آیات محبوب کتاب مقدس از Mbete Za̧h 17

به اشتراک گذاشتن

Mú hi̧ law woyri pu ɓa nzuku a wo hi̧ kú kaɓ ɓil ketina. Ɓay wo ɓa Ketina.

Ɔkna ɓa ŋgɔh-aw ra ɓa tú mu, a wo Ŋgerzah ké mu ɓa Ŋgerzah ketina mbew yaŋ. Ɔkna ɓa ŋgɔh-u ɓa tú nzuk ké mu pih ni, a ye Ŋgermbay Zezu.

Mberem bi ké mi lu ra, mi vbi ɓay tul nzuk a a̧yri kaŋto ya. Mi vbi mu ɓay tul nzuk a ɓoruri ké ɓay lah ɓay woyri, mí ku kán law tul bi keni pi. Mi vbi mu ɓay tul woyri gbam, kú ɓa nzuk ké mbew kandɔk a wo baah ké mu ɓa mbew ziŋ mi. A bi kara mi ɓa mbew ziŋ mu bale, kú ɓa mbew ziŋ na pi, mi nzuk tukalari ɓá ya̧ ɓayay ɓahri, a wo mú-u pih mi.

Mi vbi mu ɓay mú fa̧h niri, ku el si ta̧w wo ya. Wara le mi vbi mu ɓay mú kɔr tul woyri ke ndɔk nzuk law a pipiri-u a ye mbay záh tukala.

Riŋ ɗina ké mu kan tul bi, a bi wara mí-i kan tul woyri ɓay kú ɓa mbew ziŋ na kandɔk a wah ké nah ɓa nzuk ké mbew ra kaŋ. A bi mi ƴo mbew ziŋ niri, a wo mu ƴo mbew ziŋ mi pi. Riŋ ɗina-aw mi kan tul woyri ɓay kú ŋger ɔh ɓa nzuk ké mbew yaŋ, mí nzuk tukalari ɓá tu keni, a wo mú-u pih mi. Kú tu keni, mu sa nzuk biri mah ke law sana ké mu sa mi kaŋ.