Gāluega Fakatomuaga
Fakatomuaga
Ko nā Gāluega a te kau Apohitolo e fakaauau mai i te tuhi a Luka. Ko te kautū tūmua o te tuhi tēnei, ke fakailoa pe na vēhea ona fakahalalau e nā tino nae mulimuli ki a Iehu e ala i te takitakiga a te Agaga Paia, te Tala Lelei e uiga ki a te ia i “loto o Ieluhalema, i Iutea ma Hāmālia, ma ke pa ki te gataga o te lalolagi” (1.8). Ko te tala e fakatatau ki te talitonuga o tagata Kelihiano ma te kāmataga oi tuputupu i te mea e i ei ia tagata Iutaia, ma na kavea ai ma talitonuga mo te lalolagi kātoa. Na taumafai lava te tuhitala ke fakamanino ki te kau faitau, ko nā tino Kelihiano e hē ko he vāega e teteke ma taumafai ke kave kehe te pūlega a Loma, ma ko te talitonuga faka-Kelihiano ko te fakakātoatoaga ia o te lotu Iutaia.
Ko te Gāluega e mafai ke vāevāe ki ni vāega tāua e tolu, ona ko te lahi o nā koga kua pa ki ei te tālakiga o te Tala Lelei ki a Iehu, ma kua fakavae ai te Ekalehia i nā koga iēnā: (1) Ko te kāmataga o te talitonuga faka-Kelihiano i loto o Ieluhalema ina kua uma te hikitia ake o Iehu ki te lagi; (2) Kua tuputupu lava ma pa atu ki iētahi koga o Palehetina; (3) Kua hoholo lava te tuputupu o te talitonuga ki nā fenua e fakatāmilo i te Tai Metitelani ke pa lele ki Loma.
Ko hētahi o vāega tāua o te Gāluega ko na gāoioiga a te Agaga Paia, tē e hau ma te mana ki nā tino kua talitonu ki a Iehu i Ieluhalema i te aho o te Penitekoho, ma takitaki ma fakamālohi pea lava ki te Ekalehia ma ona takitaki, e vē oi tākua i te tuhi. Ko te fekau faka-Kelihiano i te kāmataga, e tākua i ni lāuga, ma ko nā mea na tutupu e fakamaumau i te Gāluega ma e kitea ai te mālohi o te fekau tēnei i ōlaga o nā tino kua talitonu, ma i te māfutaga i loto o te Ekalehia.
Fakahologa o nā vāega o te Tuhi
Hāuniuniga mo te vāega o te Tuhi molimau e uiga ki te Tala Lelei 1.1-26
a. Ko te fakatonuga ma te folafolaga mulimuli a Iehu 1.1-14
e. Ko te tino na hui ki a Iuta 1.15-26
Ko te molimau a nā tino Kelihiano i Ieluhalema 2.1 — 8.3
Ko te molimau a nā tino Kelihiano i Iutea ma Hāmālia 8.4 — 12.25
Ko nā gāluega fakamihionale a Paulo 13.1 — 28.31
a. Ko te malaga fakamihionale muamua 13.1 — 14.28
e. Ko te fonotaga i Ieluhalema 15.1-35
i. Ko te malaga fakamihionale tona lua 15.36 — 18.22
o. Ko te malaga fakamihionale tona tolu 18.23 — 21.16
u. Ko Paulo he pagotā i Ieluhalema, Kaihaleia ma Loma 21.17 — 28.31
Currently Selected:
Gāluega Fakatomuaga: TNT
Tõsta esile
Share
Kopeeri
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.