آیات محبوب کتاب مقدس از Yohanes 13

به اشتراک گذاشتن

Asogo mo’gulentesirik, wene mesik disogo mo’gulentesi, “His en tugulom a’ge wene ’get a’ge mesik mo’gulhentaik, An en his nedesogo welegi ai ’gela’ge, his asogoat, his-his nede-hede togu lemis o. His-his asogo nede-hede togu lorogup holuk e, is aphwami ’berlegat enil hontoluk, Is yu Yesus osi demat hegi, oluk enaluk ema o,” oluk mo’gulentesi.

Asogo, an nebe honue ’gain Nonuk Logo a’ge wene mo’gulhentasu a’ge en his honoyuk petne emethenebegis holuk e, his en asogoat his-his honoyuk petne emet-emet ’bugulom o. An en his takhenebegi ai ’gela’ge, his en an nebabut wokho asogoat togu lemagoluk mo’gulhentegis o.

at Yesus en e, disogo mo’gulesi, “Not o. An tegis yu, ebe ’gesogo ’gela’geat, hat heperlak o. A’geat de, pobuk en haluk ema o,” oluk mo’gulese lagama

Wene mesik yu mo’gulhentaik, Ap ’gain mesik eragam a’ge ’gela’ge oruakhwe, at eragam a’ge en logo ’gela’ge welago erlak o. Ai ’gela’ge, ap yo’go perakpasu a’ge ano eneragam ’gela’ge oruakhweat de, at yo’go lasu a’ge ano logo ’gela’ge welago erlak o, oluk demat mo’gulhentegis o.

An en wene mo’gulhentegis ai henaluk oroguptik togu lorogup holuk e, honogola henagai hogu lorogup o.

Asogo aluk welat, so’boru nasu lagarik ebe inagarik e, osum ebe ’buktak a’ge no’gorlogo poluk e, sum ’gume wit-wat enebetne horogwi a’ge wesirik ebagase’gwe herle ’gela’ge ’betesogo pesi. Asogo tegeitik e, sogoluak loyang pam ik na’gogo ’gwelakpesirik e, at osi iak wogu legesa a’ge ebano onoyuk petne emerenebegeitik e, sum ebagase herle ’buksogo pesi a’ge ano pam ena’bosu ho enebil laga.