If you have would like a copy of this version please contact info@davarpartners.org

Sukuma Old Testament

<div class="version vid1517 iso6393suk" data-vid="1517" data-iso6393="suk">
 <div class="book bkGEN">
 <div class="chapter ch19" data-usfm="GEN.19">
 <div class="label">19</div><div class="s">Sodom na Gomola k&#363;kenaag&#363;lwa</div><div class="p"> 1A bamalaika a bab&#299;l&#299; b&#363;ja &#299; Sodoma, b&#363;shika koi makanza ga l&#299;&#299;mi lya mh&#299;nd&#299;. &#362; Lutu &#363;sangwa wigashaga ha mita gwa nzengo; aho wababona &#363;b&#363;&#363;ka k&#363;bas&#363;ng'wanha, &#363;shika winama k&#363;shisha ha s&#299;. 2&#362;baw&#299;la, &#8220;T&#363;l&#299;ho bababa, y&#299;y&#299; numba ya nt&#363;mami wing'we nz&#363;gi ng'wing&#299;le mu kaya, ng'oje na mhambala ng'wifuule &#363; b&#363;jik&#363; wa lelo. B&#363;kweela, ntondo dil&#363; muk&#363;b&#363;&#363;ka muje.&#8221; B&#363;shosha, &#8220;Mm! Yaya t&#363;k&#363;laala d&#363;h&#363; n&#363;&#363;l&#363; hanze h'k&#363;&#363;wa aha.&#8221; 3Al&#299;yo akabik&#363;mb&#299;l&#299;ja no, k&#363;shisha nose b&#363;zunya &#363; k&#363;ja nang'hwe; bing&#299;la nang'hwe &#363; mu numba yakwe. &#362;babeegeja shil&#299;wa, &#363;beeja migat&#299; ya wang&#363; wang&#363; &#299;t&#299; na shibimbya, b&#363;lya. 4Aho bataal&#299; k&#363;laala, kwiman&#299;la pye a bagosha ba mu nzengo gwa Sodoma biza, bataale na bado; baal&#299; bikobya k&#363;fuma hose py&#299; &#363; mu nzengo gwen&#363;yo. B&#363;shika b&#299;p&#299;ndya &#299; numba yen&#299;yo. 5B&#363;linhya k&#363;ng'witana &#363; Lutu, bal&#299;ng'w&#299;la, &#8220;Bebe bal&#299; hal&#299; a banh&#363; abo baal&#299; biza mh&#299;nd&#299; mh&#299;nd&#299; ha ng'wako? Bafunyage aha twize t&#363;bigushe!&#8221;#19:5 T&#363;bigushe: N&#363;&#363;l&#363;, t&#363;laale nabo g&#299;t&#299; k&#363;laala na bak&#299;ma. 6&#362; Lutu &#363;fuma, &#363;ja a hanze aho baal&#299;; aho wafuma &#363;g&#363;lugala &#363; nyango. 7H&#363;na &#363;baw&#299;la, &#8220;Yaya lekagi &#299; g&#299;ko bad&#363;g&#363; bane, mutiz&#363;gw&#299;ta &#363; mhayo gwen&#363;y&#363;, gwa malofu no! 8&#362; nene nal&#299; na bash&#299;ke bane bab&#299;l&#299; bataal&#299; k&#363;sanja na ngosha ose ose, hamb&#363; hamb&#363; nang'wenhele bene, mub&#299;&#299;t&#299;le g&#299;t'umo mutogelilwe. Al&#299;yo a banh&#363; benaba yaya mutiz&#363;b&#299;&#299;t&#299;la mhayo gose gose; nguno bizaga ha ng'wane kwifuula.&#8221; 9Nabo b&#363;nshokeja, &#8220;Bebe t&#363;lekage a bise!