آیات محبوب کتاب مقدس از Juan 2

به اشتراک گذاشتن

Inaja Jesús a cuaaö ja, tä nö lä quilijii tä jaba wawäblamalema, Yai Bada e nö ö̦jöböamobä. Inaja a doblao damoa fa culalunö, cama ebä lä nocamabono wei bä lä cuinö a wa̦ bejedi bufilemaje. Calilea tä ulifi jamö a cuo däjä, inaja a cuaama, Canaateli bä nijamö.

Abinaja Jesúsnö bä nöö e nowa tama. —Nabe. Cafänö wale shömabä wami. Ya tä taö mö lä juno wei, ya tä taö showadaobä tämi —a nowa tama.

Bada a wa̦ juamobä ebä nija abinaja Jesús a cuma. —Fei bä bada lä i̦tatale bä jamö, mau ubä fe da lajoaboduje —a cuma. A wa̦ juaö fa showadalöjenö, ubä casö malöcöabodayomaje. Ö̦jö däjä, bä iyabä jamö a bada lä loono wei a nija, ubä wabamaö bufima. Abinaja Jesúsnö bä nowa tama. —Bei. Fei däjä wama ubä fa jiquelönö, bada a nija ubä da jöbäcuduje —bä nowa tama. Inaja bä nowa tama yalo, ubä fa jiquelöjenö, e ubä ca̦i icuquemaje.

Abinaja Jesús e cuma. —Ja̦o. Ei a yafi da wa̦lialöje, ö̦jö lä. Bolacabö tä mö didi fa cublalunö, ya yafi i̦tamaö co̦o wä —a cuma.

Ö̦jö däjä, tocuta bä fa däalalönö, bä si yoabä täcö fa diyäblalönö, bä bluca yashuaquema. Oweja ebä sho, baca ebä sho, Yai Bada etä yafi je̦fa jamö bä lä cuono wei bä bluca yashuaquema. Blada bä lä nomöjöano wejei bä ma cui, bä bladabö ca̦i liyäyaö cuaama. Bä bladabö lä maquecono wei, täbä ca̦i jocäabodayoma. Joledo bä lä nomöjöano wejei bä lä cui, abinaja bä nowa ca̦i tama. —Fei bä ca̦i da blajalöje. Fayä e yafi lä cui, yalo bä lulamobä e yafi tablama dijejä —bä nowa tama.