Luka Fakatomuaga
Fakatomuaga
Ko te Tala Lelei ki a Iehu e tuha ma te mau a Luka e fakailoa mai ai, ko Iehu, ko te Fakaola na folafola mo tagata Ihalaelu, ma ko te Fakaola foki mo tagata uma. I te fakamaumauga a Luka, ko Iehu na kalagagia e te Agaga o te Aliki ke “kaumai te tala lelei ki tagata mātitiva,” ma ko te tuhi tēnei, e tumu i nā popōlega mo nā tino e fia maua ho he itūkāigā fehoahoani. Ko te agaga o te fiafia e tākua ho foki e Luka, kae maihe lava i nā matākupu i te kāmataga e fakailoa mai ai te haele maiga o Iehu, ma i te fakaikuga, i te fanakega o Iehu ki te lagi. Ko te tala ki te tuputupu akega, ma te halalauga o te talitonuga faka-Kelihiano talu te fanakega o Iehu ki te lagi, e fakamaumau foki e te tuhitala lava tēnei, i te tuhi a Gāluega.
Ko te vāega 2 ma te 6 (kikila ki te fakahologa i lalo) ei loto ai te lahi o nā mea e nā ko te tuhi oioti tēnei te tūhia ai, e vē ko nā tala e uiga ki te pehe a nā agelu ma te malaga a nā leoleomāmoe i te fānau maiga o Iehu, ko Iehu i loto o te Mālumalu ka koi he tamā tamaiti, ma nā talafakatuha o te Hāmālia Agalelei ma te Ataliki na Galo. I loto o te tuhi kātoa, e fakamamafa lahi te tatalo, te Agaga Paia, te tūlaga o fafine i te faiga o gāluega a Iehu, ma te fakamāgaloga e te Atua o nā agahala.
Fakahologa o nā vāega o te Tuhi
Fakatomuaga 1.1-4
Te fānau maiga ma te ōlaga tamaiti o Ioane te Papatiho ma Iehu 1.5 — 2.52
Te gāluega a Ioane te Papatiho 3.1-20
Te papatihoga ma te fakaohoohoga o Iehu 3.21 — 4.13
Te gāluega tautua a Iehu i Kalilaia 4.14 — 9.50
Te malaga a Iehu mai Kalilaia ki Ieluhalema 9.51 — 19.27
Te toe vaiaho i Ieluhalema ma nā koga e pili ki ei 19.28 — 23.56
Te toetū, nā fakailoaga ma te fanakega o te Aliki ki te lagi 24.1-53
Currently Selected:
Luka Fakatomuaga: TNT
Tõsta esile
Share
Kopeeri
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.