&#8221; N&#299;yo bongeja na k&#363;haya g&#299;k&#299;, &#8220;&#362; ng'wing'wana ng'wen&#363;y&#363; wasaam&#299;lile haaha haaha &#363; ng'wen&#363;mu, wandyaga na k&#363;y&#363;t&#363;lomeleja &#299; ya kw&#299;ta. Lembeshaga l&#363;&#363;l&#363;, &#363; bebe h&#363; t&#363;k&#363;kw&#299;t&#299;la yab&#363;bi k&#363;tinda &#363;mo twal&#363;hayaga k&#363;b&#299;&#299;t&#299;la a benabo!&#8221; B&#363;nkand&#299;k&#299;ja &#363; Lutu, k&#363;n&#363; bal&#299;kooba nz&#299;la ya k&#363;g&#363;pag&#363;la &#363; nyango. 10Al&#299;yo a banh&#363; abo baal&#299; &#363; mu kaya b&#363;nduta &#363; Lutu, b&#363;ng'wing&#299;ja mu numba, b&#363;g&#363;lugala &#363; nyango. 11Hanuma ya henaho b&#363;bat&#363;la b&#363;bboku a banh&#363; abo baal&#299; &#299; hanze ya numba, a ha nyango. Pye, bado na bataale, bandya k&#363;bbaabbaasha bal&#299;g&#363;kooba &#363; nyango, al&#299;yo batag&#363;pand&#299;kile.</div><div class="p"> 12H&#363;na a banh&#363; a bab&#299;l&#299; benabo b&#363;ng'w&#299;la &#363; Lutu g&#299;k&#299;, &#8220;&#362;l&#299; na banh&#363; bang&#299; bose bose &#363; mu nzengo gwen&#363;y&#363;? Hamo bakw&#299;l&#299;ma, n&#363;&#363;l&#363; bit&#363;nja na bash&#299;ke bako; n&#363;&#363;l&#363; munh&#363; &#363;ng&#299; ose ose, &#363;yo &#363;l&#299; nang'hwe b&#363;d&#363;g&#363;! B&#299;njage &#363; mu nzengo gwen&#363;y&#363;. 13Nguno t&#363;l&#299;l&#299;kenaag&#363;la &#299; lipand&#299; lyen&#299;l&#299;; &#299; mihayo ya malofu &#299;yo &#299;kw&#299;tagwa &#363; ng'wen&#363;mu yenhelegije k&#363;l&#299;la k&#363;taale no &#363;yo gwashikile mu mat&#363; ga ng'wa SEEBA. Na l&#363;&#363;l&#363; wat&#363;t&#363;maga kwiza k&#363;l&#299;kenaag&#363;la &#299; lipand&#299; lyen&#299;l&#299;.&#8221; 14H&#363;na &#363; Lutu &#363;fuma &#363;ja k&#363;baw&#299;la bakw&#299;l&#299;ma bakwe#19:14 Bakw&#299;l&#299;ma bakwe: Bas&#363;mba baal&#299; baabal&#363;nja a bash&#299;ke bakwe. g&#299;k&#299;, &#8220;Bing'we tw&#299;ngagi &#363; ng'wen&#363;mu, nguno &#363; SEEBA al&#299;g&#363;kenaag&#363;la &#363; nzengo gwen&#363;y&#363;.&#8221; Al&#299;yo &#363; k&#363; bakw&#299;l&#299;ma bakwe akabiza g&#299;t&#299; ak&#363;melanaga d&#363;h&#363;.</div><div class="p"> 15&#362; b&#363;jik&#363; aho boy&#363;j&#299;l&#299;&#299;la kwangal&#363;ka, a bamalaika b&#363;nkomeleja &#363; Lutu bal&#299;haya, &#8220;Kang&#299;l&#299;jaga &#363;nsole wang&#363; &#363; nke wako, na a bash&#299;ke bako a bab&#299;l&#299; abo bal&#299;ho aha, ng'w&#299;nge &#363; mu nzengo gwen&#363;y&#363;, mutiz&#363;sangwa mul&#299;mo, g&#363;kamupyag&#363;la na a bing'we &#363; nsango &#363;yo g&#363;liza!&#8221; 16Al&#299;yo akandya kwigedya gedya, nose a bamalaika benabo b&#363;ndima nkono &#363; wei, n&#363; nke, na a bash&#299;ke bakwe, b&#363;bafunya hanze ya nzengo k&#363;lwa k&#363;bap&#299;ja; nguno &#363; SEEBA akabach&#299;la shigongo. 