آیات محبوب کتاب مقدس از Maki 13

به اشتراک گذاشتن

Muki vayaʼamogimo nagiʼnilefeʼmo lapakaefeʼmo apaini hugae. Hugayaʼmonanafa oʼataleʼa atafauʼa alagi huʼa maime maime neʼvisaya vayaʼaina hano hisiya afinaʼmo apakufamo alino katino apateteno hapau vaigiye.

Hainu afinaʼmofi hutapa oʼafiʼnayaʼmofeʼmo ehetapiye, huʼna, kava yagaita maiʼnetapa nunumuʼmo hutapa maiyo.

Lapatafauteʼa agoti huʼa lapatesayafeʼmo lapavaleliʼuʼa apamisagetapaeʼmo hogoteta hutapaeʼmo, na agufa ge huta hugupi, hutapa osuta ani afinaʼmo Gotiʼa alino lapamisiya gemo hapa paiyo. Lapakaemo hapa opaigafa Aote Aunemeʼamoʼa hapa paigiye.

Kokuʼnaʼe ma mopaʼeʼmo hano hugiyaʼmonanafa geʼnimo alagi hano osuno hanege hanege huno hanegaiye.

Na afinapi na kanalepi huʼa muki vayaʼamogimo oʼafiʼnae. Kokuʼnapi enisole vayaʼmogiʼe Mafaʼneʼamoʼeʼmo oʼafiʼnayaʼmonanafa Afoʼamokeʼmo afiʼniye.

Lapaopaleʼmo kamemo hisaya kavafeʼmo ava ge hisagetapa afige afagitega kamemo hisaya kavafeʼmo ava gemo hisagetapa afige hutetapaeʼmo lapau aitetapa koli osiyo. Ani kavaʼmo afole aigiyaʼmonanafa hano hisiya afinaʼmo henagaʼageʼmo afole aigiye.

Ina kava hutapa kava yagaitapa maiyo. Lapakaemo no aepa vekamo hainu afinaʼmo uneʼmo esifi felugakukuʼmo esifi kokole age neʼaiya agufa afinaʼmo esifi gotilamisiyapiʼmo esifi hutapa oʼafiʼnayaʼmofeʼmae. Alagepa hutapa kava yagaita maiyo, fiku yanageno malage huno eno lapakesiyana lapau kaleʼnisageno lapakegaiye. Lapa nepauva agufa gemo huʼna muki vayaʼaifeʼmo kava yagaita maiyo, huʼna hapa nepauve, huno hapa paiʼniye.

Mago nofi vayaʼmogi uʼa alu nofi vayaʼeʼmo kamemo hugae. Mago gamani vayaʼmogi uʼa alu gamani vayaʼeʼmo kamemo hugae. Imimamo aote aote huno alige kafu hu kavaʼmo afole aige hanageke kavaʼmo afole aige hugiyaʼmonanafa apakafu nekiya kavaʼmo saufamogeno afole aigiye.

Hogoteʼa muki alu nofi vaya alu nofi vayaʼaifeʼmo nava gemo huʼa alagepa faigoko geʼnimo aeʼa hakalo huʼa hapa paiʼa hano hugae.

Asole vayaʼmogimo nagiʼnimo aeteʼapaeʼmo, nagaemo Kalaisinaʼmo neʼove, huʼa huteʼa asole vayaʼaina humi apategae.

Mago vayaʼmogimo lapatafauʼa kanisole vayaʼai agotileʼmo lapavaleliʼa uge alu mono nopi alu mono nopiʼmo lapamagige huteʼa gamani vayaʼaiteʼmo yagaiʼa neʼapataya vayaʼaitegaʼe yagaiʼa neʼapataya kini vayaʼai apaulagaleʼeʼmo uta nagiʼnilefeʼmo he ti netapa lama gemo hugae.

Mago vayaʼmogi huʼapaeʼmo, Kalaisiʼna maiʼnove, huʼa huge Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huʼa huge huteʼa noʼagaya apaune kavaʼmo huteʼa ago lekana paino apateʼniya vayaʼaifeʼmo humi apatesayafeʼmo hugayaʼmonanafa afaʼa humi oʼapategae.

Ani afinaʼmo lusi hanageke yaʼmo afole aitesigenoʼaeʼmo yegemo olege kaimo olege hugiye. Muki kanefiʼamo kokuʼnapatiʼmo aino atafaino sagauno aigiye. Kokuʼnapi haneʼniya yaʼamoʼmo atete nehisigenoʼaeʼmo aino atagu faeno atalegaiye.