آیات محبوب کتاب مقدس از Yohanes 1

به اشتراک گذاشتن

Asogo ukpegesa a’geat de, is aphwami nin pema en, at ebe wegesarik e, enede at ebam he’berik pegesema, Allah eiyagai demat a’ge emagoluk eiyerak enebesi.

Page edip pam en, wene Dem Wene welaga. Dem Wene ai re, Allah eminat welat e, ebe Allah at o.

Nis o hiktak oruakma dakharak nonobou waga a’ge ’gwielak oruakma, o hiktak ai en orlomong ho mia en ’gwielagat welago yo.

Dem Wene ano abat agarik e, neneminat welege o. Neneminat welat e, at ebe ai Allah omlogo mesigat dogo a’ge no oluk e, erliktogwi a’ge nenil hege o. At ebabut op en, opsogo taknenebasulat, wene dem wene mo’gulnentasulat, tago modok oruakma nenil hege o.

Allah en di a’ge yu a’ge ’berlegat walhil waga ai ebe re, at Dem Wene enat walhesi. At ebe erlak wellepma re, mesigat nak ogo walhelep erlak o. Nenelalugapnenebiso a’ge edip arat welago ai en e, nis aphwami dakharak nonobou waga o.

Wene asogo egesarik, nogo oluk, hubet o’gwe re, at Yesus Yohanes e’bek wagokhwe il yetholuk e, wene disogo mo’gulentesi, “Allah uam domba a’ge nis aphwami ’gwiangma wiak togu lege a’ge no’gorlogo ukpouwa a’ge ano waga etle henil yethemit o.

At enat ’bogorl ’gwiang walhesi a’geat de, at ebe ’gwiangma wagarik oruakma re, is aphwami ’gwiangma a’ge yema en, at ebe pobirak erlak welegesa. At u’gwarek owi pam waga a’geat de, at ue ari en ebe wo erlakma en ukpegesa.

At dakharak ebe demat a’ge ai, ’gwiangma yema wagalat, nis aphwami ’berlegat nenebe lo’bok dakharak nonobou waga.

Wene Allah en nenesa’go weregei a’ge ano mo’gulnontouwagoluk, nadugat Musa perakpou wagama, mo’gulnentesi a’geat de, Allah ebabut op en obapnenebiselat, dem wene mo’gulnentasulat, tuagoluk, Yesus Kristus perakpou wagama mo’gulnentesi ai o.