17Bahay&#363;bafunya &#299; hanze &#363;m&#242; wabo &#363;haya, &#8220;Peelagi ng'wip&#299;je; yaya &#363; kwik&#299;b&#363;ka, n&#363;&#363;l&#363; kwilendeja hose hose &#363; ng'witogolo lyen&#299;lo. Peelelagi k&#363; ng&#363;l&#363;; &#363;l&#363; &#299;t&#299; chene muk&#363;pyag&#363;lwa.&#8221; 18Nang'hwe &#363; Lutu &#363;haya, &#8220;Ka yaya baba, 19wanoolekejaga wiza b&#363;taale no, a ha k&#363;nich&#299;la shigongo k&#363;b&#363;p&#299;ja &#363; b&#363;panga bone. Gwike nat&#363;d&#363;la &#363; k&#363;peelela &#363; k&#363; ng&#363;l&#363;, &#363; nsango g&#363;k&#363;nipand&#299;ka nach&#299;&#299;le mu nz&#299;la. 20Kako kanzengo aho, a kene kal&#299; bbih&#299; n&#363;&#363;l&#363; k&#363;peelela mo. Nal&#299;kwik&#363;mb&#299;l&#299;ja &#363;nizun&#299;l&#299;je napeelele ng'wen&#363;mo; nguno n&#299;yo a koi kal&#299; kadoololo d&#363;h&#363; g&#299;t'umo &#363;l&#299;kabonela. &#362; mu g&#299;ko h&#363; b&#363;k&#363;p&#299;la &#363; b&#363;panga bone.&#8221; 21&#362;ng'w&#299;la, &#8220;&#298;taga g&#299;ko, naak&#363;zun&#299;l&#299;jaga n&#363; mhayo &#363;yo &#363;l&#299;g&#363;lomba gwen&#363;yo; nat&#363;g&#363;kenaag&#363;la &#363; nzengo &#363;yo &#363;l&#299;g&#363;haya. 22Peelaga wang&#363; l&#363;&#363;l&#363; &#363;je ko, nguno nat&#299;ko kw&#299;ta mhayo gose gose aho &#363;taal&#299; k&#363;shika ko.&#8221; (H'&#299; nguno yene &#363; nzengo gwen&#363;yo g&#363;kitanwa Zoa). 23&#362; Lutu aho al&#299;shika &#299; Zoa, &#299; l&#299;&#299;mi ly&#363;sangwa h&#363; lyafuma d&#363;h&#363;. 24H&#363;na &#363; SEEBA w&#299;yit&#299;&#299;la &#299; Sodoma n&#299; Gomola moto na b&#363;gota wa shibiliti k&#363;fuma ng'wig&#363;l&#363; k&#363;l&#299; SEEBA. 25W&#299;kenaag&#363;la gete &#299; mizengo yen&#299;yo, na a mabbaala a gose a ga mapand&#299; genayo; na a bikaji pye a bose a ba mu mizengo yen&#299;yo; n&#299; shose &#299;sho shikazwaga ha s&#299;. 26&#362; nke wakwe &#363; Lutu wanondeelaga a ha numa, al&#299;yo &#363; ng'wene akik&#299;b&#363;ka k&#363;lola k&#363; numa, &#363;gal&#363;ka k&#363;biza ng'h&#299;ng&#299; ya munhu. 27&#362; Abulahamu &#363;b&#363;&#363;ka &#299; dil&#363;, &#363;ja &#363; kwipand&#299; &#299;lo wal&#299; w&#299;m&#299;&#299;la k&#363; b&#363;tongi bo ng'wa SEEBA. 28Wahay&#363;ponya a miso k&#363;lola &#299; Sodoma n&#299; Gomola, g&#299;k&#299; agalole pye a mabbaala ga k&#363; ntub&#299;lo gwa kwen&#363;ko, &#363;bona lyochi itaale g&#299;t&#299; lya b&#363;p&#299; l&#299;l&#299;dundum&#363;ka k&#363;fuma ha s&#299;, k&#363;ja ng'wig&#363;lya.