آیات محبوب کتاب مقدس از Salmow 18

به اشتراک گذاشتن

My a elow war an Arloedh, neb yw gwiw dhe vos gordhys : ytho my a vydh selwys a'm eskerens.

Duw yw divlam y fordh : lavar an Arloedh yw prevys; skoes yw dhe seul a drest ynno.

Yth esa kerdyn ankow a-dro dhymm : ha frosow sherewynsi a wrug euth dhymm.

Ev a glewas ow lev yn-mes a'n tempel : ha'm kri a-dheragdho a dheuth bys yn y dhiwskovarn.

Rag ty a enow ow lugarn : an Arloedh ow Duw a wra dhe'm tewlder splanna.

An Duw neb a worr grogys a nerth a-dro dhymm : hag a wra ow fordh divlam.

An Arloedh a vew, ha benniges re bo ow harrek : ha bedhes Duw ow selwyans ughelhes