آیات محبوب کتاب مقدس از LUKA 17

به اشتراک گذاشتن

Nake akĩmwĩra atĩrĩ, Ũkĩra wĩthiĩre; gwĩtĩkia gwaku nĩkuo gwatũma ũhone.

Na angĩkwĩhia maita mũgwanja o mũthenya ũmwe, na acoke harĩ wee maita mũgwanja oige atĩrĩ, Nĩndahera; no wega ũmuohere.

Na ũmwe wao ona atĩ nĩahonetio, akĩhũndũka agĩkumagia Ngai na mũgambo mũnene; agĩturumithia ũthiũ thĩ o magũrũ-inĩ ma Jesu, akĩmũcokagĩria ngatho: nake aarĩ Mũsamaria.

Wĩmenyagĩrĩrei inyuĩ ene: na rĩrĩ, mũrũ wa thoguo angĩĩhia, mũkaanie; na angĩhera, muohere.

Nake Jesu agĩcokia akiuga atĩrĩ, Githĩ othe ikũmi matinatherio? Kaĩ acio angĩ kenda marĩ ha?

Nake Mwathani akiuga atĩrĩ, Mũngĩkorũo mũrĩ na wĩtĩkio ũiganaine na kahĩndĩ ga karatarĩ-rĩ, mwera mũkũyũ ũyũ atĩrĩ, Kũũrũka, ũkehande iria-inĩ rĩrĩa inene, naguo no ũmũigue.

Mũndũ o wothe wendaga gũtũũria muoyo wake, nĩ kũũrũo akorũo nĩguo: na ũrĩa ũkorũo nĩ muoyo wake, nĩwe ũkaũtũũria.

NAKE Jesu akĩĩra arutwo ake atĩrĩ, Gũtirĩ hingo maũndũ marĩa mahĩngithanagia matagoka: no mũndũ ũrĩa ũngĩtũma moke, kaĩ arĩ na haaro-ĩ! Wega wake no aharũkio ihiga rĩa gĩthĩi ngingo, na aikio iria-inĩ, gũkĩra atĩ ahĩngithie kamwe ga twana tũtũ.

Ningĩ o ta ũrĩa gwakinyire matukũ ma Nuhu, no taguo gũgatuĩka matukũ ma Mũrũ wa Mũndũ maakinya. Andũ acio nĩmaakorirũo makĩrĩa na makĩnyua, na makĩhikania na makĩhikio, o kinya mũthenya ũrĩa Nuhu aatonyire thabina, nakĩo kĩguũ kĩrĩa kĩnene gĩkĩmakora gĩkĩmanina othe.