</div><div class="p"> 29H'&#363;mo &#299;kaj&#299;la, &#363; Mulungu aho wahaya kw&#299;kenaag&#363;la &#299; mizengo ya mu s&#299; ya ntub&#299;lo gwen&#363;yo, akang'wiz&#363;kwa &#363; Abulahamu, &#363;ng'w&#299;nja &#363; Lutu &#363; mu makoye ayo gak&#299;kenaag&#363;la &#299; mizengo ya mu s&#299; &#299;yo wikalaga &#363; Lutu.</div><div class="s">Lutu na bash&#299;ke bakwe</div><div class="p"> 30&#362; Lutu na a bash&#299;ke bakwe a bab&#299;l&#299; bak&#299;nga &#299; Zoa, b&#363;ja k&#363; ng&#363;l&#363; b&#363;kigasha kwen&#363;ko; nguno akogoha &#363; kwikala &#299; Zoa. &#362;yikala ng'wipilinga ham&#242; na a bash&#299;ke bakwe b&#363;b&#299;l&#299; wabo. 31Kwiman&#299;la &#363; ntaale wang'w&#299;la &#363; nzunaye g&#299;k&#299;, &#8220;Bebe a henaha at&#299;ho ngosha wa k&#363;laala nise &#363;mo shil&#299; sh&#299;m&#299;le sha banh&#363; bose &#363; mu s&#299;, hama &#363; s&#299;swe &#299; haha wanamhalile. 32Ali l&#363;&#363;l&#363;, t&#363;ng'wishage walwa &#363; s&#299;swe aleewe t&#363;laale nang'hwe, t&#363;d&#363;le k&#363;l&#363;lang'hana &#363; l&#363;b&#299;y&#363; lwise mu nz&#299;la ya ng'wa s&#299;swe.&#8221; 33&#362; b&#363;jik&#363; wen&#363;bo b&#363;ng'winha walwa &#363; saabo, &#363;ng'wa k&#363;shisha &#363;leewa. &#362; nsh&#299;ke &#363; ntaale &#363;ja &#363;kalaala nang'hwe. Wal&#299; atimanaga n&#363;&#363;l&#363; hado, kwand&#299;ja aho al&#299;laala ho &#363; nsh&#299;ke wakwe, k&#363;shisha w&#299;nga ho. 34A ha ntondo yaho &#363; ntaale &#363;ng'w&#299;la &#363; nzunaye g&#299;k&#299;, &#8220;&#362; nene nakalaala nang'hwe &#363; baba &#299; igolo; n&#299; lelo t&#363;ng'wishage, nang'ho &#363;lakalaale nang'hwe, t&#363;l&#363;lang'hane &#363; l&#363;b&#299;y&#363; lwise mu nz&#299;la ya ng'wa s&#299;swe.&#8221; 35Na ng'hana n&#363; b&#363;jik&#363; wen&#363;bo b&#363;ng'winha walwa &#363; saabo, &#363;ng'wa k&#363;shisha &#363;leewa. &#362; nsh&#299;ke &#363; ndo nawe &#363;ja &#363;kalaala nang'hwe. Wal&#299; atimanaga n&#363;&#363;l&#363; hado, kwand&#299;ja aho al&#299;laala ho &#363; nsh&#299;ke wakwe, k&#363;shisha w&#299;nga ho. 36H&#363;na l&#363;&#363;l&#363; a bash&#299;ke ba ng'wa Lutu b&#363;b&#299;l&#299; wabo b&#363;biza nda mu nz&#299;la ya ng'wa saabo. 37&#362; ntaale &#363;byala ng'wana ngosha, &#363;ng'wil&#299;ka &#299; lina lyakwe Moabu. &#362; ng'wen&#363;yo h&#363; nk&#363;l&#363;genji wa Bamoabu ba lelo. 38&#362; nsh&#299;ke &#363; ndo nang'hwe &#363;byala ng'wana ngosha; &#363;ng'wil&#299;ka &#299; lina lyakwe Ben-ammi, &#363; ng'wene h&#363; nk&#363;l&#363;genji wa Baamoni ba lelo.</div>
 </div>
 </div>
</div>

Sukuma Bible © Bible Society of Tanzania, 2019.

