آیات محبوب کتاب مقدس از Teg Num 1

به اشتراک گذاشتن

Tabsis thaus Vaaj Ntsujplig tug Dlawbhuv lug nrug mej nyob lawm, nwg yuav pub fwjchim rua mej hab mej yuav ua timkhawv qha kuv zaaj moog thoob plawg huv lub nroog Yeluxalees, huv lub xeev Yudas, huv lub xeev Xamalis, hab moog txug qaab ntuj kawg.”

Yexus has rua puab tas, “Tsi taag mej yuav paub has tas, nub twg hab lub sijhawm twg yuav muaj le ntawd. Lub sijhawm ntawd, nyob ntawm leej Txiv teem ca.

Muaj ib zag thaus Yexus nrug nwg cov timthawj nyob ua ke, nwg saamfwm rua puab tas, “Mej tsi xob tawm huv lub nroog Yeluxalees moog qhov twg le, mej yuavtsum nyob tog txug nub kws mej tau lawv le kuv Txiv coglug has tas, nwg yuav pub rua mej. Qhov ntawd kuv tub qha rua mej lawm. Yauhaas muab tuabneeg ua kevcai raus rua huv dlej, tabsis tshuav ob peb nub xwb, yuav muab mej ua kevcai raus lug ntawm Vaaj Ntsujplig Tug Dlawbhuv.”

Rua qhov plaub caug nub tom qaab kws nwg sawv huv qhov tuag rov qaab lug, nwg tau lug tshwm rua puab pum ntau zag, kuas puab paub has tas, nwg tseem muaj sa nyob. Puab tau pum nwg hab nwg qha puab txug Vaajtswv lub Tebchaws.

Thaus Yexus has le ntawd taag, thaus puab tseem saib quas ntsoov Yexus, ces Vaajtswv txawm coj Yexus moog sau ntuj lawm. Muaj ib tauv fuab lug roog nwg, ces puab tsi pum nwg lawm.

Thaus puab tseem taabtom saib ntsoov Yexus moog sau ntuj, ua cav muaj ob tug txivneej naav rig tsho dlawb paug lug sawv ntawm puab. Obtug has rua puab tas, “Cov tuabneeg Kalilais, mej sawv saib sau ntuj ua dlaabtsi? Yexus tug kws Vaajtswv nyavnyuas coj moog sau ntuj lawm, nwg yeej yuav rov qaab lug ib yaam nkaus le kws mej pum nwg moog ntaag.”