آیات محبوب کتاب مقدس از Mphattuwelo 17

به اشتراک گذاشتن

Aparamu unhaleelaka mwakha mmoca wiira apiihere iminya (99) ceyarelo, ahophwanyinya ni Mwanene Nluku ni aheereliya: Phi mi Nluku o'kuru cothene. Weette toko cintthunaka ni wiivaherere wa mi.

Khunhala wiihaninya tho Aparamu. Ncina naa ninhala ukhala Aparahamu, kontha mi kihoohela ukhala athumwanaya ilapo cinci.

Kimmopanka nleehano naka mi ni we ni ucuulu aa uttuli waya mmalokoni mwaya, wiira kikhale Nluku aa ni Nluku a alokwaa, nimmokhala nleehano noohimala.

Uviriyane. Nna phi nleehano naka we ni mi. We unhala ukhala athumwanaya ilapo cinci.

Vano Nluku ahomwaakhula eeraka: Khweli Sara amwaaraa, unannyarana mwana ni we ummomwiihana Isaki. Ni yooyo kimmompankana nleehano noohimala wamoca ni ucuulu awe wothene.

Ilapo yothene yo'Kanaa, uryaa nletto, kimmowuvaha toko yawaa mpaka khalayi we ni ucuulu aa. Ni mi kinhala ukhala Nluku aya.

Vano, Aparahamu ahooromela vathi, ahothyaa ni aheera: Wanawooryaa nlopwana o myakha iminya ceyarelo unnyara mwana? Wanawooryaa Sara uyara toko waarinawe myakha tuswini (90)?

Nluku ahomwiirela tho Aparahamu: Ukhuma nenna va mpaka wahoolo, amwaaraa khanhala wiihaninya tho Sarayi. Ncina naya ninhala ukhala Sara.

Nnolamuliya upanka ila icantto ela toko ikanyero yo nleehano naka mi ni we.

Nanso nleehano naka, mi kinhala upanka ni Isaki, mwana nohala unnyara Sara mwahiyu yoola ukati ula.

Ukhuma nloko naa urwaaka uhoolo, mwana mwanlopwana rina mahuku naane, nolamuliya wuula icantto, akhale ooyariya wapuwani waa hata na ayo oothuminya toko ipottha pooti ahiri alokwaa. Akhale ooyariya wapuwani waa, atthuna oothuminya ni ncurukhu, anlamuliya wuulihiya icantto wiira nleehano naka nooheliya ikanyero mwirutthuni mwinyu nikhale nleehano noohimala.