A bamalaika a babīlī būja ī Sodoma, būshika koi makanza ga līīmi lya mhīndī. Ū Lutu ūsangwa wigashaga ha mita gwa nzengo; aho wababona ūbūūka kūbasūng'wanha, ūshika winama kūshisha ha sī. Ūbawīla, “Tūlīho bababa, yīyī numba ya ntūmami wing'we nzūgi ng'wingīle mu kaya, ng'oje na mhambala ng'wifuule ū būjikū wa lelo. Būkweela, ntondo dilū mukūbūūka muje.” Būshosha, “Mm! Yaya tūkūlaala dūhū nūūlū hanze h'kūūwa aha.” Alīyo akabikūmbīlīja no, kūshisha nose būzunya ū kūja nang'hwe; bingīla nang'hwe ū mu numba yakwe. Ūbabeegeja shilīwa, ūbeeja migatī ya wangū wangū ītī na shibimbya, būlya. Aho bataalī kūlaala, kwimanīla pye a bagosha ba mu nzengo gwa Sodoma biza, bataale na bado; baalī bikobya kūfuma hose pyī ū mu nzengo gwenūyo. Būshika bīpīndya ī numba yenīyo. Būlinhya kūng'witana ū Lutu, balīng'wīla, “Bebe balī halī a banhū abo baalī biza mhīndī mhīndī ha ng'wako? Bafunyage aha twize tūbigushe!” Ū Lutu ūfuma, ūja a hanze aho baalī; aho wafuma ūgūlugala ū nyango. Hūna ūbawīla, “Yaya lekagi ī gīko badūgū bane, mutizūgwīta ū mhayo gwenūyū, gwa malofu no! Ū nene nalī na bashīke bane babīlī bataalī kūsanja na ngosha ose ose, hambū hambū nang'wenhele bene, mubīītīle gīt'umo mutogelilwe. Alīyo a banhū benaba yaya mutizūbīītīla mhayo gose gose; nguno bizaga ha ng'wane kwifuula.” Nabo būnshokeja, “Bebe tūlekage a bise!” Nīyo bongeja na kūhaya gīkī, “Ū ng'wing'wana ng'wenūyū wasaamīlile haaha haaha ū ng'wenūmu, wandyaga na kūyūtūlomeleja ī ya kwīta. Lembeshaga lūūlū, ū bebe hū tūkūkwītīla yabūbi kūtinda ūmo twalūhayaga kūbīītīla a benabo!” Būnkandīkīja ū Lutu, kūnū balīkooba nzīla ya kūgūpagūla ū nyango. Alīyo a banhū abo baalī ū mu kaya būnduta ū Lutu, būng'wingīja mu numba, būgūlugala ū nyango. Hanuma ya henaho būbatūla būbboku a banhū abo baalī ī hanze ya numba, a ha nyango. Pye, bado na bataale, bandya kūbbaabbaasha balīgūkooba ū nyango, alīyo batagūpandīkile.
Hūna a banhū a babīlī benabo būng'wīla ū Lutu gīkī, “Ūlī na banhū bangī bose bose ū mu nzengo gwenūyū? Hamo bakwīlīma, nūūlū bitūnja na bashīke bako; nūūlū munhū ūngī ose ose, ūyo ūlī nang'hwe būdūgū! Bīnjage ū mu nzengo gwenūyū. Nguno tūlīlīkenaagūla ī lipandī lyenīlī; ī mihayo ya malofu īyo īkwītagwa ū ng'wenūmu yenhelegije kūlīla kūtaale no ūyo gwashikile mu matū ga ng'wa SEEBA. Na lūūlū watūtūmaga kwiza kūlīkenaagūla ī lipandī lyenīlī.” Hūna ū Lutu ūfuma ūja kūbawīla bakwīlīma bakwe gīkī, “Bing'we twīngagi ū ng'wenūmu, nguno ū SEEBA alīgūkenaagūla ū nzengo gwenūyū.” Alīyo ū kū bakwīlīma bakwe akabiza gītī akūmelanaga dūhū.
Ū būjikū aho boyūjīlīīla kwangalūka, a bamalaika būnkomeleja ū Lutu balīhaya, “Kangīlījaga ūnsole wangū ū nke wako, na a bashīke bako a babīlī abo balīho aha, ng'wīnge ū mu nzengo gwenūyū, mutizūsangwa mulīmo, gūkamupyagūla na a bing'we ū nsango ūyo gūliza!” Alīyo akandya kwigedya gedya, nose a bamalaika benabo būndima nkono ū wei, nū nke, na a bashīke bakwe, būbafunya hanze ya nzengo kūlwa kūbapīja; nguno ū SEEBA akabachīla shigongo. Bahayūbafunya ī hanze ūmò wabo ūhaya, “Peelagi ng'wipīje; yaya ū kwikībūka, nūūlū