آیات محبوب کتاب مقدس از Yauhaas 21

به اشتراک گذاشتن

Thaus puab noj tshais taag lawm, Yexus has rua Ximoos Petus has tas, “Ximoos Yauhaas tug tub, koj hlub kuv tshaaj puab cov nuav los?” Ximoos teb Yexus has tas, “Tug Tswv, koj yeej paub has tas kuv hlub koj.” Yexus has rua Ximoos has tas, “Koj ca le yug kuv cov mivnyuas yaaj.” Yexus rov has dlua zag ob has tas, “Ximoos Yauhaas tug tub, koj puas hlub kuv?” Ximoos teb Yexus has tas, “Tug Tswv, koj yeej paub has tas kuv hlub koj.” Yexus has rua Ximoos has tas, “Koj ca le yug kuv paab yaaj.” Yexus rov has dlua zag peb has tas, “Ximoos Yauhaas tug tub, koj puas hlub kuv?” Petus nyuaj sab heev rua qhov Yexus nug Petus peb zag has tas, “Koj puas hlub kuv?” Petus txawm has rua Yexus has tas, “Tug Tswv, koj yeej paub ib puas tsaav yaam huv tuabsi; koj yeej paub has tas kuv hlub koj.” Yexus has rua Petus has tas, “Koj ca le yug kuv paab yaaj.

Kuv qha tseeb rua koj has tas, thaus koj tseem hluas koj xaav moog qhov twg, koj ca le tu cev zoj zeeg moog xwb. Tabsis thaus koj laug lawm, koj yuav xyaab teg rua luas khi hab luas yuav coj koj moog rua qhov chaw kws koj tsi xaav moog.”

Yexus has rua puab tas, “Mej ca le ntaus mej lub vaag rua ntawm lub nkoj saab xis rua huv txhaj yuav tau ntseg.” Yog le ntawd, puab txawm muab lub vaag ntaus rua huv hab lub vaag maag tau ntseg ntau heev, puab nqug tsi tau lub vaag lug rua huv nkoj le.

Ximoos Petus has rua cov thwjtim ntawd tas, “Kuv yuav moog ntaus ntseg.” Puab has rua Petus has tas, “Peb yuav nrug koj moog hab.” Puab txawm nce rua huv nkoj, mo ntawd puab ntaus ntseg ib mos, tabsis tsi tau ib tug ntseg le.