آیات محبوب کتاب مقدس از لُوقا 23

به اشتراک گذاشتن

تے یِسُوع آکھیا اَے پئیو ایہناں نُوں مُعاف کر۔ کیوں جو ایہہ نئیں جان دے پئی کِیہ کر دے نیں۔ تے اوہناں اوہدے کپڑے ونڈ کے گُنے پائے۔

یِسُوع اوہنوں آکھیا مَیں تینُوں سَچ آکھنا آں پئی اَج تُوں میرے نال بہشت وِچ ہوئیں گا۔

تے اوس آکھیا اَے یِسُوع جدوں تُوں اپنی بادشاہی وِچ آویں تے میرا چیتا رکھّیں۔

تے یِسُوع بڑی اواز نال پُکار کے آکھیا۔ اَے باپ مَیں اپنے رُوح نُوں تیرے ہتّھِیں سونپنا آں تے ایہہ آکھ کے دَم چھڈ دِتّا۔

تے جد اوہ اوس تھاں اُتّے اَپڑے۔ جیہڑی کھوپڑی اکھواؤندی سی۔ تے اوہناں اوتھے اوہنوں سُولی چاہڑیا۔ تے بدکاراں نُوں وی اِک سَجّے دُوجا کھبّے پاسے۔

تے ہُن دوپہر دے قریب سی تے ساری زمین اُتّے ہنیرا ہوگیا۔ تے لَوہڈے ویلے تِیکر رہیا۔ سُورج گواچ گیا تے ہیکل دا پردہ وِچکاروں پاٹ گیا۔

تے صُوبیدار ایہہ حال ویکھ کے خُدا دی وڈیائی کِیتی تے آکھیا بے شک ایہہ بندہ نیک سی۔