kwilendeja hose hose ū ng'witogolo lyenīlo. Peelelagi kū ngūlū; ūlū ītī chene mukūpyagūlwa.” Nang'hwe ū Lutu ūhaya, “Ka yaya baba, wanoolekejaga wiza būtaale no, a ha kūnichīla shigongo kūbūpīja ū būpanga bone. Gwike natūdūla ū kūpeelela ū kū ngūlū, ū nsango gūkūnipandīka nachīīle mu nzīla. Kako kanzengo aho, a kene kalī bbihī nūūlū kūpeelela mo. Nalīkwikūmbīlīja ūnizunīlīje napeelele ng'wenūmo; nguno nīyo a koi kalī kadoololo dūhū gīt'umo ūlīkabonela. Ū mu gīko hū būkūpīla ū būpanga bone.” Ūng'wīla, “Ītaga gīko, naakūzunīlījaga nū mhayo ūyo ūlīgūlomba gwenūyo; natūgūkenaagūla ū nzengo ūyo ūlīgūhaya. Peelaga wangū lūūlū ūje ko, nguno natīko kwīta mhayo gose gose aho ūtaalī kūshika ko.” (H'ī nguno yene ū nzengo gwenūyo gūkitanwa Zoa). Ū Lutu aho alīshika ī Zoa, ī līīmi lyūsangwa hū lyafuma dūhū. Hūna ū SEEBA wīyitīīla ī Sodoma nī Gomola moto na būgota wa shibiliti kūfuma ng'wigūlū kūlī SEEBA. Wīkenaagūla gete ī mizengo yenīyo, na a mabbaala a gose a ga mapandī genayo; na a bikaji pye a bose a ba mu mizengo yenīyo; nī shose īsho shikazwaga ha sī. Ū nke wakwe ū Lutu wanondeelaga a ha numa, alīyo ū ng'wene akikībūka kūlola kū numa, ūgalūka kūbiza ng'hīngī ya munhu. Ū Abulahamu ūbūūka ī dilū, ūja ū kwipandī īlo walī wīmīīla kū būtongi bo ng'wa SEEBA. Wahayūponya a miso kūlola ī Sodoma nī Gomola, gīkī agalole pye a mabbaala ga kū ntubīlo gwa kwenūko, ūbona lyochi itaale gītī lya būpī līlīdundumūka kūfuma ha sī, kūja ng'wigūlya.
H'ūmo īkajīla, ū Mulungu aho wahaya kwīkenaagūla ī mizengo ya mu sī ya ntubīlo gwenūyo, akang'wizūkwa ū Abulahamu, ūng'wīnja ū Lutu ū mu makoye ayo gakīkenaagūla ī mizengo ya mu sī īyo wikalaga ū Lutu.

Ū Lutu na a bashīke bakwe a babīlī bakīnga ī Zoa, būja kū ngūlū būkigasha kwenūko; nguno akogoha ū kwikala ī Zoa. Ūyikala ng'wipilinga hamò na a bashīke bakwe būbīlī wabo. Kwimanīla ū ntaale wang'wīla ū nzunaye gīkī, “Bebe a henaha atīho ngosha wa kūlaala nise ūmo shilī shīmīle sha banhū bose ū mu sī, hama ū sīswe ī haha wanamhalile. Ali lūūlū, tūng'wishage walwa ū sīswe aleewe tūlaale nang'hwe, tūdūle kūlūlang'hana ū lūbīyū lwise mu nzīla ya ng'wa sīswe.” Ū būjikū wenūbo būng'winha walwa ū saabo, ūng'wa kūshisha ūleewa. Ū nshīke ū ntaale ūja ūkalaala nang'hwe. Walī atimanaga nūūlū hado, kwandīja aho alīlaala ho ū nshīke wakwe, kūshisha wīnga ho. A ha ntondo yaho ū ntaale ūng'wīla ū nzunaye gīkī, “Ū nene nakalaala nang'hwe ū baba ī igolo; nī lelo tūng'wishage, nang'ho ūlakalaale nang'hwe, tūlūlang'hane ū lūbīyū lwise mu nzīla ya ng'wa sīswe.” Na ng'hana nū būjikū wenūbo būng'winha walwa ū saabo, ūng'wa kūshisha ūleewa. Ū nshīke ū ndo nawe ūja ūkalaala nang'hwe. Walī atimanaga nūūlū hado, kwandīja aho alīlaala ho ū nshīke wakwe, kūshisha wīnga ho. Hūna lūūlū a bashīke ba ng'wa Lutu būbīlī wabo būbiza nda mu nzīla ya ng'wa saabo. Ū ntaale ūbyala ng'wana ngosha, ūng'wilīka ī lina lyakwe Moabu. Ū ng'wenūyo hū nkūlūgenji wa Bamoabu ba lelo. Ū nshīke ū ndo nang'hwe ūbyala ng'wana ngosha; ūng'wilīka ī lina lyakwe Ben-ammi, ū ng'wene hū nkūlūgenji wa Baamoni ba lelo.

بشنويد wandījo 19