talewä bä bluca lä cuinö, Yai Bada etä shi̦i nofi wa̦libouje. Bä lä cuaaö wei bä dablamou bufiomi yalo, tä wacacaobä jamö ö̦jö bä juimi.

Ö̦jö bä Ijilubö e a̦ bejedi lä bufii wejei bä lä cui, ba̦limi bä cuobä bä li. Ö̦jö ma cui, bä Ijilubö e a̦ juaö lä mlajei bä lä cui, ö̦jö bä nia ba̦limi cuomi. Yai Bada tä nö wa̦lowä lä jushudou wei tänö bä nö bleaabä ö̦jö bä li.

¿Ö̦jö tawä? Ulifi bloque a jamö, Moisesinö olu cäcö nö ijidubö befi ca̦i lä i̦taqueno weinaja, inaja showawä camiyä ya lä yanowamöblaleyoluno wei, ya befi ca̦i i̦tao cuobä ya.

Bämacö lä Fö̦ömole a lä cuinö, showadi bä Ijilubö e yai nofimaö. Jödödöwä täbä lojodobobä, a Bada tablamalema.